¹ Amun aku dapat bapanir dalam bala bahasa mansia dahan para malaikat, tapi ntah ada kasih, aku ni tatawak nya babunyi dahan dahan canang nya gamarincing. ² Amun aku ada karunia banubuat dahan mangatahuai samua rahasia dahan samua pangatahuan, dahan amun aku ada samua iman akai maminahan bala gunung, tapi ntah ada kasih, aku bukainya apa-apa. ³ Amun aku mangonyu samua harotaku akai mangoyuai makan ka urang jara, dahan manyorahan tubuhku akai dicucul, tapi ntah ada kasih, sadikit pan ntah ada gunanya bagiku. ⁴ Kasih inyan basabar dahan murah hati, kasih inyan tidak camburu, ntah mamegahan diri, dahan ntah somong, ⁵ ntah malabuhan nya tidak pantas, ntah mangoyap kapentingan diri siku, ntah mudah godi, ntah mamperhitukan kasalahan urang bukai, ⁶ ntah bersukscita dalam katidakbonaran, tapi bersukacita sasama agan kabonaran. ⁷ Kasih inyan tahan manangung sagala jolu, mempercayaai sagala jolu, dahan sabar manangung sagala jolu. ⁸ Kasi ntah kala barahir. Tapi, amun ada bala nubuatan, pacaan diantahan; amun ada bahasa-bahasa, pacaan ditongaan; dahan amun ada pangatahuan, pacaan dilenyapan. ⁹ Sobab, kita mangatahuai sabagian ma dahan kita banubuat pan sabagian ma jam. ¹⁰ Tapi, pas nya sampurna datang, nya sabagian inyan pacaan dilenyapan. ¹¹ Waktu aku ija babiak, aku bapanir uba bala biak, aku bapikir uba bala biak, dahan mahiting-hitung uba bala biak. Pas aku nyadi dewasa, aku maningalan bala jolu nya babiak inyan. ¹² Obai inini kita maniat dalam caromin sacara samar-samar, tapi jadi inyan matamuha agan matamuha. Inini, aku baya mangenal sabagian ma, tapi jadi inyan aku pacaan mangenal saponuhnya. ¹³ Jadi,inini katiga jolu ini nta totap tingal, inyaam iman, pengharapan, dahan kasih; tapi nya tabosar dari katiganya inyaam kasih.