( Tuhan Atas Ari Sabat)
1
Suatu tekela pado ari Sabat, Yesus bejelon melalui sebuah huma Tekela iye, mored- mured-Nye memitok beberape biji gendom, ngenggosokkonye dengan tangonnye, lalu memakonye.
2
Beberape urang Farisi betanyo," Mengka kowe melakuko hala nyo hopi buleh de lakuko pado ari sabat?"
3
Yesus menyimbotnye dengan bekehato," hopi kah mike pernah membeco apenyo delakuko Daud tekela enye ngan urang- urangnye nyo besamonye meraso lapor,
4
tentang upamone enye masosk kedelom Rumah Allah, ngambek roti persembahon, makon roti iye, sereta memborikonye kepado urang- urang nyo besamonye, nyo hopi buleh demakonnye, kecuali para imam bae?"
5
lalu, Yesus bekehato kepado urang-urang Farisi iye," Anak Mendesio adolah Tuhan atas ari Sabat."
6
Pado Ari Sabat nyo berikutnye, Yesus bejelon ke sinagoge ngan mengajor. De deman iye ado seurang nyo tangon kanonnye lompoh.
7
Ali-ahli Taurat ngan urang- urang Farisi mengamati Yesus untok ngelek apekah Eye nak menyombohko pado ari Sbat, empoknyo rombongon iye mempunyoi alasan untok menodoh Enye.
8
Hambok sebeleknye, Yesus tahu ko ape nyo rombongon iye pekerko. Enye bekehato kepado urang nyo tangonnye lompoh iye, " Jego ngan togoklah de tangah." lalu urang iye jego ngan togok desane.
9
Yesus bekehato kepado rombongon iye, " Ake betanyo kepado mike, monekah nyo deperbulehko untok delakuko pado ari Sabat: bebuat beik apo bebuat jahat?Menyelamatko nyawo apo membinasonye?"
10
Setelah ngelek sekelileng, kepado rombongon iye segelo, Yesus bekehato kepado urang tangonnye lompoh iye, " jolokko tangonme." Kemudion, urang iye menjolokko tangonnye ngan tangonnye sombuh.
11
Hambok sebeleknye, urang- urang Farisi ngan ahli- ahli Taurat menjedi sajo luat ngan berundeng tentang ape nyo nak rombongon lakuko tehadop Yesus.
12
Tekalo iye, Yesus noek ke buket untok bedoa, ngan desane Enye bedoa kepado Allah sepanjong malom.
13
Pepagienye, Enye memantou mured-mured-Nye ngan memileh dua belas urang jak deantaronye, nyoiyelah urang- urang nyo de sobut-Nye rasol:
14
Simon nyo jugo denamoinye" Petrus", Andreas dolor Petrus, Yakobus, Yohanes, Filipus, Bartolomeus,
15
Matius, Tomas, Yakobus anak Alfeus, Simon urang Zelot,
16
Yudas anak Yakobus, ngan Yudas Iskariot nyo menjedi pengkhianat.
17
Setelah Yesus ngan para rasol toron, ENye togok de suatu daman nyo landoi.Lalu, jongok lah kepado-Nye serombongon godong para mured-Nye ngan urang lobot nyo jongok jak segelo wilayah Yudea, Yerusalem, sereta jak deerah pantai kota Tirus ngan Sidon.
18
Rombongon iye segelo jongok untok mendongorko Yesus ngan untok mendepot kesombuhon jak segelo penyaketnye, Ngan, urang- urang nyo derasoki roh- roh jahat jugo de sombuh ko.
19
Segelo urang beusaha untok menyontuh Yesus sabab ado kuaso nyo keluor jak ENye ngan menyombuh ko rombongon iye segelo.
20
Yesus ngeleki kepado mured- muredn_Nye iye ngan bekehato," De berkatilah kowe nyo miskin sabab melekme lah Kerajaon Allah.
21
De berkatilah kowe nyo kinie lapor sabab kowe todo de konyong ko. Deberkatilah kowe nyo kinie meratop sabab kowe todo tetawo.
22
Deberkatilah kowe saati urang luat denganme, mengucelkome, mehimakme, sereta jejahatko namo beikme uleh Anak Mendesio.
23
Bersenanghatilah pado ari kowe mengalaminye, ngan melompatlah kearokon uleh upahme godong de serega; sabab upa iyelah nenek muyang mike memperlakuko para nabi.
24
Hambok sebeleknye, celakolah hai kowe nyo sogeh sabab kowe lah mendepotko kenyamanon hidop.
25
Celakolah kowe nyo kinie konyong sabab kowe todo kelaporon. Celakolah kowe nyo kinie tetawo sabab kowe todo meratop ngan meratop
26
Celakolah kowe munye segelo urang mengehatoko hal- hal nyo beik tentangme sabab upa iyelah nenek muyang mike tekela boek tentang nabi- nabi pelsu."
27
" Hambok sebeleknye, Ake bekehato kepado kowe nyo mendongorko Ake. Kasehilah mosohme ngan bebuat beiklah kepado urang nyo luat dengan kowe.
28
Deberkatiah urang nyo mengotoki kowe ngan bedoalah bage nyo menganiaya kowe.
29
Bage urang nyo menampor pipime, taworko jugo pipi nyo loen. Ngan, kepado siapepun nyo merampos jubahme, jengon melarongnye untok merampos jubahme, jengon melarongnye untok merampos bejumu jugo.
30
Borilah kepado setiop urang nyo minta kepadome, ngan munye seseurang ngambek milekme, jengonlah meminta ulang.
31
Perlakukolah urang loen sebagoimone kowe endok deperlakuko ulehnye.
32
Munye kowe anyo mengasehi urang nyo mengasehi kowe, apekah pujion nyo deboriko kepadome? sabab, uranh berdoso pun mengasehi urang nyo mengasehinye.
33
Munye kowe anyo bebuat beik kepado urang nyo bebuat beik kepadome, pantoskah kowe mendepot pujion? Sabab, urang bedoso pun melakuko hal nyo samo.
34
Munye kowe meminjamko barang kepado urang loen dengan mengharopko imbalon, apkeh pujion nyo deboriko kepadome? Sabab, urang bedosopun meminjamko kepado urang bedoso loennye empoknyo enye pacok menerimonye belek dengan jemlah nyo samo.
35
Hambok sebeleknye, kasehilah mosohme ngan bebuat nyo beik, borilah pinjamon kepado urang loen tanpo mengharopko imbalon. Dengan beiyoiye, kowe todo mendepot upa nyo godong ngan kowe anak-anak Nyo Mahatinggi, sabab Allah iye beik terhadop urang- urang nyo hopi tahu beterimokaseh ngan nyo jahat.
36
Ulehnyo iye, hendoklah kowe bebelas kasehon, samo upa Bepame nyo jugo ponoh dengan belaskasehon."
37
Jengon menghakemi empoknyo kowe hopi dehakemi. jengon menghukom empoknyo kowe hopi dehukom. Amponilah ngan kowe nak deamponi.
38
Borilah ngan nak deboriko kepadome: suatu takaron nyo beik, nyo depadatko, nyo degoncangko ngan belempah, ngan nyo nak detuangko ke pangkuonme. Ulehnyo dengan ukuron nyo samo nyo nak kowe gunako untok mengokor, hal iye nak deukor ko belek kepadome."
39
Yesus menceritoko kepado rombongon iye perumpamaaon nie," Pacokah urang buta menunton urang buta?hopikah mike bedua nak titek kedelom lubang?
40
Seurang mored hopi lobeh jak gurunye. hambok sebeleknye, setiop urang nyo sodah telateh ank menjedi upa gurunye.
41
Mengka kowe ngelek serebuk kayu de mato dolorme, hambok kowe hopi mengetahui balok kayu de matome dewek?
42
Upamone kowe pacok mengehatoko kepado dolorme, ' dolor , uyulaha ku keluorko serebuk kayu iye jak matome', sedangko kowe dewek hopi ngelek balok kayu dematome? Hai urang munafek!keluorkolah dehulu balok kayu iye jak matome dewek. sesodah iye, kowe pacok ngelek dengan pasot untok mengeluorko serebuk kayu jak mato dolorme."
43
" Betongkayu nyo beik hopi nak menghaselko buahnyo jahat, ngan betongkayu nyo jahat hopi nak menghaselko buahnyo beik.
44
Setiop betongkayu de kenal jak jenes buah nyo dehaselko. urang hopi mengumpolko buah ara jak somok belukor, apo memitok anggor jak somok belukor.
45
Urang beik mengeluorko hal- hal beik jak hatinye nyo beik ngan nyo jahat mengeluorko hal-hal nyo jahat jak hatine nyo jahat. Ape nyo keluor jak mulot seseurang beasal jak ape nyo memonohi hatinye. "
47
( Dua Macom Pendasi)
46
" Mengka kowe mantou Ake, 'Tuhan, Tuhan', hambok hopi melakuko ape nyo Ake ajorko?
,v47 Ake nak menunjok ko kepadome, upa apekah urang nyo jongok kepado-Ke, mendongor ajoron-Ke ngan melakukonye.
48
Enye upa urang membengun sebuah rumah, nyo ngali dedelom, lalu memoteko pendasi iye de pocok betu. Tekela aek delom jongok, aek delom iye hopi pacok de menerejang rumah iye, hambok hopi pacok menggoyakonye sabab rumah iye de bengun sajo kuat.
49
Hambok, urang nyo mendongor ajoron-Ke hambok hopi mematohinye, enye upa urang nyo membengun rumah de pocok tanoh tanpo pendasi. tekela aek delom jongok, rumah iye roboh ngan mengalami kerosakon nyo godong."