¹ Kemudion, Yesus menampakko badan lage kenempat murid-murid-Nye de parok denou Tiberias. Enye menampokko badan-Nye dengan caro sebage upanio: ² Simon Petrus, Tomas nyo de sobut Didimus, Natanael deri Kana de Galilea, anak -anak Zabadeus, ngan 2 murid nyo loin sedang bekumpul. ³ Simon Petrus buik kenempat mike," Ake bakal pogi menangkop ikan." ⁴ Tekalo lah parok pagi, Yesus togok de pantai, hambuk murid-murid hopi tahuko behwo iye adolah Yesus. ⁵ Enye buik kenempat mike, " Anak-anak, ibo kowe memilikih ikan?" ⁶ Enye buik kenempat mike," Tebarkolah jalome ke sebelah kanon biduk, ngan kowe bakal mendepot." Mengka, mike menebarko jalo, hambuk hopi depot menareknye ke delom biduk ulehnyo lobotnyo ikan. ⁷ Uleh sabab iye, murid nyo de kasehi Yesus buik kenempat Petrus, " Iye Tuhan!" Tekalo Simon Petrus mendongor behwo iye Tuhan, enye menyarungko pakoyonnye ulehnyo enye menanggalko bejunye tekalo begawe, ngan terjun ke delom denou. ⁸ Murid-murid nyo loin njongok dengan biduk ngan menarek jalo nyo ponuh dengan ikan. Sabab, mike hopi jouh deri derot, jaraknye kiro-kiro 200 hasta. ⁹ Tekalo mike sampoi de derot, mike ngoleh baro api dengan ikan nyo tepotek de pucuknye ngan jugo roti. ¹⁰ Yesus buik," Undalah beberape ikok ikan nyo beheru saja kowe tangkop." ¹¹ Simon Petrus noek ke biduk ngan menarek jalo nyo ponuh dengan ikan godong iye ke derot, jumlahnye 153 ikok. Hambuk ikan iye sajo lobot, jalonye hopi tekuyak. ¹² Yesus buik kenempat mike," Maro ngan makonlah." Pi sikuk pun deri murid-murid iye berani betanyo kenempat-Nye, " Siapekah kowe?' Ulehnyo mike tahuko behwo Enye adolah Tuhan. ¹³ Yesus njongok ngan mengambek roti iye sereta memborikonye kenempat mike. Upanio jugo de lakuko-Nye dengan ikan iye. ¹⁴ Nielah ketiga kalinye Yesus menampakko badan kenempat padong murid-Nye sesodah Enye de bangketko deri antaro urang te'elek. ¹⁵ Sesodah mike selesai makon, Yesus buik kenempat Simon Petrus, " Simon, anak Yohanes, ibo kowe mengasehi Ake lobeh deripado segelo bie?" ¹⁶ Yesus buik lage untok kedua kalinye kenempatnye," Simon, anak Yohanes, ibo kowe mengasehi Ake?" ¹⁷ Yesus buik kenempatnye untok ketiga kalinye," Simon, anak Yohanes, ibo kowe mengasehi Ake?" ¹⁸ Ake ngehatoko nyo sebonornyo kenempatme, tekalo kowe muda, kowe dewek nyo mengobot pinggangme ngan bejelon mone pun kowe endok; hambuk tekalo kowe menjedi tuha, kowe bakal merentangko tangonme ngan urang loin bakal mengobot pinggangme, ngan mengundame ke tempat nyo hopi kowe amatko." ¹⁹ Yesus ngehatoko hal nie untok menunjukko dengan kemation upa ape Petrus bakal memuliako Allah. Ngan lah ngehatoko hal iye, Enye buik kenempay Petus," Hiluilah Ake!" ²⁰ Petrus menenggak ngan ngoleh murid nyo sajo de kasehi Yesus sedang mehilui mike. Enye adolah murid nyo duduk parok dada Yesus pado perjamuon malom ngan betanyo," Tuhan, siapekah urang nyo bakal menghianati Kowe iye?" ²¹ Tekalo ngoleh enye, Petrus betanyo kenempat Yesus," Tuhan, upamone dengan enye?" ²² Yesus nyimboti, " Mengkah Ake endok enye tetap hidop sampoi Ake njongok belek, ape urusonme? kowe, hiluilah Ake!" ²³ Mengka, pembuikkon Yesus nie tesebar de antaro dulur-dulur iye behwo murid iye hopi bakal te'elek, padohal Yesus hopi ngehatoko kenempatnye behwo enye hopi bakal te'elek, meloinko hanyo buik," mengkah Ake endok enye tetap hidop sampoi Ake njongok belek, ape urusonme?" ²⁴ Enyelah murid nyo besaksi mengenai segelonye nie, ngan lah menulesko segelonye nie, ngan kite tahuko behwo kesaksionnye iye bonor. ²⁵ Lage ado lobot hal loin lah Yesus lakuko, nyo munye de tulesko sikuk per sikuk, ake raso segelo denia nie pun hopi bakal cukup untok segelo kitab nyo harus de tules iye.