(Nasehat Mengenai Perkawenon) ¹ Kinie mengenai, hal-hal nyo kou tules kepadoke, adolah beik bage jenton-jenton untok hopi merabo betina. ² Hambok, ulehnyo adonye perzinahon, setiap jenton-jenton sebeiknye mempunyoi bininyo dewek ngan setiap betina mempunyoi laknyo dewek. ³ Lakinye harus memonohi kewajebonnyoe tehadop bininye, pula bini tehadop lakinye ⁴ Bini hopi bekuaso pucok badannyo dewek, meloenkoh lakinyo. Begitu pula laki hopi bekuaso pucok bdannyo dewek, meloenkoh bininyo. ⁵ Jengonlah kowe saleng menjouhi, kecuali ngan persetujuon besamo untok sementaro waktu empoknyo kowe leluaso memborikoh waktume untok bedoa. Kemudion, hidoplah besamo-samo lagi emoknyo beles hopi menandengi dirime ulenyo kehopi mampuon delom pengendalion diri. ⁶ Hambok ake mboekko nie sebagai kelunggoron, bukon sebagai perintah. ⁷ Ake beharop segelo urang upah dirike, ulehyo hambok, setiap urang memeleki karunianyo dewek deri Allah, nyo seurang delom hal nie ngan nyo loen delom hal iye. ⁸ kenempat nyo hopi kawen ngan para jendo, ake boeko behwa lobeh bei bage mika jiko tetap delom keadoon upah ake. ⁹ Ulenyo hambok, jiko mike hopi paco mengedaliko diri, sebaliknye mike kawen. Sabab, lobeh beik kawen deri pado tetunu uleh hawo nafsu. ¹⁰ Kenempat nyo kawin, ake borikoh perintah-perintah nie ( bukon deri aku, meloenko deri Tuhan), yaitu bini hopi boleh meninggalko lakinyo, ¹¹ (Hambok jiko nye sodah telanjor meninggalkoh lakinye, enye harus tetap hopi kawen, atau belek dedamaiko ngan lakinyo), ngan laki hopi buleh menceraikoh bininye. ¹² Kenempatnyo selobehnyo, ake mbokko (ake, bukon Tuhan), behwa kalau ado dolor mempunyoi bini nyo hopi pecayo, ngan betina iye endok hidop besamonye, jengnlah enye menceraiko bininyo iye. ¹³ Begitu pula jiko seurang betina mempunyoi laki nyo hopi pecayo, ngan jenton-jenton iye endok hidop besamonye, jengonlah enye meninggalkoh lakinyo iye. ¹⁴ Ulehnyo lakinyo hopi pecayo iye dekudusko uleh bininyo, ngan bini nyo hopi pecayo dekduskoh uleh lakinyo. Jiko hopi demikion, anak-anakme adolah anak-anak najes, hambok kinie mike kudos. ¹⁵ Hambok, jiko nyo hopi pecayo iye endok bepisah, biarkolah enye berpisah. Delom hal upah nie, dolor atau dolor hopi lagi tekobot ulehnyo hambok, Allah sodah mantou kite untok hidop delom damai sejahterra. ¹⁶ Ulehnyo hai bini, upahmone kowe tahukoh muye kowe nak menyelamatkoh lakime ? atau upah monekah kowe tahuko, hai laki,muye kowe nak meyelamatkoh binime ? tetap delom keadon tekalo depantou Allah. ¹⁷ Hambok, upah nyo lah Tuhan tetapkoh untok segelo urang, sebagaimone Allah lah manto mike maseng-maseng, tetaplah hidop delom keadoon demikion, demikon pUla ake serakoh ngn segelo jemaat. ¹⁸ Apekoh ado urang nyo depantou ketiko enye sodah desunat ? Jengonlah enye nyegaweko tando sunatnye. Adokah urang nyo ketik depantou enye bolom besunat ? Jengonlah enye desunat. ¹⁹ Sabab, besunat ataupon hopi besnat, hopilah penteng. Hambok, nyo penteng adolah ketaaton tehadop peyerah-peyerah Allah. ²⁰ Setiap urang harus tinggal delom keadaon upah ketiko enye depantou. ²¹ Apekah kowe seurang budak ketiko depantou ? jengon kowe mengutarako hal iye. Hambok jiko kowe jugo depot menjedi urang nyo merdeka,lobeh beik gunakohlah kesempaton iye. ²² Sabab enye nyo ketio depantou delom Tuhan adolah budak enye adolah urang merdeka melek Tuhan. Demikon jugo, ketiko urang merdeka depantou, enye adolah budak Kristus. ²³ Kowelah detobus dengan rega lunas, ulehnyo iye jengonlah kowe menjdei budak mendesio. ²⁴ Dolor-dolor, hendaklah setipa urang tetap tinggal besamo Allah, delom keadaon ketio enye depantou. ²⁵ Kinie tentang urang-urang nyo bolom pernah kawen, ake hopi mempunyoi perintah deri Tuhan. Ulehnyo hambok, ake mboriko pendepotkeh sebagai urang, nyo uleh belas Kasehon Tuhan, depot depecayo. ²⁶ Ake mengagap hal nie beik delom keadaon sulet saat nie, yaitu lobeh beik bage seseurang untok tetap tinggal upah ape adonyo. ²⁷ Apekah kowe tekobot ngan surang bini ? Jengonlah meusahakoh perceraion, apekoh kowe bolom tekobot ngan bini ? Jengonlah kowe delok bini. ²⁸ Hambok, muye kowe kawen, kowe hopi bedoso. Ngan, muye seurang gedes kawen, enye hopi bedoso. Hambok ulehnyo, mike nyo kawen akan mengalami kesuleton-kesuleton hidop deniawi, ngan ake ando kowe tehindar deri hal-hal iye. ²⁹ Dolor-dolor, maksodke adolah wakwaktunyo sodah singkot. Jedi mulai kinie, biarlah mika nyo mempunyoi bini, hidoplah seolah-olah mike hopi mempunyoinye. ³⁰ Mike nyo meartop seolah-olah hopi meratop, mika nyo besukacito seolah-olah hopi besukacito, mike nyo mbol seolah-olah memelekinye. ³¹ Ngan mika nyo menggunako hal-hal denia nie, seolah-olah hopi menggunakonye.Sabab, keadaon denia nie sedang leyap. ³² Ake endok kowe bebas deri ketakoton,urang nyo hopi kawen memekerkoh hal-hal mengenai Tuhan, upahmone enye depot meyenangko Tuhan. ³³ Ulehnyo hambok, urang nyo kawen memekerkoh hal-hal deniawi, upahmone enye depot menyenangko bininye. ³⁴ Ngan perhationnye tebage-bage. Betina nyo hopi kawen ngan rombongon gedes menghawaterkoh ghal-hal mengenai Tuhan empokonyoenye menjedi kodos, beik badan maupon rohnye. Hambok, betinanyo kawen menghantarkoh hal-hal denia nie, upahmone enye depot meyenangkoh lakinye. ³⁵ Ake mboekkoh hal-hal untok keuntongon me dewek, bukon untok moteko jorot pucukme, meloenkoh untok hal nyo beik empoknyo pelayanonme ngan Tuhan hopi teganggu. ³⁶ Munye ado urang nyo mengagap bahwah enye sodah melakukoh hal nyo hopi pantas tehadop gedesnye, biarlah enyo melakukoh ape nyo deendokonye,enye hopu bedoso, biarlah mike kawen. ³⁷ Hambok,enye nyo sodah mantap delom hatinye, hopi sedang de bewoh paksoon, memeleki kuaso pucuk kendoknyo dewek, ngan sodah memutuskoh delom hatinye untok hopu mengaweni gedesnyo iye, mengkah enye pon betindak ngan beik. ³⁸ Jedi, muye ngaweni betina iye enye bebuat bonor, hambok enye hopi mengaweni betina iye,perbuatonnye iye pon beik. ³⁹ Bini tekobot selamo lakinyo maseh hidop, hambok , munye lakinye teelek, enye bebas untok kawen ngan siape bae nyo dekehendoknye, asalko urang iye de delom Tuhan. ⁴⁰ Cuma hambokm, menurut pendepotkeh,enye kan lobeh beik bahagia munyeenye tetap delom keadoonny, engan menorotkeh,ake jugo menuhankoh Roh Allah.