Kabar tentang Kabangkitan Yesus ¹ Waktu ari partam ari koa, aapm - aapm Maria Magdalena ampus ka patunuan Yesus , ari masih galap, lalu di nee' batu panutup patunuan udah bageser. ² Lalu, ia batalama' namui' Simon Petrus ba murit nang lain nang di kasihi' Yesus, bakata ka kabatne," Kabatne udah naap Jubata dari patunuan, lalu kami ina' nahui' kamae kabatne muangan Ia." ³ Lalu Petrus ba murit nang lain ampus ka patunuan. ⁴ Ia badua sama - sama batalama', tapi murid nang lain batalama' labih bijak dari Petrus lalu kabatne labuh doho' atakng ka patunuan. ⁵ Ia tacangang nee' ka daapm, lalu nee' kaikng kafan pamungkus bangke Yesus kahe nang ada, tapi ia ina' taama' ka daapm. ⁶ Lalu, Simon Petrus atakng nyusul ka daapm taama' ka patunuan, lalu ia nee' kaikng kafan pamungkus kahe nang ada dikoa, ⁷ Lalu, kaikng panutup muha nang mungkus kapala Yesus ina' dikoa ,tapi bagolong ka tampat lain. ⁸ Lalu, murid nang lain tadi, nang labih doho' sampe ka patunuan, taama' uga'. Ia nee' lalu picaya'. ⁹ Sabab sanape' kajadian koa kabatne nape' ngarati Kitab Suci, kade' Yesus koa arus bangkit dari mati. Yesus nee'atn diri'E ka Maria Magdalena. ¹⁰ Jadi, kadua murid koa puakng ka rumah. ¹¹ Tapi, Maria badiri kauwas patunuan lalu nangis, Sambil nangis matae tatuju ka daapm patunuan koa, ¹² lalu ia nee' dua urakng malaekat bapakean putih ka tampat bangke Yesus di nguringan sanapee'. nang seko' duduk ka bagian kapala' nang seko' duduk ka bagian paha. ¹³ Kadua malaekat koa batanya ka Maria, " Nang bini, ngahe kao nangis?" jawab Maria ka malaekat koa,"Kabatne udh naap bangke Jubataku lalu aku ina' nahui' kamae kabatne muangan Ia." ¹⁴ Aka bakata ayakoa malaekat tadi, Maria mamalek ka balakang lalu ia nee' Yesus badiri ka tomo'nge, tapi ina nahui' kade' koa adalah Yesus. ¹⁵ Yesus batanya ka Ia," Nang bini sae nang kao ngagoi'?" sabab ia ngira panjaga taman , Maria bakata ka Ia," Tuan ,Kade' tuan mindahatn Ia, bare nahui' aku dimae muangan Ia, lalu aku mao' naap Ia." ¹⁶ Yesus bakataka Maria," Maria." Maria pun mamalek lalu bakata ka Ia daapm bahasa Ibrani," Rabuni," nang artie," Guru". ¹⁷ Yesus bakata ka Ia," Amelah kao nyingii' Aku sabab Aku nape' ampus ka Apa'. Tapi, ampuslah ka ka adi'-baradi'-Ku lalu kataatn ka kabatne," Aku mao' ampus ka Apa'-Ku ba Apa'nyu, ka Jubata-Ku ba Jubatanyu." ¹⁸ Maria Magdalena ampus mare' nahui' murid - murid," Aku udah nee' Jubata," lalu kahe Yesuslah nang udah ngataatn hal - hal nyian ka ia. Yesus neeatn Diri'e ka murid muritE. ¹⁹ Waktu ari mulai' maam, adalah minggu pertama daapm minggu koa, lalu pintu - pintu para murid bakomo' tatutup soale kabatne gai' ka urakng Yahudi, Yesus atakng lalu badiri ka tangah - tangah kabatne," Damai sejahtera baginyu!" ²⁰ .Aka' bakata ayakoa, Yesus nojokatn kokot ba lambung-Nge ka kabatne. Para murid sidi karepoatn waktu kabatne nee' Yesus. ²¹ Lalu, Yesus bakata agi' ka kabatne agi'," Damai Sejatera baginyu. sama aya Apa' ngutus Aku, ayakoa uga' Aku ngutus kao angkitn ." ²² Lalu aka' Ia bakata ayakoa, Yesus nyiupi' kabatne lalu bakata," Tarima'lah Roh Kudus!. Kade' kao ngamponi' dosa dangan, maka dosa urakng koa di amponi'. ²³ Jadi ada urakng nang dosa - dosae ina' kao amponi', maka dosa kabante ina' diamponi'." Yesus nee'atn DiriE ka Tomas. ²⁴ Thomas, salah seko' dari ka dua balas murid Yesus, nang disaru' uga' Didimus, ina' basama kabatne waktu Yesus atakng. ²⁵ Lalu murid - murid nang lain mataki' ia," Kami udah nee' Jubata," Tapi, Thomas bakata ka kabatne," Kacoali aku nee' sandiri' bakas paku ka kokot-Te lalu nusukatn jariku ka bakas paku koa. ba namaan kokotku ka daapm lambung-Nge, aku ina' akan picaya'." ²⁶ Lapan ari sataruse, murid - murid ba komo' agi' ka rumah koa, Thomas ada uga' ka dikoa, biarpun pintu - pintu tatutup rapat, Yesus atakng badiri katangah - tangah kabatne, ²⁷ Lalu bakata," Damai sajahtera baginyu!," lalu bakata ka Thomas," Uluratn jarinyu kadian lalu tee"lah kokot-Ku, lalu uluratn kokotnyu kadian tarus puangan ka lambung-Ku, ame ina' picava', tapi picaya'lah!". ²⁸ Thomas nyawab Yesus," Au', Jubataku ba Jubata Panampa'ku!". ²⁹ Yesus bakata ka ia," Angkitn kao picaya' ge' ina' soale kao udah nee' Aku? Dibarakati'lah kabatne nang ina' nee' Aku, tapi picaya" Tujuan Yohanes Nulis Kitab Nyian. ³⁰ Masih manyak tanda-tanda ajaib nang Yesus nee'atn ka murid -murid-Te, nang ina' ditulis ka daapm kitab nyian. ³¹ Tapi, samua nyian ditulis biar kao picaya' kade' Yesus koa adalah Karistus, Anak Jubata Panampa', biar malaui' picaya' koa, kao namu idup ka daapm dama-E