¹ Tautanlah kade' ka ari-ari dudi ana akan atakng masa sumput. ² Manusia kahe akan sayakng ka diri'k e babaro ba jaji amba duit. pangalok ba akan nyombongan diri'k e, kabatnne akan jaji panuduh, kabatn ne akan malawan ka urakng tuha ba ina'k nauan batarima'k kasih, ina'k maduliatn agama, ³ ina nauan mengasihi'k, bai' badamai, suka majahat urakng, ina' bisa nahan diri'k e, garang, ina'k suka nang baik, ⁴ suka berhianat, ina'k bapikir panyakng, balagak naun, labih nuruti'k hawa napsu dari pada nuruti'k Tuhan. ⁵ Kateeatnne kabatnne aya majaanan ibadahhe, tapi sabanare kabatnne ina'k picaya ka kakuatanne. Jauhi'klah urakng yakoa! ⁶ Barang kaantara kabatnne ada urakng-urakng nang nyalundup ka rumah urakng lain ba menjerat nang bini-bini nang lamah nang badosa ba nang dinguasai'k di bamacam-macam napsu, ⁷ nang biarpun sau mao'k diajar, tapi ina'k suah nganal kabanaran. ⁸ Sama aya Yanes ba Yambres nantakng Musa, yakoa uga'klah kabatnne nantakng kabanaran. Akal kabatnne bobrok ba iman kabatnne ina' tahan uji. ⁹ Tapi udah pasti kabatnne ina' akan labih maju, barang aya tolen Yanes ba Yambres, kabodoatn kabatnne pun akan nyata ka samua urakng. ¹⁰ Tapi kao udah nuruti'k ajaranku, cara idupku, pendirianku, imanku, kasabaranku, kasihku, katekunanku. ¹¹ Kao udah ikut menderita penganiayaan ba singsara aya nang udah ku derita ka Antiokia ba ka Ikonium ba ka Listra. Samua panganiayaan koa ku nagaratn ba Jubata udah ngalapasatn aku dari pada koa. ¹² Memang satiap urakng nang mao'k idup baibadah ka daapm Karistus Yesus akan menderita aniaya, ¹³ sedangkan urakng jahat ba panipu akan batambah jahat, kabatnne nyasattatn ba disasatantn. ¹⁴ Tapi haruslah kao tatap basinggi'k ba ka kabanaran nang udah kao narima'k ba nang kao yakini', ba sau ngingat urakng nang udah ngajaratn ia ka kao. ¹⁵ Ingatlah uga'k kade' dari enek kao udah nauan Kitap Suci nang bisa mare'k pangatahuan ba nuntun kao ka kasalamatan iman ka Yesus Karistus. ¹⁶ Sagala tulisan nang dimareatn di Jubata memang bauna untu' ngajar, untu' matakatn kasalahan, untu' maiki'k kalakuan ba untu' nidik urakng daapm kabanaran. ¹⁷ Karna yakoa tiap-tiap manusia kapunyaan Jubata diperlengkapi untu' satiap perbuatan baik.