¹ Gabe laus mo Jesus isi nai, soh mi kuta ketubuhenNa, dekket siseanNa mengekutken Ia. ² Isi jumpa ari sabat, i mulai Jesus mo mengajari i sapo perpulungen, mbue ngo jelma si membegekensa janah lengngang , gabe idok mo,idike nai ngo dapetSa karina i? Perbinettohen kade ngo i bereken Bana?. ³ Oda ngo lakni Ia tukang kayu,dukak si Maria, anggi si Jakkobus dekket si Joses dekket Judas dekket Simon? Oda lakni lot turang na isen rebbak kita? Gabe mrukkil ngo kalak i bak oda i jalo Ia. ⁴ Idokkon Jesus mo bai kalak i, manang idike pe ipesangap jelma ngo sakalak panunirang alai asing ngo molo i kuta ketubuhenna, i tengah-tengah kaka anggina dekket isapona. ⁵ Ala ni mo Jesus oda boi membaen tanda kelengangen isi, alai iampeken ngo tanganna mi karina si mersakit asa malum i akap kalak i. ⁶ Lengang ngo Ia ala oda porsea kalak i gabe laus mo Ia mengkulilingi kuta-kuta dekket mengajari. ⁷ Jadi, idiloi Jesus mo siseanNa si sipuluh dua i asa i suruh kalak i laus dua-dua kalak, dekket mengelean Kuaso lako pelausken tendi simada jadi. ⁸ Idokken mi kalak i, asa unang kade embah kalak i iperdalanaen, pellin tongket ngo, oda lot roti, oda lot ucang odalot kepeng ibagasen permentingna. ⁹ Alai ipakke mo solop, oda boi memakke dua pakken. ¹⁰ Idokken Jesus mo be kalak i, manang idike pe ke masuk mi sada sapo, isi mo kene sedekah oda deng laus kene i sapo i nai. ¹¹ Molo lot sapo oda menjalo kene dekket oda i begeken kene, pirpirken kene mo tanoh silekket i nehe ndene nai, imo gabe sada kesaksiin be ndene. ¹² Asa laus mo kalak i lako mengkataken asa karina jelma merobah. ¹³ Janah boi ngo kalak i pelausken akka begu dekket kiminaki jelma simersakit. ¹⁴ Deket raja Herodes pe enggo ibegge, ala gerar Jesus enggo terberita janah idok kalak ngo, si Johannes pendidi ngo i, enggo keke i kei mateen nai asa boi tanda kelengangen i mengula i bagasen Ia. ¹⁵ Deba mendok, Ia si Elia, deba mendok sakalak panurirang sian karina penurirang. ¹⁶ Alai i si begge si Herodes karina katai, Johannes si enggo kupenngel takalna, i ngo enggo i pekeke! ¹⁷ Si Herodes ngo mendokken asa i tangkup si Johannes, i beangken i bagasen kurungen ala si Herodias, daberru ni anggina si Pilippus, ala i buat si Herodes ngo si Herodias gabe daberruna. ¹⁸ Alana enggo piga kali si Johannes mendok mi si Herodes; oda toko ibuat kono daberru ni anggimu. ¹⁹ I ngo kibain si Herodes merceggo ni ate mi si Johannes janah lot rokana naing ki bunuhsa, alai oda boi. ²⁰ Alai mbiar ngo Herodes mengidah si Johanes ala i bettoh si Johanes jelma si toko dekket si porsea gabe ijaga si Herodes ngi si Johanes i tikki si Johanes membege si Johanes. ²¹ I sada ari tikki si Herodes merulang tahun, ibain ia ngo sada perpulungen mi karina denganna i Galilea. ²² Tumatak ngo berru si Herodias, membakin sennang roka ni si Herodes. Idok raja i mo mi simerbaju i, pengido mo kade lemmo ni atemu asa kubereken bamu. ²³ Kade sambing pengidon mu boi mgo kubereken, setengah pe arta dekket sinirajaan ken, boi ngo kulean. ²⁴ Jadi idok simerbajui ngo mi inangna, kade ngo kupengido? ialusi inang nai mo: Pengido mo takal si Johannes. ²⁵ Gabe idok si merbajui mo mi raja i: Lemmo etongenku takal si Johannes i babo pinggan. ²⁶ Membege i marsak ngo raja i, alana enggo idokken kin ranana mi si merbaju i manang kade sambing i pengido. ²⁷ I suruh raja i mo sakalak meralengi takal si Johannes. ²⁸ Asa i embah mo takal si Johannes janah ibain i babo pinggan. ²⁹ Enggo kessa i begge si seanNai, roh mo kalak i meraleng daging si Johannes, menaruhken mi kuburen. ³⁰ Alai merpulung mo karina sisean I dekket Jesus, ipaboa mo Bana, kade sinibahan dekket si niajarken kalak i. ³¹ Idok Jesus mo, beta mo laus kita mi sada bekkas si melongo asa meradi kita. Alana mbue ngo kalak ku idah merlaus ro, dekket lako mangan pe oda terenget. ³² Laus mo Jesus dekket si seanNa i, mi sada parau. ³³ Alai mbue ngo kalak mernidah, dekket menandai Jesus. ³⁴ I si laus Jesus mi topi dano i, mbue ngo i idah i si jelma pas bage pinakan si oda lot permakanna, nai maseh mo ateNa menengen kalak i. ³⁵ Enggo kessa berngin roh mo si seanNa i mendahi Jesus, nina mo: melongo kian ngo bekkas en enngo nola mbagas berngin. ³⁶ Suruh mo kalak i mi kuta njolmit si lot i sen, asa i tokor kalak i si panganen. ³⁷ Alai idok Jesus mo, Bereken kene mo kalak i mangan. I dokken sisean i mo Bana, kennah laus ngo kami menokor sipanganen mer arga dua ratus dinar asa boi terberre mangan jelma mbue i. ³⁸ Idok Jesus mo, lot piga roti be nde? Lako mo tengen! I aloi kalak i mo Jesus, " lima roti dua dekke. " ³⁹ I dokken Jesus mo mi kalak i asa kundul merturpuk-turpuk. ⁴⁰ Merkundulen mo jelmai lot mo seratus kalak debanai lima puluh kalak. ⁴¹ Ibuat Jesus mo lima roti dekket dekke si dua i, i tengngen mo mi babo, idokmo Mauliate i penggel- penggeli mo roti i, i bereken mo mi si seanNa i asa i bagi-bagiken mi jelma si mbue i. ⁴² Karina ngo kalak i mangan bessur. ⁴³ I pepulung kalak i mo lebihna lot deng sipuluh dua keranjang nai, lebih roti dekket dekke i. ⁴⁴ Lima ribu kalak mo daholi mbue na simangan i. ⁴⁵ I dokken Jesus mo mi karina si seanNa i, masuk mo kene mi parau, jolo mo kene laus mi kepar, mi Betsaida, jelma mbue i asa idokken mo mulak. ⁴⁶ Enggo kessa mulak kalak i, laus mo Ia mi uruk-uruk lako mertangiang. ⁴⁷ Enggo kessa lako gellap, parau i pe enggo soh i tengah dano, alai Jesus tading ngo sakalakna i darat. ⁴⁸ I tengen Jesus mo si sean i bagimo lejana i akap kalak i lako merembah parau nai, ala roh ngo angin mengalo arah,mi parau i pas jam tellu berngin, roh mo Jesus mendahi kalak i janah merdalan i babo lae lako mengelausi kalak i. ⁴⁹ I tengen kalak i mo Jesus merdalan i babo lae i, alai idok kalak i ngo Ia begu. ⁵⁰ Mersuraki ngo kalak i ala mbiarna menengen Jesus, alai mengerana i mo Jesus mi kalak i, nina mo mi kalak i: " Kom mo kene " Aku ngo en! Unang kene mbiar. ⁵¹ Masuk mo Ia mi bagasen parau i, angin i pe meradi mo karinana kalak i pe lengang mo menengen. ⁵² Ala oda deng ngo i attusi kalak i terenget kelengangen merkiteken lima roti, ala ni pihir ni rokana. ⁵³ Enggo kessa Jesus dekket si seanNai turepar, mendarat mo kalak i i tanoh Genesaret. ⁵⁴ Susur kessa kalak i i parau i na i, mbue ngo jelma menandai Jesus. ⁵⁵ Laus mo kalak i melojang lako mengaleng si mersakit, i babo pedemen manang mike pe i begge kalak i bekkas Jesus. ⁵⁶ Asa, manang mikuta dike pe Jesus laus, kota dekket luat si lot i si, i pegale kalak i mo jelma si mersakit i, i jolo jelma mbue i. I pido kalak Bana asa boi kalak i menjamah JubahNa, manang ise pe simenjamah JubahNa, kennah njuah ngo i akap.