¹ Soh mo kalak I I kepar dano, I kutai lot kalak gadara. ² Tikki Jesus susur I parau I nai roh mo sakalak si I seluki tendi si mada toko mendahi Jesus. ³ Ia tading I kuburen-kuburen. Oda lot jelma si tellap mengeketi agia pe dekket rante. ⁴ Ngati ngo Ieketi dekket ibeangken nehena pake rante, alai boi ngo I getapken rante i. ⁵ Tengah ari dekket berngin, mersuraki mo ia I kuburen, dekket delleng-delleng bak mengugahi dirina pake batu. ⁶ Tikki I tengen jelma I Jesus sian ndaoh, melojang mo ia mersembah mi jolo Jesus. ⁷ Dekket mersurak mo ia segegoh-gegohna idok mo, kade lakni urusanmu baku Jesus, Anak ni Debata si merkuaso? Aku mengido bamu Anak ni Debata, unang siksa ko aku. ⁸ Alai Jesus enggo mengerana bana, laus mo ko gabe I dokken Jesus mo bana, sian jelma en, ko tendi si mada toko! I jelma I nai, ko tendi si mada jadi. ⁹ I kusoi Jesus mo ia ise ngo gelarmu? Idokken mo gelarna si Legion. Idokken mo mbue ngo kami. ¹⁰ Ngati-ngati ia mengelek mi Jesus asa unang I pelaus kalak I bekkas na nai. ¹¹ I sade lot sampulguken babi pas mangan njolmit delleng. ¹² Roh mo tendi-tendi si mada toko I mengelek bi Jesus, idokken katana, “ pesulak mo kami mi babi-babi ade asa masuk kami mi si. ¹³ Jesus mengueken. Alani I, tendi-tendi si mada toko I laus masuk mi babi I. mbuena babi I kira-kira dua ribu melojang mi topi lembang soh mi danau, gabe lenneng mi bagasen dano i. ¹⁴ Ujungna, permakan-permakan babi I melojang bak membagahken mi kota soh mi kuta-kuta. Karina jelma mi luar lako menengen kade namasa. ¹⁵ Sidungi roh mo jelma mendahi Jesus, itenggen mo jelma si selluken tendi-tendi si mada toko I, si mergerar Legion enggo mende kundul, bak enggo merpakken, bak ia enggo njuah. Gabe mbiar mo kalak idi. ¹⁶ Karina jelma si mengidah si masa i, menukutken bai akka jelma, kasa boi terjadi bi jelma si seluken tendi si mada toko I, dekket terenget mi babi- babi i. ¹⁷ Alai jelma mbue mengido bi Jesus asa I tadingken Jesus kuta kalak i. ¹⁸ Laus mo Jesus, tikki naik Jesus mi parau I, kalak si selluken tendi si mada toko I mengelek asa boi naing mekut rebbak Jesus. ¹⁹ Alai oda I due Jesus ia, idokken Jesus mo bana mulak mo ko bagahken mi kaka, anggimu. Sukutken mo si enggo I baen Jesus bamu. Ala maseh ate Jesus ngo I bamu. ²⁰ Laus mo jelma I, ki bagahken bi karina jelma na lot I Dekapolis. Terenget karina si ni baen Jesus bana. Gabe lengang mo karina jelma. ²¹ Tikki Jesus turepar nola merparau mi kepar, jelma mbue merpulung mi lambungna, alai ia pas I topi dano. ²² Baru roh mo sakalak sipenguluken Sinagoge si mergerar Yairus roh mencilik Yesus, ia mersinggang I nehe na. ²³ Ipengidoken kian mo bi Jesus, idokmo, dukakku si daberrui si ketek I deng enggo naing mate. Roh mo ko ampeken mo tangan-Mu I babona asa boi njuah ia dekket gelluh. ²⁴ Baru laus mo Jesus rebbak Yairus mbue kian jelma mengekutken Jesus dekket mengkelilingi Ia. ²⁵ Lot ngo sakalak daberru mersakit pendarahen sippuludua tahun dekkahna. ²⁶ Enggo ngati ia merukkil I baen datu, janah enggo mbue laus artana alai enda lot guna na, gabe mi tambah na nola ngo sakit i. ²⁷ Tikki I bege berita terenget bi Jesus, rohmo daberru I mendahi Jesus tan podi, I tengah-tengah kaliling jelma dekket I cekep jubah-Na. ²⁸ Nina dabeeru I mo ku jemak sambing pe jubahna njuah ngo kuakap. ²⁹ Menter meradi mo pendarahan nai, janah I akapken ia dagingna enggo njuah I sakit ni nai. ³⁰ Njalo ngo I bettoh Jesus, lot kuasa kaluar I dirina nai. Gabe merbalik mo ia mendempakken jelma mbue I idokken mo: ise lot menjamah jubah-Ku? ³¹ Laus I dokken si sean ni mo bi Jesus, enggo mo idah ko jelma merenjat-enjat I kusoi kono deng ngo, ise lot menjamah Aku? ³² Gabe I tengngen Jesus mo sekalilingna menengen manang na ise mengulaken ni. ³³ Nggo kessa I bettoh kade masa bi dirina, gabe mbiar mo dabeeru I, dekket menggirgiri. Roh mo ia mersembah mi jolo Jesus Ipaboa mo karina si masa bana i. ³⁴ I dokken Jesus mo bi daberru I, dukakku keporseanmi ngo peluahken ko. Laus mo ko I bagasen dame, njuah mo ko I sakit mi nai. ³⁵ Tikki Jesus merana deng, roh mo piga-piga jelma sian sapo pemimpin Sinagoge simendokken, “ dukakmu enggo mate. Kasa tong iguluti ko Guru i?” ³⁶ Ala ni I, Jesus oda geut membegeken kade sikataken kalak I, idok mo mi pemimpin Sinagoge I, “ unang mbiar, porsea sambing mo ko.” ³⁷ Oda, idue Jesus sakalak pe mengekutken Ia pellin si Petrus, Jakobus, dekket si Johannes anggi si Jakkobus. ³⁸ Gabe soh mo kalaki mi sapo pemimpin Sinagoge, I tengngen lot isi kalak gulut, deba jelma tangis merdengan sora kelek. ³⁹ Enggo kessa masuk Jesus, idokken mo bi kalak I, kasa kene gulut dekket tangis? Oda ngo mate dukak I, alai pas meddem ngo. ⁴⁰ I tabai kalak I ngo Jesus. Alai Isuruh mo kalak I mi luar holan bapa dekket inang ni dukak nai dekket jelma si lot rebbak ia, masuk mo kalak I mi bekkas dukak ketek i. ⁴¹ I cekep Jesus mo tangan dukak si ketek I idokken mo bana, “Talita kum! “( artina, “ simerbaju ketek, keke moko!”) ⁴² Simerbaju ketek I ndor ngo ia cender bak mulai mo merdalan-dalan. Alana ia merumur sippuludua tahun deng. Karina jelma menengngen gabe lengang. ⁴³ Ipesenget Jesus ngo partua dukak I asa unang lot si membettoh akka namasai, dekket idokken mo bi kalak I asa I berre mangan dukak i.