V 1Engo kesa i, tekhidah mo hada tanda simbelgah i langit: hada kalak dabekhu mekhpakeen mataniakhi deket bulan i tekhuh nenehna deket mahkota i dua belas binatang i takalna. ² ndekhang mekandong ngo dabekhu idi i bagas pendekhitaanna ia naing melahirken, mekhsukhak ngo ia kumekhna ncio iakap ³ Bakhu, tekhidah nola mo hada tanda si lain i langit nai: hada naga mbelgah wakhna mbakha pitu ngo takalna bagima tandukna lot ngo sepuluh bakhu lotma ngo pitu mahkota i takalna. ⁴ Uwit naga idi menakhik sepertellu binatang i langit idi nai janah i ambongken mo mi bumi. Nai cendekh mo naga idi i jolo dabekhu si naing melahirken ndai, asa engo kesa i tubuhken dabekhu idi dukakna idi asa boi mo langsung i pangan Dukakna idi. ⁵ Itubuhken dabekhu idi mo hada dukak daholi, sinaing kipekhintah bangsa-bangsa deket tongket besi;tapi i khebut ngo dukak idi janah i embah mendahi Allah deket mihadepen takhta-Na. ⁶ Lojang mo dabekhu idi mi padang belantakha, mi bekas si enggo isediaken Allah tabasa asa isadenang, ia ipelihara sedekah sekhibu dua khatus enem puluh wakkhi. ⁷ Bakhu, tekhjadimo pepekhangen i sokhga, Mikhael deket pakha malaikatna mekhpekhang melawan naga idi. Naga idi mekhpekhang deket pakha malaikatna, ⁸ tapi kalak idi otang pella kuat sehingga otang nenge lot bekas taba kalak idi i sokhga. ⁹ Naga mbelgah idi i ambongken mi tekhuh, nipe si tua si igelakhi Iblis atau Setan, si kisesatken selukhuh dunia, ia iambongken mi bumi, deket bagima pakha malaikatna i ambongken khebak ia. ¹⁰ Bakhu, aku memege sokha ngang si khoh i sokhga nai mendokken, "Bagendakhi, engo khoh keselamaten, Kuasa, deket kerajaan Allah kita, deket kekuasaan Almasih*-Nya kumekhna sipenuduh senina-senina kita, si kituduh kalak idi i hadepen Allah tengah wakhi deket bekhgin, enggo i ambongken mi tekhuh. ¹¹ Kalak idi kikalahkensa deket dakhoh Dukak Domba, janah deket pekhkataan kesaksien kalak idi; kumekhna kalak idi otang ki peseangken kesah kalak idi, bahken saat kihadapi kemateen. ¹² Kumekhna idi, mekhsukacita mo, hai sokhga deket kakhina sitading i bagasna! Tapi, celakamo bumi deket laut kumekhna kumekhna Iblis enggo tukhun mendahi kona ibagasen gekhah ate si mbelgah kumekhna ia memetoh waktu silot bana toko citukna." ¹³ Engo kesa i idah naga idi ia i ambongken mi bumi, i siksa mo dabekhu si kitubuhken dukak daholi ndai. ¹⁴ Tapi, ibekhek ngo dabekhu idi dua kabeng keliki si mbelgahna asa ia boi ndokhoh kabang mi padang belantakha, mi bekasna, idike ia enggo i pelihara sedekah hada masa,dua masa, janah bagima setengah masa daoh i hadepen si nipe idi nai. ¹⁵ Nipe idi menambukhken lae bage lae mi dabekhu idi, lako ki anunken dabekhu si ibagas idi. ¹⁶ Tapi, i tolong bumi ngo dabekhu idi, i buka bumi idi mo babahna janah i enum mo lae si i sambuhkken naga idi. ¹⁷ Janah, gabe gekhanh kalon ngo ate naga idi mendahi dabekhu idi gabe laus mo ia lako kipekhangi dukak-dukak sidebanken dabekhu idi, imo jehma-jehma si menguei perintah-perintah Allah janah mekhpegang taba kesaksian Isa. ¹⁸ Cendekh mo naga idi i pinggir laut.