¹ Enggo kesa i ibekhekn bangku hada buluh, bentukna dos bage tongket pengukukh, janah lot i sidi tulisenna, "Laus janah ukukhmo Bait Allah deket altarna bagima deket kalak idi si mekhibadah ibagasna. ² Tapi, bellimo pelataran Bait Allah si ketan luakh idi, ulang i ukukh kena kumekhna idi enggo i bekheken mendahi bangsa-bangsa; janah kalak idi naing melucak-luca kota si mbekhsih idi sedekah 42 bulan dekahna. ³ Bakhu, Aku naing memekhekn kuasa mendahi dua saksiku janah kalak idi ndokhok mekhnubuat* sedekah 1260 wakhi kakhap oles kabung." ⁴ Kalak enda imo 2 batang zaitun deket 2 neneh dian si cendekh i hadepen Tuhan si mekhsidasa bumi. ⁵ Bakhu, ukum lot kalak naing ki celakai kalak idi, ndokhok ngo keluakh api ibagas babah kalak idi nai janah messeng mo khatana musuh-musuh kalak idi. Janah bakhang ise sambing sinaing ki celakai kalak idi, kalak idi pe pasti ibunuh bage idima. ⁶ Duana kalak idi kimiliki kuasa lako kitutup langit asa otang khoh udan engo kesa i wakhi-wakhi nubuat kalak idi:janah kimiliki kuasa ibabo lae lako kiubah menjadi dakhoh, bagima lako ki libas bumi i kakhina malapetaka, sesekhing sinaing ibaing kalak idi. ⁷ Janah, enggo kessa i siapken kalak idi kesaksisanna, binatang si khoh i bagas jukhang maut naing mekhpekhang kilawan kalak idi janah ki kalahken kalak idi, janah ibunuh ma mo kalak idi. ⁸ Bakhu, mayat si dua i tekhgalekenmo idalan kota belgah, secakha simbolis idokken Sodom*deket mesir, bekas Tuhan ta isalibken. ⁹ Janah, iselukhuh bangsa nai deket suku bagima bahasa deket kaum pasti mengidah dua mayat idi sedekah 3,5 wakhi janah mayat sidua idi otang ngo i ijinken i galeken i kubukhen. ¹⁰ Janah, si tading i bumi enda pasti meksukacita ibabo kalak idi janah mekhlolo ate bagima kalak idi saling ki kikhimken hadiah mi sisada deket sidebankenna kumekhna dua nabi enda kisiksa kalak idi sitading ibumi. ¹¹ Tapi, enggo kesa 3,5 wakhi, khoh kenggeluhen bai Allah nai masuk mi bages mayat si dua idi, janah cendekh mo kalak idi ibabo neneh kalak idi janah kalak idi sikipekhdateken kalak idi gabe mbiakh. ¹² Bakhu, ibegge kalak idi mo sokha toko ngang na i sokhga nai idokken mendahi kalak idi, "Naikmo misenda!" Bakhu, naik mo kalak idi mi sokhga i bagas hembun, isaksiken musuh-musuh kalak idi. ¹³ Engo kesa idi, pada saat idi, tekhjadi mo lenukh toko kencang na sehingga mbue ngo kota idi hancukh; janah pitu puluh khibu jehma mate kumekhna lenukh idi, janah si otang mate idi gabe mbiakh kalon ngo kalak idi, bakhu mo i muliakan Allah si i Sokhga. ¹⁴ Bencana peduaken enggo ngo siap; janah tingin mo bencana peteluken sinaing khoh bagendakhi. Tekhompet si Pepituken Mekhsokha ¹⁵ Bakhu, malaikat sipepitukun menempul tekhompetna, baku tekhbeggemo sokha si ngang i sokha si mendokken, "Pemekhintahen dunia enggo menjadi pemekhintahen Tuhan kita janah Ia si Iurapi-Na* janah Ia naing kipekhintah soh sidekah-dekahna." ¹⁶ Bakhu, dua puluh empat tua-tua* si dogok i takhta kalak idi, i hadepen Allah, mekhsujud janah kisembah Allah, ¹⁷ nai idokkenmo, "Kami mekhliasate mendahi-Mu, o Tuhan. Allah simekhkuasa, Si Lot Janah Si Enggo Lot, kumekhna Kono enggo mengamet kuasa-Mu si mbelgah janah naing memekhintah. ¹⁸ Bakhu, mekhgekhah ate mo bangsa-bangsa, tapi murka-Mu enggo khoh, bagima waktuna enggo ngo khoh mendahi jehma-jehma mate lako ihakimi lako memekhe upah hamba-hamba-Mu, nabi-nabi* deket jehma-jehma si mbekhsih deket si mbiakh mendahi gelakh-Mu, sikedek deket si mbelgah, janah lako kihancukhken kalak si kihancukhken bumi!" ¹⁹ Enggo kesa i, mbuka mo Bait Allah i sokhga janah tekhidahmo Tabut Pekhjanjien Allah i bagas Bait-Na, janah khoh mo pelian deket sokha lenggukh janah lenukh deket udan es toko ndekhasna.