¹ Daya yiru pulaksanai aku katuluh sa nasinta anri kasungu anri naun, Naun jari kaegahen ngulah aku arai ,mindri anri tuu-tuu parisaya ma Alatalla . ² Aku ilaku pulaksanai hi Euodia anri hi Sintikhe welum bulat atei kawan ulun sa mira kaparisayaan. ³ Aku laku ma hengau anri kawan hengau satia, naun ngarawah kawan wawei sa haut bagawi bahimat baya aku neu iwara kabar maeh,sameh pada hi Klemens anri katuluh ulun lainni sa bagawi baya aku, kawan ngaran here naan hawuang buku ulun welum. ⁴ Saratang arai atei daya naun haut welum mira baya anri Alatalla. hinra lagi aku kaeau, ware arai! ⁵ Elahni here tau kadinung ulah gawi naun sa maeh. Alatalla haut riet. ⁶ Ada khawatir neu kawan inun hene hawuang katuluh hal. ware naun badoa Sarah pilakuan inun sa naparlu naun wara yiru saratang ma Alatalla ngantuh tarime kasih. ⁷ Ware kasanangen teka Alatalla sa puang tau napantaru daya murunsia sagar nyaga atei sa haut mira baya Yesus Kristus. ⁸ Pijumpuhanni pulaksanai katuluh, hawuang pikiran naun makai kawan sabaharaga,sa patut natawat hanye yiru kawan hal sa bujur , sa tahurumat , sa adil nelang maeh. ⁹ Tampalus inun sa haut napaajar, nelang natarime, nasarengei, anri na dinung kawan pagawi hingka lenganku daya Alatalla putut kasanangen sagar nyinrah naun. Hi Paulus batarime kasih ma ulun sa parisaya hang Filipi. ¹⁰ Aku kaingkam tuu sanang hawuang pamelum ku sa mira baya anri Alatalla hampe taati, itaati naun sampat lagi mamikir kaadaanku sa nabahumku yiru jaka naun puang kaitung aku naun samula ngitung ngatawani aku, kude naun puang uweng kasampatan . ¹¹ Aku iwara yiti puang daya aku kakurangen, daya aku haut paajar ngingkam sukup anri inun sa naan. ¹² Aku haut kaingkam welum saraba bakakurangen, nelang pada welum anri bakalabihan aku haut kataru rahasiani neu nadap kaadaan sa kalaaweleh hau sanang marauh hau kaadaan paua lagi welum hene duit atawa mahi duit. ¹³ Aku makai kuasa sa ngami Kristus maaku aku uweng kakuaten neu nadap katuluh wangun kaadaan. ¹⁴ Kude naun haut ngarawah aku yiru haut maeh anri hamen babagi kasusahenku. ¹⁵ Hanyu haut karasa anri dinung ulun Filipi,hang tawuk Kabar maeh yiru, naun raerai karasa tawuk aku nanan Makedonia dahulu hie ekat naun hamen babagi kasusahen anri aku hawuang hal ngami anri narime, kacuali hanyu. ¹⁶ Tawuk aku hang Tesalonika, naun haut ngirim bantuan ma aku puang ekat hinra ngirim kaparluan ma aku. ¹⁷ Yiru puang baarati ekat hamen marine pangamian, sa naahengku yiru nampan Aku kadinung hasilni sa nammah kauntungen ma naun. ¹⁸ Aku haut marine katuluhni, labis teka sukup. Katuluh pangamian sa nakirim naun ma aku haut natarimeku mitah hi Epafroditus kawan pangamian teka naun yiru jari parapah sa enguh samarbak, sa nasarah nelang anri kasanangan atei ma Alatalla. ¹⁹ Alatalla sa nasambahku hanye sagar nyansukup kawan kaparluan naun anri katauen hawuang Yesus Kristus. ²⁰ Tawat ma Alatalla anti Ammah takam hampe kalalawahni.Amen ²¹ Hampe tabeku ma naun katuluh ulun wat Alatalla sa mira baya anri Yesus Kristus nelang tarime pada tabe teka kawan pulaksanai sa naan baya anri aku hang yiti. ²² Katantuluh ulun wat Alatalla hang tumpuk yiti samambatang here sa teka istana Kaisar ngirim Tabe ma naun. ²³ Anugerah hingka Alatalla Yesus Kristus mambarkat pulaksanai katuluh Amen.