¹ Hi Paulus baya hi Timotius, kawan pulaksanai ulun wat Alatalla kantatuluhni sa muneng hang Filipi, nelang haut ibaya anri Yesus Kristus,kamulek kawan pulaksanai pamimpin nelang pambantu ungkup. ² Anugerah anri harapen Alatalla ammah takam anri Alatalla,Ammah takam anri Alatalla Yesus Kristus ngami barkat nelang kasanangen ma naun! doa Paulus ma ungkup hang Filipi. ³ Tiap aku kaitung naun, aku ngantuh tarime kasih ma Alatalla. ⁴ Nelang tatiap aku badoa ma pulaksanai katuluhni, aku badoa anri sanang atei ⁵ Aku batarime kasih ma Alatalla daya teka anrau palanungkai hampe itati naun ngarawah aku nampe kabar maeh teka ma Alatalla ⁶ Alatalla raerai sa ngami pagawian sa maeh yiru hang naun nelang aku harap hanye nampalus pagawian yiru hampe luput hang anrau Yesus Kristus, hawi kamulek. ⁷ Samula pipatutni aku uweng kaingkam kala yiru nadap naun daya pulaksanai katuluhni saratang diet ateiku. kamulek daya naun sameh narime sinrah aku ahilelo sa naami Alatalla ma aku haut itati lagi aku hawuang panjara hang tawuk aku naan hang luar nampan nyaga nelang malihara kabar maeh yiru. ⁸ Alatalla karasa aku kasungu tatuu anri naun anri kaingkam sinta kasih Yesus Kristus. ⁹ Aku badoa ma naun. nipan naun magin sinta ma Alatalla nelang anri sasameh murunsia nelang saratang batambah hawuang pangatahuan sa bujur anri pandangan sa bijaksana; ¹⁰ Anri kalayiru naun tau midi inun sa puang maeh, nelang pamelum naun sagar barasis puang uweng nawada hang anrau Kristus hawi kamulek. ¹¹ Pamelum naun sagar limpar anri pagawian sa tuu-tuu maeh sa ekat tau bahasil daya Kristus Yesus raerai balalu Alatalla sagar namulia nelang natawat. Kasusahen Paulus ngampi nantarang Injil ¹² Aku hamen naun karasa kawan sa haut wuah yiru magin rama ulun karengei nelang paricaya neu kabar maeh yiru. ¹³ Daya gana katuluh pangawal istana anri kawan ulun lainni hang tumpuk Yuri karasa aku na panjara daya aku malayani Kristus. ¹⁴ Nelang daya gana aku napanjara ngulah rama teka kawan ulun Kristen hang tumpuk yiti magin harap tatuu neu Alatalla magin heei iwara uweng budas kaingkam takut. ¹⁵ Samula naan papire teka here sa iwara Kristus daya rigat muar nelang hamen basual kude sa lainni iwara tujuanni kabar maeh. ¹⁶ kawan ulun yiri ngulah kalayiru daya here sinta Alatalla daya here karasa Alàtalla haut nugas aku nampan nantarang kabar maeh yiru bujur. ¹⁷ Kude ulun lain iwara sa puang maeh here iwara ma kaparluan here, anri here baharap kaiyuh nammah kahanangenku hawuang panjara ¹⁸ Kude puang malu daya biar kalaawe haut natampalus anri tujuan sa maeh tatuu puang tujuan hala sika Kristus nawara pada sika aku sanang nelang aku sagar tatap kaingkam kala yiru ¹⁹ Daya Aku karasa daya gana kawan doa naun nelang daya karawahen teka Roh Kristus Yesus aku sagar nabebas. ²⁰ Sa nakahamenen nelang naharapku tatuu hanye yiru nampan ada budas aku hampe gagal hawuang tugasku kabalikani aku harap nampan ngalut neu mambatang tuu itati aku tatap heei hampe galis tenga daging amirueku welum atawa matei ²¹ Daya ma aku tujuan pamelumku ekat Kristus amun Matei baarti untung. ²² Kude amun makai welum hang dunia yiti, aku tau nampalus pagawian sa labis bariran balalu aku puang karasa saawe sa harus napidiku. ²³ Aku najujut daya rueh masam aku sindi tatuu Nanan dunia yiti nampan tulak muneng baya Kristus Daya yiru sa panga maeh. ²⁴ Kude neu ma kaparluan naun samula labis maeh amun aku magun tatap muneng hang dunia. ²⁵ Aku harap neu hal yiru sababni aku karasa aku tatap muneng baya pulaksanai katuluhni nampan tau ngarawah hawuang sanang parisayani. ²⁶ Daya yiru amun aku die mulek nunung naun sa haut ibaya anri Yesus Kristus sagar wahai tujuan kaingkam arai neu aku. ²⁷ Nah sa mambatang itati hanye yeru naun welum manyu kala inun sa balalu daya kabar maeh neu Kristus yiru anri kalayiru ha'u aku tau panalu anri naun atawa puang Aku sagar karengei mansing Mira pakat nelang sameh-sameh bajuang ekat ma isa tujuan nelang isa kabahumen manyu kala kabar maeh teka Alatalla yiru. ²⁸ Wuah naun saratang heei ada takut nadap kawan musuh naun anri kalayiru naun nantarang here himat talau nelang naun sagar manang, daya Alatalla raerai sa ngami kamanangan ma naun. ²⁹ Daya Alatalla haut ngami ahilelu ma naun puang ekat nampan parisaya ma Hanye kude pada nampan ngaret kahanangen Ni ³⁰ Itati naun pada umba baya aku hawuang parjuangan sa sameh hanye yiru sa naun suah kadinung aku haut bajuang dahulu hie nelang sa magin tatap naparjuangku hampe itati kala san rengei naun itati.