¹ Naun mansing, daya naun ibaya anri Kristus nelang naun parariu daya Kristus sinta naun, naun na ayak daya Roh Alatalla nelang naun ipasinta nelang pamalelu pamaahi anri sa lain. Suba naun tuu-tuu ngampi sanang ateiku makai kawan hal yiti welum bulat atei anri sinta sasameh anri pikiran sa tujuan sameh ³ Ada ngulah ala inun-inun daya kaparluan diri raerai pakai mayumbung diri kabalikani wuah naun ma isaan anri randah atei nganggap ulun lain labis maeh teka diri naun raerai. ⁴ Dinung kaparluan ulun lain ada ekat ngunu kaparluan diri raerai ⁵ Wuah kunuan nelang pikiran naun sameh kala Yesus Kristus, ⁶ Sabujurni hanye sameh anri Alatalla,kude hanye puang kaingkam kaadaanni sa Alatalla yiru harus napartahan dayani. ⁷ Kabalikani, hanye Napa's katuluhni balalu hanye sameh kakala erang kaulun Walah hanye budas sarupa murunsia nelang nadinung sarupa murunsia. ⁸ Hanye nyarandah Diri nelang welum ngalut neu Alatalla hampe matei hanye yiru matei nabalasangar. ⁹ Daya yiru Alatalla ngenat hanye ambau-ambau nelang ngami ma hanye kuasa labis hante teka kawan kuasa sa lain. ¹⁰ Nampan neu mahorumat Yesus katantuluh ala welum sa hang surga, nelang sa hang ambau tane nelang sa hang kapit tane sagar nyambah hanye. ¹¹ Here katantuluhni sagar mangaku Kristus Yesus yiru Tuhan , anri kalayiru Alatalla Ammah natawat. Nyahaya kala sahaya sa ngampi raai dunia ¹² Daya yiru pulaksanai katuluh sa nasinta, kalawangun naun saratang ngalut neu lenganku hang tawuk aku naan hang penah-penah naun kala yiru labis lagi itati hang tawuk iparawit naun haut nasalamat anri takuten hampe neter. ¹³ Daya Alatalla raerai sa bagawi hawuang Diri naun nampan ngulah naun rela nelang sanggup ngampi sanang atei Alatalla. ¹⁴ Tampalus kawan ala katantuluh puang anri bakutuk atawa basual. ¹⁵ Kalayiru naun nantarang kawan anak Alatalla sagar puang nawada hang penah-penah ulun sa jahat anri badosa ware naun jari sahaya ma here sa nyahaya ngampi raai dunia . ¹⁶ Itegei anri kukuh ma kabar sa ngami pamelum takam ma anrauni Kristus yiru buktini parjuanganku puang kawai tuu eleh nelang pagawian naan hasilni. ¹⁷ Tau pada sagar nawunu nelang iraku jari kala parapah nahalui hang ambau inun sa nasarah naun ma Alatalla sagar naun parisaya ma hanye aku batarime kasih daya gana hal yiru nelang uma arai baya anri naun. ¹⁸ Kalayiru pada wuah naun kaingkam sanang nelang umba arai baya anri aku. Hi Paulus ngutus Timotius anri Epafroditus. ¹⁹ Hawuang Alatalla Yesus, aku parisaya anri pangarawahenni hinang tuu ngutus hi Timotius nunung naun nampan Aku parariu daya kabar neu naun. ²⁰ Sabab yiru aku mahi raerai ulun sakala hanye, Isa mira kunuan pikiran anri aku nelang tuu-tuu mamikir kasanangen naun. ²¹ Katuluh sa lainni ekat ngurus kaparluanni raerai, puang kaparluan Kristus Yesus. ²² Naun raerai haut kadinung buktini hi Timotius tuu bariran hanye haut bagawi bahimat baya aku neu nampe kabar maeh teka Alatalla Kami rueh kala anak anri ammahni. ²³ Daya Sabab yiru aku baharap kaiyuh ngutus hanye udi aku karasa kalaawe parkarani die anri aku. ²⁴ Aku parisaya anri pangarawahen ma Alatalla aku raerai pada puang kawan lagi sagar nunung naun. ²⁵ Neu pulaksanai takam hi Epafroditus sa nautus naun pakai ngarawah aku ingkam ku parlu nampan nunyu hanye mulek lagi nunung naun hanye haut nengau aku hawuang pagawian nelang parjuanganku. ²⁶ Hanye kasungu tatuu anri pulaksanai katuluh nelang galisah daya naun haut karengei kabar hanye sakit. ²⁷ Samula tuu sakit hampe kai matei, kude Alatalla malelo ma hanye nelang puang ekat ma hanye kude ma aku pada nampan Aku ada hampe diwi lagi hanang atei. ²⁸ Yiru sababni magin hanye pada kabahumenku nampan nunyu mulek nunung naun nampan arai lagi amun naun panalu anri hanye nelang ateiku pada balalu marauh. ²⁹ Jari tarimeni hi Epafroditus hawuang Alatalla anri sanang atei sa mira kaparsayaan sa nahurmat katantuluh ulun sa kala hanye. ³⁰ Neu kaparluan pagawian Kristus hanye anematei hanye nyarah hewukni neu ngarawah aku hawuang ngaran naun.