¹ Daya sabab yiru, salawah janyi nampan masuk ma uneng pitariean-Ni masih berlaku, biarleh takam kaingkam takut, amun naan hingka takam sa puang bahasil kaiuh janyi yiru. ² Bujur tuu, kabar maeh haut na wara ma takam, pada haut nawara ma here, kude kabar sa rengei here ru puang manguntungkan here daya puang naampiisa andri iman kawan ulun sa nyandrengeini. ³ Daya takam sa parisaya, sagar masuk ma uneng pitariean yiru, ialah sa naantuh-Ni, "Aku basumpah hawuang panyangit-Ku: 'Here puang sagar suah masuk ma uneng pitariean-Ku,''' Mazmur 95:11 biar gawian Alatalla haut luput hingka penciptaan dasar dunia yina. ⁴ Daya hangwuang isanas, Alatalla bapaner kalaina ne'u andrau kapitu, ''Hang andrau kapitu, Alatalla tarie hingka katuluh gawian-Ni.'' ⁵ Kude, ialah sa haut naantuh Alatalla, ''Here puang sagar masuk ma uneng pitariean-Ku.'' ⁶ Jari, masih naan kemungkinan nampan mehe ulun masuk ma uneng pitariean, pada naan mehe ulun sa haut suah karengei kabar maeh, kude puang kaiuh masuk daya kapuang taatan here. ⁷ Jari, hindra lagi Alatalla nganak isa andrau tertentu, sa naantuh ''andrau yina'', sa haut naantuh mitah hi Daut lawah sa huanni, "Hang andrau yina, amun hanyu karengei suara-Ni, ada mape ateinu ialah hangwuang pemberontakan.''Mazmur 95:7-8 ⁸ Sabab, amun hi Yusua haut ngami here uneng pitariean, maka Alatalla puang akan lagi bapaner neu suatu andrau lain hang kemudian andrau. ⁹ Amun kalayiru, maka masih naan pitariean hang andrau Sabat ma umat Alatalla. ¹⁰ Ma here sa haut masuk ma unengan pitariean Alatalla, here pada haut tarie hingka kawan gawianni, ialah sa naulah Alatalla hingka gawian-Ni. ¹¹ Daya yiru, hayu takam bajuang nampam masuk ma uneng pitariean yiru, nampam puang sunah erangkaulun lawu daya uma suntu kapuangtaatan sa sameh. ¹² Daya, firman Alatalla yiru welum nelang bakuasa, pada labih kumat tika padang bamate rueh awe pun. Firman nyiru nanrasuk lawit hampe nampisah tenga andri roh, hanghelang sendi andri taulang sumsum, baya sanggup manilai pikiran andri kahamenen atei takam. ¹³ Puang uweng isa mahluk pun sa sanina tika paninungen-Ni. Katuluh ni tabentur puang uweng tau sanina tika mate-Ni. Ma-Hanye takam harus ngami pertanggungjawaban hang amau katuluh sa na ulah takam. Yesus Kristus adalah Imam Hante Takam ¹⁴ Daya takam naan Imam Hante Agung sa haut mamai ma surga, hanyeyiru Yesus, Anak Alatalla, hanyu takam saratang itegei kuat ma pengakuan takam. ¹⁵ Daya, puang uweng Imam Hante sa puang kaiyuh mantaru kawan kakurangen takam, kude takam baisi Imam Hante sa haut nacobai hawuang katuluh hal, sameh ialah takam, kude Hanye puang badosa. ¹⁶ Daya yiru, andri kapercayaan,hayu takam hawi nyandriet tahta anugerah nampan takam narime pangamian balalu kahaba anugerah pakai ngarawah takam, dami takam memerlukanni.