¹ Daya yiru, kawan pulaksanai sa kudus, naun sa naan bagian hangwuang panggilan surgawi, dinunglah Yesus, Sang Rasul pada Imam Hante pangakuan takam, ² sa setia ma Hanye sa haut menetapkan-Ni sameh ialah hi Musa sa setia hang katuluh lewu-Ni. ³ Daya, Yesus naanggap layak pakai kaiuh kemuliaan sa labih hante tika hi Musa, ialah halni erangkaulun tukang amuan lewu sa kaiuh kehormatan labih hante hingka lewu yiru ai. ⁴ (Sabab, tiap lewu naamuan daya ulun, kude ngamuan hingka katuluh masam adalah Alatalla). ⁵ Musa satia hangwuang katuluh lewu Alatalla jari erangkaulun pelayan, pakai ngami kasaksian ma kawan hal sa akan naantuh hang handrian andrau. ⁶ Kude, Kristus satia jari Anak hangwuang lewu Alatalla, hanyeyiru takam, amun takam tatap itegei teguh ma keyakinan andri pengharapan sa takam banggakan hampe akhir. Tatap Uma Alatalla ⁷ Daya yiru, ialah sa Roh Barasis kaeau, "Hang andrau yina, amun hanyu karengei suara-Ni, ⁸ ada hanyu karas atei ialah hangwuang pemberontakan sa naulah naun hang andrau pencobaan hang padang gurun, ⁹ hanyeyiru katika datu nini naun mencobai Aku balalu ngini kawan ulahan-Ku salawah epat pulu taun. ¹⁰ Daya sabab yiru Aku sangit ma turunan yiru balalu kaeau, 'Atei here aur tawang here puang kataru kawan lalan-Ku.' ¹¹ Jari, Aku basumpah hawuang panyangit-Ku: 'Here puang sagar masuk ma uneng perhentian-Ku.''' Mazmur 95:7-11 ¹² Bahati-hatilah Kawan pulaksanai, ada naan hingka naun sa naan atei sa jahat pada sa puang parisaya, sa ngulah naun bapaling hingka Alatalla sa welum. ¹³ Samaehni, nasihati isa andri sa lainni tiap andrau, nganue masih naan sa naantuh ''andru yina'' nampan puang uweng hingka naun sa natangkape daya tipu daya dosa ¹⁴ Amun haut ngalap bagian hang wuang Kristus, amun takam itegei teguh hang wuang keyakinan takam sa awal hampe akhirni. ¹⁵ Ialah haut natulis, '' Hang andrau yina, amun hanyu karengei suara-Ni, ada nangkape ateinu ialah hangwuang pemberontakan.'' Mazmur 95:7b-9 ¹⁶ Hie kawan ulun sa haut karengei lengan Alatalla, kude nawan? Angsa here katuluh sa kaluar hingka Mesir hang ime kepemimpinan Musa? ¹⁷ Pada, ma hie Alatalla sangit salawah epat pulu taun? Angsa ma here sa ngulah dosa hampe bangkai here bahamuran hang padang gurun? ¹⁸ Balalu, ma hie Alatalla basumpah bahwa here puang sagar suah masuk ma uneng pitariean-Ni, amun puang ma here sa puang taat? ¹⁹ Jari takam kadinung bahwa here puang tau masuk daya kapuangparisayaan here.