(Kristus lia maka sososa ) ¹ Neme lia mai, basa tolanong kemin, mamahoko do mata dale nai lamatua ka dale. au ta mela do mangu dui ma sula selu eno ma bei sama neu kemi hu eno dala lia lanea kemi. ² Manea ao mala neme basa busa la mai, manea ao mala neme basa manoi manatao takadalu kala mai, manea ao mala neme sila lia ke ma dede ao pa nala. ³ hu ita nana dahena mana ke do mana dede lo do matetu lia taka luku taka tele neu ama manatulain nai dula dale ka dale, kio opa Yesus Kristus. ⁴ Boe ma tapeda namahehele ka neu enoma ao pa ia, leo mae au tetea kanu hihi nanau leo namaloa namanalu ka neu nai ao pa ia eno dalan, mai ma hapu dahena feke be duka ma afi leo lia hapu eno neu namaloa namanalu nai enoma aopa ia lena ka au. ⁵ Ke ma dede au nai fai falun, Israel nusa tean keme benyamin leo na mai, dahena Ibrani, dedea Ibrani tunga hukum Taurat, au nana dahena Farisi. ⁶ Nai eno makase, au nana mana ese do lumu sa lane, ma nai eno lo do matetu ka dale ho nai hukum Taurat ta dae, au ta kangengeo. ⁷ Te hu basa-basa hata nai makulun na neni fe au hahapu besa kia au kalela tuda do monu hu Kristus. ⁸ Tetea basa hata lia natuda au nai fai au kalela Yesus Kristus au Lamatuang, lia belina bau lena basa hata lalaken, no kada Kristus, au kamopo basa sila, hu au babulu basa sila nana kadafu kela au hapu Kristus. ⁹ Hapu au nai Kristus dale ta neme au lo do matetung lia au hapun neme hukum Taurat mai te mai tunga nama hehele nai Kristus dale, hu lia lo do matetu neme ama manatulain mai, nahu do naoka neme namahele ka. ¹⁰ Kela au bisa kalela lia neme kuasa foa falin na mai boe ma dadi esa nai doi doson na dale kela dadi sama leo lia nai mamate do momopon na dale. ¹¹ Losa nai mateken na au hapu foa fali keme dahena kala mate kala talada mai. ¹² Leo mae leo lia te hu au beta hapu kalan no lamatua te hu usin losa hapu kalan sama leo Yesus Kristus topu do hopu nala au. ¹³ Tolano kaka fadi, au ta kae au topu do hopu kalan . kada noi eno esa lia au koi ma taon, au kafalene heni basa hata lia nai au deang boema au tunga ma sanga neu hata lia nai mata. ¹⁴ Au kaka lo ulu ku leo dale hihing kela hapu babati neme na lolo nusa tetu ingu tema neme Ama mantulain mai nai Yesus Kristus dale. ¹⁵ mai leo ita lia tatetu do ta la duka ma aafi sama leo lia, mai ma kemi beta duka afi losa lia, Ama mantulain de natudu fe kemi lo do matetun. ¹⁶ Leo mae leo, lia mai ita takalo soda lo do matetu ka lia ita tanu do taenan. ¹⁷ Tolano kaka fadi tunga mahele au ei ngangani do lima lolopeng. boe ma mete do lelu mata bebesa neu basa dehena lia nai masoda nala ei ngangani do lima lolope mala sama do deta leo kemi mitan nema ami mai, ¹⁸ hu, hapu do lena do dok masoda mala dadi neu musu nai Kristus kai ngange na. ¹⁹ mateke na sila la dadi mai hengu nisi do alemala, hu sila lamatua na lia sila tei poko nala ma sila kikio oopan lia naka mumu do naka mamae ka, sila duka afi kada eno ma dae bafo ia. ²⁰ Noi ita nusa do namon nai busa tetu do ingu tetu ka dale, nai bea ita henu no nangate do nalale ka nai lahani neu mana soi do mana tefa, ho lia Lamatua Yesus Kristus. ²¹ Lia neu ko adu do tao nahi ita ao pa mana ketu do mana basan ia dadi do moli sama leo lia ao pa malela do masan, no kuasan lia Kristus neu neni basa hata lalaken loloe aon nai Lia matan.