¹ makaneni ma nai Kristus dale hapu titipa do fafae ma ngate do malale, kokoe nanasi susue lalai , natuti na esa no Dula dale ka, sue do lai boe ma dale namameda susue tolesi dai lena, ² tao matetu au namahoko ma natadaleng teni dale esa ma aafi esa, tanu susue do lalai esa, dadi esa nai Dula dale kadale boe ma tanu eno esa. ³ boso moi tao ube mesan neme naseti nahange do koa lia tananu sosoa lala fa ; te hu no dale naloe ao ma nakadae ao; kela ko mete neu dehena feke ka malole lena ko ao ina heheli ma. ⁴ boso kemi esa-esa ka lelu sosolo mesa ma, te mai ho ita basa talelu ao. ⁵ Ho kela duduka ma aafi ia moli ma dadi nai kemi basa talada, sama leo duduka do aafi neme Lamatua Yesus Kristus mai, ⁶ leo mae lia sama leo Ama manatulain, lia tamete neu sasama do dadeta lia no Ama manatulain fa. ⁷ Te hu lia tao na aon dadi neu mana dadi ta sama leo ata ho dahena feke ka paleta nana ho kela dadi sama leo dahena dae bafo. ⁸ Nai lia masoda na sama leo dahena dae bafo naloe nakadae aon losa mate, lelena kala mate nai kai sele lain. ⁹ Neme lia mai Ama manatulain soko do fua nan bati ma pala fen nade nai lain neme basa nade kala mai. ¹⁰ Ho kela neme nade Yesus mai, basa idu langa kala lakaluku ma basa ¹¹ ma kala tui lafada lea Kristus Yesus nana Lamatua, bati neu Ama manatulain malela do masan ! ¹² Hu lia tolano susue lalai kemin, nai bea kemi tunga makalo ta noi lia au nai kemi talada fa, te lena-lena ka au ta nai kemi talada fa, nai kemi masoda ma moi tao ho babi ma namataku. ¹³ Hu Ama manatulain lia noi ma tao nai kemi talada, leo mae nai kemi hihi do nanaum do nonoi ma tataon kela neni tesa tei ma tama dale neu Ama manatualain. ¹⁴ Moi do tao basa sila boso no matutui do na hihinga ¹⁵ ho kela boso kemi ma ngengeo ma tuda leo sala singo ka neu, kemi lia ta manu sala singo nana Ama manatulain ana malela do ma ha nai tatiti nonosi peko paki ka talada ho lia kada hate mata mopo ma sala. ho kela kemi malela do ma ha nai sila basa talada neni malua do mangaledo neu dae bafo. ¹⁶ Hopu mahele dedea do nafada masoda sila kela losa Kristus fai mamain, kela au hapu eno kamaloa do kamanalu nai au laleo lalakong nanoi ma tataong ta dadi neu sosoa ma lala ta. ¹⁷ Leo mae au sama leo oe a poka neme kala ka mai neu tutunu do hohotu ka lain boema nakaboi do nasamao neu kemi mama hehele ma au kamahoko ma katadale ko kemi basa ngemi. ¹⁸ Leo lia esa boe o kemi meni eno ho lia sama do deta, hika do makasoe mamahoko da matadale mo au. ¹⁹ nai Tuhan Yesus dale, au kanu namahena kadenu Timotius neti ho kela au hapu kokoe ma nanasi nai fai ho au hapu hala neme kemi mai. ²⁰ Hu au taka nu dahena feke sama leo lia, lia nanu dale lo do matetu lia nafaduli kemi tetu do teman. ²¹ Hu feke kala lafaduli neu sila hahi nanau mesa na, ta tao dale neu hahi do nanau neme Yesus Kristus mai. ²² sama leo kemi babulu, Timotius natudu lia masoda na nanu beli nai Lamatua ka eno ma dalan. Lia lako sama-sama no au nai Lamatua ka eno dalan sama leo ama no ana. ²³ Hu lia au kanu nama hehena kadenu lia lai-lai sama leo au babulu do kalela hata lia sanga moli ma dadi neu au. ²⁴ Au kama hele neu Lamatua ka au boe o sangan mai lai-lai kaneta ko kemi. ²⁵ Te hu neme lia mai au boe sanga fe Epsfroditus neu leo kemi neti. Lia nana au tolanong, au nanong mana tui do mana benga nai Lamatua ka dale, au nanong lia moi maka bua nai Lamatua ka dale, boema dahena lia neni fe kemi hala hehelu boema lia lia na lalau do na aono au hahi do nanaung. ²⁶ Hu lia beo neu naneta no kemi basa boema dale hedi nan selin hu kemi mamanene lia hedi do lau. ²⁷ Tatea makulun lia hedi hisa maten, tehu Ama manatulain natudu susue do lalain neu lia boema ta noi neu lia, te neu au boe. ho kela au dale hedi nga boso nama bau ina. ²⁸ Hu lia au boe kahi kedenun leo kemi neti kela kemi boe mama hoko do mata dale nai fai do kemi mita lia boema au dale naka toka do naka la doa nga boe-boe mopon nana. ²⁹ sipo ma Epafroditus nai Lamatua ka dale no nama hoko do nata dale boema fe hada holo mata neu dahena ho lia sama leo lia. ³⁰ Hu lia hisa maten no nanoi tatao nai Kristus dale; lia pasa somane na ngati neu tatuku do fafali neme kemi mai neu au.