A vosa vakatautauvata ni dauniyau tawa dodonu, 1 -13. Sa vunauci ira na Farisi ko Jisu, 14 - 18. Sa tukunia na tamata vutuniyau kei Lasarusa, 19 - 31. 10
1
Sa qai oti na veika koya, sa qai lesia na Turaga e vitusagavulu voki, ka talai ira me ra qai yayarua ka liu vua kina veikoro kece lia kei na veitikina sa via qai kinia ko koya.
2
A sa tukunia vei ira sa matua tu na were ka sa levu na me tamusukia, ia sa lewe lailai lia oira me ra mai tamusuka. O koya mo dou qai masuti koya nai taukei me tala voki mai eso me ra mai veivuke ena tatamusuki.
3
Dou qai, raicia au sa talai kidou yani me vaka na sipi ena kedra maliwa na wolifa.
4
Kakua ni yadia na taga i lavo se na taga kakana se nai vava, ka kaua ni valusi gaua ena veikidavaki e gaunisala.
5
Dou vosa vakalougatatakia na veivale yadua dou curu kinia, ka tukunia mada eliu, me yaco na vacegu kina va koya.
6
Ia kevaka sa tiko kinia na tamata sa yaga me vacegui ena toka lia vei koya na nomudrau veivacegui, ia kevaka sa yali ena voki lia vei kidou.
7
Ia na vale dou sa tiko kinia, dou kania ka gunuvia na veika era sa solia, ni sa doudou me soli vua na tamata dau cakacaka na kenai sau. Dou kakua ni veitokiyaki ki na veivale.
8
Ia ena koro kece dou sa curu kinia, a ra sa vacegui kidou, dou vayagatakia na ka sa tu e matamudou.
9
Ka vabulai ira na tauvimate era tiko kinia, ka tukunia vei ira sa voleka na matanitu ni Kalou.
10
Ia kevaka era sa yali ni vacegui kidou ena vei koro dou sa curumia, dou qai kina kena veisala va koya,
11
A kuvu ni soso ni nomudou veikoro sa kabita na yavai keimami. keimami saquarakia voki vi kodou. Dou nanumia sa voleka mai na matanitu ni Kalou.
12
Au sa tukunia vi kodou ena ca valailai ko Sotoma ena siga ni lewa ena ca valevu na koro koya.
13
Ena ca vi konu KOresini, ena ca vi konu Peciseita, ia kevaka sa caka mai Taia kei Saitoni na cakacaka mana ka caka vi kimudrau, ke rau sa vivutuni makawa, ka daramakia nai sulu taga ka boro dravusa.
14
Ia ena ca valailaiko Taia kei Saitoni ena veilewai, koi kimudrau, drau na ca valevu.
15
Ko iko voki lia Kapenanumi, ko sa laveti cake i lomalagi? ko na dai sobu ietesi.
16
Ko koya sa rogoci kodou, sa rogoci au, ia, ko koya sa beci kodou , sa beci au, ia ko koya sa beci au, sa beci koya sa talai au mai.
17
Era sa lesu voki mai na lewe vitusagavulu ena marau, ka tukunia, Kemunu na Turaga, era sa druka vei kimami na tevoro ena vuku ni yacamunu.
18
A sa tukunia vei ira ko Jisu, au sa raici Setani, ni sa lutu sobu mailomalagi me vaka na livaliva.
19
Au sa solia vei kodou na kaukauwa mo dou rawa voki lia na kaukauwa ni meca, ia na yali sara ni dua na ka me vakacacani kodou.
20
Ia dou kakua ni rekitakia na ka ko ya ni sa guca vei kodou na yalo, ko ya gona na ka mo dou rekitakia ni sa volai mai lomalagi na yacamudou.
21
Ena siga ko ya, sa reki sara kinia ko Jisu ena yalona, ka tukunia, Au sa vakavinavinaka vei ikonu na Tamaqu, na Turaga ni lomalagi kei vuravura, baletia ni konu sa vunitakia na veika ko ya vei ira na vuku, kei na yalo matua, ikonu sa vakatakila lia vei ira na gone lailai vaka ko ya. Io, Tamaqu, ni sa vinaka ena matamuni.
22
"Sa solia mai vei au ko Tamaqu na ka kece lia, sa yali ni dua voki e kila na luvena, ka vakavo lia o Tamaqu, ka sa yali ni dua e kilai Tamana ka vakavo na luvena ka vakatakilai koya na luvena vei ira sa digitakia."
23
A sa vuki vei ira na tisaipeli, ka tukunia lo, "Sa kalougata na mata sa raicia na veika dou sa raicia.
24
Au sa tukunia vei kodou, e levu na parofita kei ira na tui era sa via raicia na veika dou sa raicia, ia era se yali ni raicia, me rogocia voki lia na veika dou sa rogocia, a ra se yali ni rogocia."
25
Raicia, e dua na vu-ni-vunau, sa tucake ka via vakatovolei koya, ka tukunia, "Vakavuvuli, a cava na ka meu caka meu rawatia kinia na bula yali ni mudu.
26
Sa tukunia vua ko Jisu, "Na cava sa volai ena vunau? Ko sa wilikia vakacava?"
27
Ka sa saumia ka tukunia, "Mo lomani Jiova na nomuni Kalou ena lomamu taucoko, kei na yalomu taucoko, kei na nomu kaukauwa taucoko, kei na nomu nanumia kece lia; kei na kai nomu me vakataki iko
28
A sa tukunia vua ko Jisu, Ko sa vosa vakadodonu; caka ko ya, ko na bula kinia.
29
Ia ko koya sa dau vakadonui koya, sa tukunia vei Jisu, "O cei na kai noqu?"
30
Sa qai saumia vua ko Jisu ka tukunia, Sa dua na tamata sa qai sobu mai Jerusalemi ki Jeriko. Ena loma ni nona i qaiqai, era sikabotei koya eso na dau butako. Ka ra sa luvatia na na nona i sulu, ka vakamavoatakia, ka qai tani, a ra dainia ka sa voleka sara ni mate.
31
A sa qai sobu wale lia mai ena sala ko ya e dua na bete; ka raicia, sa qai vakatikitiki tani.
32
Sa vaka voki lia e dua na Livai, ni sa yacovia na tikina gona, ka raicia na tamata, a sa qai sara ena yasana kadua
33
Ia sa dua na kai Samaria, ni sa qai voli mai ena yasa ni gaunisala ka davo tu kinia na tamata ko ya. Ena gauna sa raici koya kinia, sa tubu na nona loloma.
34
Sa qai vakavoleka vua ka vesukia ka dainia eso na waiwai kei na waini ena nona mavoa, ka vakavodovodokia ki na nona asa, ka yadi koya ki na bure ni vulagi, ka ra sa qaravi koya.
35
Ena savulaci sa tauria e rua na tiki ni siliva ka soli vua nai taukei ni bure, ka tukunia, 'Mo qaravi koya, ka'u na saumia vei iko na veika ko sa vakayagatakia vua na tamata koya.'
36
Ko cei vei iratou na lewe tolu ko ya sa kai nona o koya ka sikabotea na daubutako?"
37
Sa tukunia ko koya, " ko koya sa lomani koya." Sa tukunia vua ko Jisu, "Qai ka caka voki vakakinia."
38
Ena gauna era sa qai jiko kinia, sa curu ko koya ki na dua na koro volekati Jerusalemi. A sa sureti koya e dua na marama, ka yaca ko Maca me qai mai kina nona vale.
39
A sa jiko vata kei koya na tacina yalewa ka gone, ko Meri na yacana, ka sa tiko voki ena yava i Jisu, ka rogocia na na nona vosa.
40
Ia ko Maca sa lomaocaocatakia ena nona vakarautakia na kakana. Sa qai vei Jisu ka tukunia, " Turaga, konu sa yali kauwaitakia ni sa daini au na taciqu meu vakarautakia na ka kece? Kerekere mo tukunia vei koya me mai vukei au mada!"
41
Ia sa saumia na Turaga ka tukunia vua, "Maca, Maca, ko sa lomaocaoca ena vuku ni cava.
42
Ia sa dua loa lia na ka e yaga. A sa digitakia ko Meri nai votavota vinaka, o koya ena yali ni yadi tani mai vua."