¹ Ampaherezo ereo haneky reo mpanapaky vo reo manam-pahefa,hakato anazy reo,ho vono amin'gny asa soa aby. ² Ampasiahivo ereo sy hikizaky na iza na iza, hiala amin'gny alihevisy,hamela gny hafa hagnaraky gny lalany,dra hapiseho fanetre-tegna amin'olo iaby. ³ Fa teo aloha gny vatasika dra sy nanasigny dra sy tia. Voatariky tamin'gny lala-diso isika dra nandevosin'gny fitaliava vo gny fahafinareta samihafa. Niay tao amin'gny faharasia vo gny fialogna isika.Niala zahay dra nifakalaiky isika. ⁴ Fa gny niboaky gny hasoam-pagnahin'Agnahary mpamozy asika vo gny fitiavany gny olombelo, ⁵ dra sy tamin'gny asa gny fahamarigna nataosika zay,fa tamin'gny famindram-pony gny namozeny asika. Izy dra namozy asika tamin'gny alalan'gny fanaliovan'gny fahateraham-baovao vo gny fanavaoza tamin'gny Fanahy Masy. ⁶ Zagnahary nandrosaky maro tamisika gny Fanahy Masy tamin'gny alaln'i Jesosy Kristy Mpamozy asika. ⁷ Nataony zay ba,ho voamary tamin'gny fahasoava,dra ho avy mpandova isika amin'gny alalany fahatokisa gny fiaigna mandrakizay. ⁸ Ze hafasy zay dra mendri-pitokisa .Tiako hizaka momba anizay raha zay am-pahatokisa andrareo, ba reo ze mahatoky an'Agnahary dra hikasa hanao reo asa soa ze fa napetrany teo alohan'ereo.Zay raha zay dra sady soa gny mahasoa ho agny olo iaby. ⁹ Fa hialao gny alihevisy sy mazary vo gny tataram-pirazagna dra gny fifagnakania vo gny aly momban'gny lalana.Reo raha reo dra rava-fahatany vo sy mahasoa. ¹⁰ Manda ze olo miteraky fizarazara eo agnevondrareo aby,tafarany fampitandrema draiky na ro, ¹¹ dra fataro gny olo ohasin'izay dra niala tamin'gny lala mary dra manota vo magnameloky gny vatany. ¹² Gny fa magniraky an'i Artema na Tykiko agny amindrareo zaho,dra malakia dra mandehana agny aminahy agny Nikopolia, ze nanapahako hevisy andania gny ririna. ¹³ Malakia dra alefaso Zena,gny mpahay lalana,vo Apolosy, ba sy hana-raha mahory ereo. ¹⁴ Gny olosika dra sy maisy mianasy manao asa soa ze taliavy meky ba sy ahavy anazy reo sy hamokasy. ¹⁵ Reo aby miaraky aminahy dra manao veloma andrareo. Manova veloma reo ze tia asika amin'gny finoa . HO amindrareo aby seky gny fahasoava.