¹ Fa anao dra,mizaka ze mifagnaraky amin'gny Fapianara mary. ² Reo lelahy fa nahazo tao dra sy maisy mahay minday vata,motina,mahono-tena,matazaky amin'gny finoa, amin'gny fitiava, dra amin'gny fahareta. ³ Manahaky anizay gny ampela fa nahazo tao dra tokony hapiseho hatrany gny vatan'ereo ho soa fandesa,fa sy pifosa. Sy tokony ho andevozin'gny divay be ereo.Tokony hampianasy ze soa ereo ⁴ ba hampiofa reo ampela tanora ho tena tia gny valy vo gny zanany manoka. ⁵ Tokony hampianasy anazy reo hahono-tena, halio hikarakara tokatrano soa,dra hakato gny valiny ereo.Tokony hanao anizay raha iaby zay ereo ba sy ho voaheso gny zakan'Agnahary. ⁶ Tahaky anizay,ampaherezo reo lelahy bo tanora ba hahono-tegna. ⁷ Amin'gny fomba aby dra asehoy gny vatanao ho modelin'ereo asa soa; dra gny fa mapianasy anao,dra manehoa fahisia vo fahamendreha. ⁸ Mizaka hafasy salama vo sy misy signy,ba ho megnasy ze manohisy dre iza dre iza, satria sy mana dre ino dre ino rasy ho zaka momba asika izy. ⁹ Reo mpanompo dra tokony hakato gny topony amin'gny raha-iaby. Hanao ze sitrapony fa sy hifamaly aminazy. ¹⁰ Sy tokony hangalangalasy ereo. Fa dra,tokony haneho gny finoa soa iaby ereo,ba hampahamendriky gny fampianarasika momba an'Agnahary pamozy asika amin'gny lafiny aby. ¹¹ Fa niboaky tamin'gny olo-iaby gny fahasoavan'Agnahary. ¹² Mampianasy asika handa gny toesy st araky aAgnahary vo gny filan'izao totolo zao .Mampianasy asika hiay am-pihonogna, ampahamarigna,dra araky gny lalan'Agnahary amin'izao vanim-potoa zao zay ¹³ eo am-pembenasika gny fanatena mahafinarisy,gny fisehoan'gny voninahisy gny Zagnaharisika lahibe vo Mpamozy Jesosy Kristy. ¹⁴ Jesosy dra nanolosy gny vatany ho asika ba hagnavosy asika hiala amin'gny sy fagnarahan-dala iaby vo hagnaliova,ho agny vatany,olo raiky manoka ze tena mazoto hanao asa soa. ¹⁵ Ambarao dra andeso ampaherezina reo raha reo. Magnomeza fagnisia amin'gny fahefa iaby.Ka anga hisy olo hanao sinosino anao.