¹ Paoly,mpanompon'Agnahary dra Apostolin'i Jesosy Kristy,hagnamafy gny finoan'gny olom-boafilin'Agnahary vo gny fahalala gny mary ze magnaraky gny toe-pagnahy araky an'Agnahary, ² amin'gny fahatokisa gny fiaigna mandrakizay,ze nampanatenain'Agnahary,gny sy mavandy,fony fahagola. ³ Tamin'gny fotoa voatondro,dra nasehony gny zakany tamin'gny hafasy ze natokisany ho ampitako.Nataoko zay araky gny didin'Agnahary gny Mpamizy asika. ⁴ Ho an'i Titosy,zanaky mary ao amin'gny finoa hiombognasika.Fahasoava vo fiadana laha tamin'Agnahary gny Ray vo Jesosy Kristy Mpamozy asika. ⁵ Noho zao atony zao gny nagnangako anao tagny Kreta,dra gny ba handaminanao reo raha bp sy vita vo hanendry loholo isaky gny tana araky ze fa nandidiako anao. ⁶ Gny loholo dra sy tokony hanasigny mihisy,valin'gny ampela raiky,mana zanaky mino sy voapanga ho manara-po amin'gny rasy dre milisy. ⁷ Gny taliavin'gny pitandry,amin'gny maha-panao gny asan'Agnahary,gny sy fanagna-siny.Sy tokony hahery fizaka dre mirehareha. Sy tokony ho mora ory,sy mpimamo,sy tialy,dra sy olo tia vola. ⁸ Fa dra,tokony hampiatragno izy,sakaizany ze soa.Sy maisy mahonovata,mary, masy ,dra mahafehy vata. Tokony mita fatrasy gny hafasy ze fa nampianary izy,ba afahany mampahery reo hafa amin'gny fampianara soa dra hagnisy reo ze manohisy anazy. ¹⁰ Fa maro gny olo mpitraboky,indrindra reo ze voafora.Sy misy lazany gny zakan'ereo.Mandiso fanatena vo mitariky gny olo agny amin'gny lala-diso ereo. ¹¹ Taliavy gny manaka anazy io. Mampianasy gny sy tokony hampianary ereo ba ahazoa harena maloto dra mandrava gny fianakavia manotolo. ¹² Nisy raiky tamin'ereo,ze lelahy hendrin'ereo,nilaza ho:''Gny Kretana dra mpavandy mandrakariva,rasy dra biby mandoza,kamo be tia hany.'' ¹³ Mary zay voazaka zay,noho zay anaro fatrasy ereo ba hatazaky amin'gny finoa. ¹⁴ Ka miraharaha gny tafasiran'i Jiosy dre gny didin'gny olo ze niala tamin'gny fahamarigna. ¹⁵ Ho an'ereo ze malio,dra malio gny raha iaby.Fa ho an'ereo ze voaloto vo sy mino koa,dra sy misy malio dre ino dre ino.Noho gny say vo gny fieritseretany fa voaloto. ¹⁶ Mety fa mahay an'Agnahary ereo,kanefa manda Anazy amin'ereo asany. Mpalaiky vo mandika lalana ereo.Sy mahavita asa dre ino dre ino.