¹ Mitandrema ba sy hanao gny asany gny fahamarignandrareo eo anatrehagny olo andrareo ba ho itan'ereo, fa raha sy zay dra sy hahazo gny valisoa laha tamy Randrareo zay agny an-dagnisy. ² Noho zay fa gny maneho fihatra andrareo, dra ka misioky trompotra misariky gny hafa manahaky gny ataony piasara velasihy agny amy synagoga vo egny amy lala, dra ba mety hahazo gny fideran'olo ereo. Zakako mary amindrareo, fa ereo dra fa nandray gny valisoany. ³ Fa gny maneho fihatra andrareo, ka atao fatasiny gny tagnandrareo havia ze atao gny tagnandrareo havana, ⁴ ka ba home mangingiky gny fagnomezandrareo. Laha teo gny Randrareo ze mahita amy mangingiky gny hamaly soa andrareo. ⁵ Fa gny mivavaky andrareo, ka manao manahaky gny mpihasaravelasihy, fa ereo tia mijoro vo mivavaky eo amy synagoga vo eo amoron-dala, ka ba mety ho itan'olo. Zakako mary amindrareo. fa ereo fa nandray gny valisoany. ⁶ Fa andrareo, fa gny mivavaky, milira ao amy efi-tragnondrareo. Hilio gny vatrangara, dra mivavaha amy Randrareo ze ao amy mangingina .Laha teo gny randrareo ze mahita ao amy mangingina gny hamaly soa andrareo. ⁷ Fa gny mivavaky andrareo, ka manao0 zaka maro sy misy taliava anazy manahaky gny ataony zetilisa, gny amy fiheverany fa ho ren'ereo noho gny zaka maro ze ataony. ⁸ Noho zay, ka manao manahaky anazy reo, fa gny Randrareo dra fa mahafatasy reo raha ze taliavindrareo mialohany gny angatahindrareo aminazy. ⁹ Noho zay mivavaha manahaky anizao ho:'Ranay ze agny an-dagnisy, ho hamasiny seky gny agnaranao. ¹⁰ Ho avy ra gny fazanao hatao ra gny sitraponao etiho an-tany mitovy gny agny an-dagnisy. ¹¹ Omeo anay amizao gny hany ze tandreify ho anay. ¹² Mamela gny rasy atao nay , manahaky gny hamelanay ze hory taminay. ¹³ Dra ka minday anay amy faka-pagnahy, fa magnafaha anay amy rasy.'''( Fagnamarina: Gny dika zaka taloha soa indrindra dra mangalaky gny ho: ''Fa Anao gny fazaka vo gny hery dra gny voninahisy mandrakizay. Amen.'') ¹⁴ Fa raha mamela gny hadisoan'olo andrareo, dra hamela andrareo avo koa gny Randrareo ze agny an-dagnisy. ¹⁵ Fa raha sy vmamela gny hadisoan'ereo andrareo, dra sy hamela gny hadisoandrareo mihisy gny Randrareo. ¹⁶ akoasy zay, fa gny mifaly hany andrareo, ka mampiseho endriky mampalahelo manahaky gny taony gny piasaravelasihy, fa magnarasy tarehy an'ereo dra ba mety ho itan'olo fa tena mifaly hany. Zakakomary amidrareo, fa nandray gny valisoa ereo. ¹⁷ Fa anao , fa gny mifaly hany, osory menaky gny lohanao dra sasao gny tarehinao, ¹⁸ dra ba sy ho itany gny hafa ho mifaly hany, fa amy Ranao ze ao amy mangingina avo; dra gny Ranao ze mahita ao amy amngingina, gny hamaly soa anao. ¹⁹ Ka magnaza gny hanagnandrareo etiho an-tany zay ho solany kalalao vo ho menaheriky, dra hiliran'ereo pangalasy an-keriny dra hangalasy . ²⁰ Fa ahazao gny hanagnandrareo agny an-dagnisy, zay sy ho solany kalalao vo ho menaheriky, dra sy hiliran'ereo mpangalasy an-keriny dra hangalasy. ²¹ Fa ze misy gny hanagnanao , gny itoerany gny fonao avo koa. ²² Gny maso gny zirony gny vata. Noho zay, raha soa gny masonao, dra ho feno fahazava gny vata iaby. ²³ Fa raha rasy gny masonao, dra ho feno hezy gny vatanao iaby. Noho zay, raha mezy gny fahazana ze ao agnatinao amin'izao, manao akory gny halahiben'izay hezy zay! ²⁴ Sy misy afaky hanompo topo ro, fa halaiky gny raiky izy dra hitia gny raiky, raha sy zay hanolom-bata ho agny raiky fta halaiky agn'Agnahary vo gny harena. ²⁵ Noho zay zakao amindrareo , ka miahiahy mbomba gny aindrareo, ze hohanindrareo dre ze honomindrareo dra momba gny vatandrareo,zay hosikinandrareo. Fa sy lahibe noho gny sakafo se gny fiaigna, dra gny vata lahibe noho gny fitafia? ²⁶ Hatio reo voro egny amy lagnisy.Izy raiky dra sy mamafy dre miziza dre mamory ao asopisy, fa gny randrareo ze agny an-dagnisy gny mamaha anazy reo. Sy lafovily mihoasy anireo se andrareo? ²⁷ Iza amindrareo gny afaky magnapy hakio raiky amy andro hiaignany amy fanahiana? ²⁸ Nanao akory andrareo gny miahiahy (matahosy) momba gny fisikinandrareo?Diniho gny momba gny lilia egny amy tanimboly, nanao akory gny fagnirian'ereo. Sy ba miasa ereo, dra sy mamoly fiakazoa. ²⁹ Zakako amindrareo, fa dre i Solomona dra amy voninahiny iaby dra sy nagnisy manahaky gny raiky amin'ereo. ³⁰ Raha ampiunkazoan'Agnahary manahaky anizay gny ahita agny an-tanimboly, zay aby misy anio vo raha maray dra hatoraky ao amn-pata, mitovy nanao akory gny ampiankazoany andrareo avo, andrareo ry masaiky finoa? ³¹ Noho zay ka miahiahy dra mizaka ho:'Ino gny hohaninay? ho: 'Ino gny honominay?'dre ho:'Ino gny hiankazoanay ho anovanay?' ³² Fa reo zetilisa mitalia reo raha reo, dra gny Randrareo ze agny an-dagnisy dra mahafatsay fa mila an'ireo andrareo. ³³ Fa taliavo aloha gny fazakany vo gny fahamarignany dra home andrareo reo araha reo. ³⁴ Noho zay, ka miahiahy gny maray, fa gny maray hagnahy gny anazy. Apy ho agn'andro kirairaiky gny rasy ao aminazy.