¹ Tafarany nahaterahan'i Jesosy tao Betleheman'i Jodia tamy andron'i Heroda pazaka, dra avy tao Jerosalema reo lelahy manam-pahalala laha tagny atsignana nizaka ho: ² ''Eza Izy zay niteraky ho pazaka gny Jiosy? Nahita gny kitany laha tegny atsignana izahay dra avy ba hidera anazy.'' ³ Fa gny nahare anizay i Heroda pazaka, dra nampatahosy izy , vo i Jerosalema manotolo niaraky taminazy. ⁴ Nandesin'i Heroda niaraky gny lohagny pisoro iaby vo gny panora-dalana gny olo, dra nagnontany anazy ereo ho: ''Eza gny hahaterahan'i Kristy? '' ⁵ Nizaka taminazy ereo ho: ''Ao Betleheman'i Jodia, fa izao gny voasorasy gny paminany ho: ⁶ 'Fa ianao, Betlehema, agny amy taniny Joda, dra sy masaiky indrandra amin'ereo pinday an'i Joda, fa laha taminao gny hahaviany pazaka zay hiamby gny oloko Israely.'' ⁷ Dra nitoka mangingiky reo lelahy manam-pahalala i Heroda ba hagnontany anazy reo mazava soa gny fotoa nipoirany gny vasia. ⁸ Nalefany tagny Betlehema ereo , manao ho: ''Mandehana dra fotory soa gny amy zaza. Fa gny hitandrareo izy, dra zakao zaho, ba afahako magnagny avo koa dra hidera anazy .'' ⁹ Tafany naharezan'ereo gny pazaka, dra nandeha tamy lalany ereo, dra gny vasia zay hitan'ereo tegny asignana gny nialoha anazy reo mandra-pizanony teo agn'abo gny toera nisy gny zaza. ¹⁰ Fa gny nahita gny vasia ereo , dra nifaly tamim-pifaliam-be. ¹¹ Nilisy tao amy tragno ereo dra nahita gny zaza niaraky tamin'i Maria reniny. Nandohaliky vo nidera anazy ereo. Nanokasy gny fisia-kareny ereo dra nanolosy fagnomeza volamena, liti-kazo magnitsy, dra miora ho anazy. ¹² Nampitandry anazy reo tamy nofy Zagnahary ba sy hiharegnany agny amin'i Heroda, ka lala hafa gny nandehan'ereo namozy gny fireneny aby. ¹³ Fa gny nandeha izy reo ,dra nisy azelin'i Topo niboaky tamin'i Josefa tamy alala gny nofy dra nizaka ho: ''Miaregna andeso gny zaza vo gny reniny, dra mandosira agny Egypta. Mipetrara agny mandra-pizakako aminao,fa i Heroda dra mitalia gny zaza ba hamonoa anazy.'' ¹⁴ Gny hariva igny Josefa dra nifoha dra ninday gny zaza vo gny reniny dra nagnagny Egypta. Nipetraky tagny izy mandra-pahafatin'i Heroda. ¹⁵ Dra nagnatateraky ze nizakan'i Topo tamy alalagny paminany ho: ''Nitokaviko hiala tagny Egypta gny zanako.'' ¹⁶ Laha teo Heroda, fa gny nahita fa voafitak'ereo lelahy manam-pahafatany , dra hory fatrasy. Nagniraky vo napamono gny zazalahy iaby ro tao gny mizoso ze tao Betlehema vo tao amin'igny farisy iaby igny , araky gny fotoa ze niboahany mazava tamin'ereo lelahy manam-pahaiza. ¹⁷ Laha teo dra tateraky gny zaka ze nizaka tamigny alalan'i Jeremia paminany ho: ¹⁸ ''Nisy feo re tao Rama, fitomagnia vo fandalam-be , mitomagny noho gny amy zanan'i Rahely, dra sy nagneky gny ho ampegneny izy, satria fa fanandeha ereo.'' ¹⁹ Gny fa nimaty i Heroda, indro, nisy azelin'i Topo niboaky tamin'i Josefa tagny Egypta tamy nofy dra nizaka ho: ²⁰ ''Mifohaza dra andeso gny zaza vo gny reniny dra mandehana agny amy tanin'Israely, fa maty reo ze nifofo gny ay gny zaza.'' ²¹ Nifoha Josefa, nandesiny gny zaza vo gny reniny, dra nandeha tagny amy tanin'Israely. ²² Gny fa nahare i Arkelaosy gny nazaka tagny Jodia nandimby an'i Heroda rany, dra natahosy gny ho agny izy. Tafarany napitandreman'Agnahary anazy tamy nofy, dra niala nagnagny amy faris'i Galilia izy ²³ Dra nandeha dra nitoesy tao amy tana tokavy ho Nazareta. Zay dra nahatateraky ze voazaka tamy alalan'ereo paminany ho: ''Nazareta gny nitokava anazy.''