¹ Tafaran'ireo raha reo Jesosy dra niseho tamireo pinasy ndraiky teo amigny ranomasin'i Tiberiasy. Manahaky anizao gny fomba nisehoany: ² Simona Petera dra niaraky tamin'i Tomasy ze atao ho i Didymo, Natanaela boaky a Kana agny Galilia, reo zanak'i Zebedio, dra pianas'i Jesosy ro hafa. ³ Hoy Simona Petera tamin'ereo ho: "Handeha hagnarato zaho." Dra hoy ereo taminazy ho: "Zahay, koa, handeha hiaraky aminao." Dra lasa ereo dra nilisy tao asambokely ao, fa sy nahazo na ino na ino ereo nandrisy gny hariva. ⁴ Dra raha fa mangiran-drasy sahady gny andro, nizoro teo andranomasy Jesosy, fa sy fatan'ireo pianasy ho Jesosy io. ⁵ Dra hoy Jesosy tamin'ereo ho: "Ry tovolahy sy mana-kohany ra handrareo io?" Namaly anazy ereo ho: "Aha." ⁶ Hoy izy tamin'ereo ho: "Ario eo amigny sisiny akavannanigny sambo gny haratondrareo, dra hahazo handrareo." Dra nataon'ereo gny haraton'ereo dra sy nahavita napiakasy anizay tao nohonigny hamarony gny hazandrano ereo. ⁷ Boak'eo gny pianasy ze tian'i Jesosy tamin'i Petera ho: "Gny Topo Io." Gny fa ren'i Simona Petera fa gny Topo op, dra napilisy gny ambonin'akazony izy (Akory sy nekazo izy) Dra nidikosy tao agnaty ranomasy. ⁸ Reo pianasy hafa nagnao asambo (akory ereo sy lavisy gny roanga, teo amigny rozatohakiho teo), dra nisito gny harato feno hazandrano. ⁹ Gny fa tafiakasy androanga ereo, dra nahita afon'ary ereo tegny dra hazandrano teo amboniny, miaraky amigny mofo. ¹⁰ Hoy Jesosy tamin'ereo ho: "Mindesa hazandrano maromaro amireo vo azondrareo teo." ¹¹ Dra niakasy Simona Petera dra nanito androanga gny haratony, feno fia bevety io; 153. tena maro be, kanefa sy nitriasy gny harato igny. ¹² Hoy Jesosy tamin'ereo ho: "Avia hihina maraindray."Sy nisy tamireo pianasy nahavany nagnotany anazy ho: "Iza moa hanao io?" Fatas'ereo fa gny Topo io. ¹³ Nagnato Jesosy, nitakasy gny mofo, dra nagnome anizay anereo, manahaky anizay koa gny fia. ¹⁴ Fagnitelony amin'io gny nisehoan'i Jesosy tamireo pianasy tafaranigny nisanganany tamigny maty. ¹⁵ Gny fa boaky nihina gny hany maraindraray igny ereo, dra hoy Jesosy tamin'i Simona Petera ho: "Simona zanak'i Jaona, tia Anahy mihoasy noho ereo ra hanao?" Hoy Petera tamianzy ho: "E ry Topo , fatasao fa tia anao zaho." Hoy Jesosy taminazy ho: " Fahano reo agnondrinao." ¹⁶ Nizaka taminazy fagnindrony ndraiky izy ho: "Simona zanak'i Jaona, tia anahy ra hanao io?" Hoy Petera taminazy ho: "E ry Topo, fatasao fa tia anao zaho." Hoy Jesosy taminazy ho: "Karakarao gny agnondriko. ¹⁷ Nizaka taminazy fagnitelony izy ho: "Simona, zanak'i Jaona, tia anahy ra hanao io?" Dra namaly i Petera akory Jesosy nanao gny telo taminazy ho: "Tia anahy ra hanao io?" Dra hoy izy taminazy ho: "Topo, Hanao mahay gny raha aby, fatasao fa tia anao zaho." Hoy Jesosy taminazy ho: "Fahano gny agnondriko." ¹⁸ Zakako aminao mary tokoa fa bo tanora hanao dra zara nangalaky reo akazonao vo nandeha tamize tianao, fa gny fa niha-atisy hanao, dra hagnizisy gny tagnanao, dra olo-kafa gny hapekazo anao vo hinday anao amize sy tianao andehana. ¹⁹ Dra Jesosy nizaka anizay ba hahafatara ho amigny karaza fahafatesa manahaky gny ino gny hagnomezan'i Petera voninahisy an'Agnahary. Gny fa boaky nizaka anizay Izy, dra hoy Izy tamin'i Petera ho: "Magnaraha Anahy." ²⁰ Nitoliky Petera dra nahita gny pianasy ze tian'i Jesosy nagnaraky anereo, gny raiky niaky apitan'i Jesosy avo koa tao amigny fihinana dra nanao anizahoky ho: "Topo, iza gny hamadiky anao io?" ²¹ Nahita anazy Petera dra hoy izy boak'eo tamin'i Jesosy ho: "Topo, ino gny hataon'io lalahy io?" ²² Hoy Jesosy taminazy ho: "Raha tiako hitoby izy mandra-piaviako, dra midika ino izay amindrareo? Magnaraha anahy." ²³ Dra niparitaky teo amireo pirahalahy zay zaka zay, fa sy ho maty io pianasy io. Nefa Jesosy sy nizaka tamin'i Petera fa sy ho maty gny pianasy hafa, fa ho : "Raha tiako hitoby izy mandra-piaviko, dra midika ino izay amindrareo?" ²⁴ Izy gny pianasy nizoro vavolombelo momba reo raha reo, vo gny nanorasy reo raha reo, dra fatasika fa mary gny fizakany. ²⁵ Misy raha maro hafa koa ze nataon'i Jesosy. Raha voasorasy sirairay aby zay, dra haheriko fa na dre izao totolo izao aza sy ho omby gny boky ze ho soraty.