¹ Izaho dra magnome ty lily sarosy tihoky eo agnatrehan'Agnahary vo Jesosy Kristy, ze hisara gny velo vo gny fazaka: ² Mitoria gny zaka. Mivonogna na amigny fotoa na sy amigny fotoa na tsy amigny fotoa. Magnanara, mizaka mafy, mapirisiha, ami-pahareta vo gny fapianara aby. ³ Akory ho avy gny fotoa ze sy hazakanigny olo gny feonigny fapianara. Fa koa, ereo dra hisafidy papianasy ho anazy araky reo fagniriany manoka. Reo dra hagnitikitiky gny sofin'ereo. ⁴ Hangalaky gny fitenoan'ereo amigny fahamarigna reo, dra hivily ho agny amireo vandy. ⁵ Kanefa handrareo, erisereto soa gny raha aby. Hiareto gny raha sosotra; atovy gny asanigny evazelista; tateraho gny fanopoandrareo. ⁶ Akory fa hatolosy sahady zaho. Fa avy gny fotoa hialako. ⁷ Izaho dra fa nahavita gny aly soa; fa nahavita gny hazakazaky zaho; fa nitanako gny finoa. ⁸ Gny satro-bononahisy gny fahamarigna dra fa voatoka ho anahy, ze hamenigny Topo, gny pisara mary, ho anahy amizay andro zay, dra sy ho anahy raiky avo, fa ho anireo ze fa nitia gny fesehoany aby. ⁹ Ameo ze soa aby boaky aminao ba handehana aminahy atiky malaky. ¹⁰ Akory i DEmasy fa nagnenga anahy. Tiany zao totolo zao dra fa nandeha tagny Tesalonika izy. Kreska dra nagnagny Galatia, dra Titosy agnagny Dalmatia. ¹¹ Lioka raiky avo gny mindray aminahy. Alao i Marka dra andeso izy miaraky aminao akory taliaviko amigny asa izy. ¹² Tykiko dra nalefako tagny Efesosy. ¹³ Gny lamba ze nangako tao Troasy miaraky amigny Karpo, andeso igny gny fa avy hanao, dra reo boky, indrindra reo mifogno holisy. ¹⁴ Alksandro gny panefy varahy dra napiharihary asa rasy maro taminahy. Gny Topo dra hamaly anazy araky reo asany. ¹⁵ Hanao avo koa dra tokony hitandry gny vatanao aminazy, akory izy dra manohisy fatrasy reo zakanay. ¹⁶ Tamigny ferova-tegnako volohany, sy nisy nanoha anahy. Nefa koa, gny olon'aby nagnenga anahy. Aoky ba sy ho voaheloky amizay ereo. ¹⁷ Fa gny Topo dra nisanga teo agnilako dra nakahery anahy omba maigny alalako, gny fagnambara dra afaky taterahy tateraky, dra ba afaky hahare reo Jentilisa aby. Izaho dra avosy tamigny vavanigny lio. ¹⁸ Gny topo dra hagnavosy anahy amigny asa rasy aby dra hamozy anahy amigny fazakany agny an-dagnisy. Ho anazy anie gny voninahisy mandrakizay doria. Amena. ¹⁹ Atovy veloma i Prisila, i Akoila, dra reo akohonan'i Onesiforosy. ²⁰ Erasto dra nitoby tao Korinto, fa i Trofimo dra nengako fa narary ao Mileto. ²¹ Omeo ze soa boaky aminao ba ahaviako alohanigny ririniny. Manao veloma anao i Eolobolo, dra Poda avo koa, Lino, Klaodio, dra reo rahalahy aby. ²² Hindray amigny fagnahinao anie gny Topo. Ho amindrareo anie gny fahasoava.