¹ Noho izay hanao, ry zanako, mahereza ao amigny fahasoava ze ao amin'i Jesosy Kristy. ² Reo raha rendrareo boaky aminahy teo agnatrehanigny vavolombelo maro, dra akino amigny olo matoky ze afaky hapianasy gny ilany koa. ³ Miareta raha sarosy miaraky aminahy, manahaky gny maramila soan'i Jesosy Kristy. ⁴ Sy misy maramila manopo raha bo voafandik'ireo rahaharan'izao fiegna zao, ba hafahany mapifaly gny lehibeny. ⁵ Raha misy olo mifanina manahaky gny atleta, dra mitakasy gny satro-boninahisy izy raha sy mifanina amigny alalan'ireo fisipiky. ⁶ Taliavy gny fandresanigny pamboly ze miasa fatrasy gny azara vokasy volohany. ⁷ Saigno gny momba ze zakako, fa gny Topo gny hagnome andrareo gny fahatakara amigny raha aby. ⁸ Sarovy Jesosy Kristy, boaky amigny taranak'i Davita, ze nasanga tamireo maty. Izay dra araky gny hafasy gny filazasarako, ⁹ ze mapizaly anahy gny amigny famehea manahaky gny panopo olo. Fa gny zakan'Agnahary dra sy voafehy. ¹⁰ Noho izay hiaretako gny raha aby ho an'ireo voafily, ba ho amin'i Kristy Jesosy avo koa ereo, miaraky amigny voninahisy mandrakizay. ¹¹ Ty tany tihoky dra mendri-pitokisa: "Raha maty nindray taminazy isika, dra ho velo hindray aminazy avo koa. ¹² Raha miarisy isika, dra hagnaza hiaraky aminazy avo koa. Raha manda anazy isika, dra handa asika vo koa Izy. ¹³ Raha sy mahatoky isika, dra hahatoky avo izy, akory sy afaky manda gny vatany Izy." ¹⁴ Apahasiahivo anereo hatragny reo raha reo. Apitandremo eo agnatrehan'Agnahary ereo ba sy hifamaly momba reo zaka reo. Noho io dra sy misy raha taliavy. Noho io dra misy fahasola ho an'ireo ze miteno. [Fagnamariha: gny dika zaka ilany dra mivaky ho: "Apitandremo eo agnatrehan'Agnahary ereo] ¹⁵ Ameo gny soa boak'aminao ba hanoloranao vata ho an'Agnahary manahaky gny akatoavy, piasa ze sy mana atony hahamegnasy, ze mapianasy gny zakany fahamarigna amigny tokony ho izy. ¹⁶ Ialao gny zaka rasy, ze minday sikelikeky agny amigny faharasia-pagnahy. ¹⁷ Gny zakan'ereo dra hiely manahaky gny fery mandoaky. Eo agnevon'ireo Hymeneo vo Fileto. ¹⁸ Ereo gny lelahy sy ba nahay gny mary. Mizaka ereo fa gny fisanga amigny maty dra fa niboaky. Solan'ereo gny finoanigny ilany. ¹⁹ Na dre izay aza, gny fotosy fatrasy orin'Agnahary dra mizoro. Mana ty sorasy tihoky: "Gny Topo dra mahafatasy reo ze anazy." vo "Ze manogno gny agnaranigny Topo aby dra sy maisy miala amigny sy fahamarigna." ²⁰ Ao amigny tragnonigny panan-draha, dra sy reo pisy volamena vo volafosy avo koa gny ao. Misy avo koa reo pisy hazo vo tanimanga. Gny ilany amireo dra hapesa amim-boninahisy, dra gny ilany ho amigny fangalam-baraka. ²¹ Raha misy olo magnalio gny vatany ho afaky amigny fahafaham-baraka, dra fitoboha mana-kaza izy. Izy dra voatoka, taliavinigny Topony, dra voaoma amigny asa soa aby. ²² Menga an'ireo filanigny tanora. Mikasaha fahamarigna, finoa, fitiava, dra fihavagna miaraky amireo ze mitoka gny Topo amigny fo malio. ²³ Fe seky melegna reo fagnotania molamola vo sy misy fotony. Fatasao fa miteraky aly reo. ²⁴ Gny panoponigny Topo dra sy tokony mifalisy. Fa koa sy maisy malemy fagnahy amigny raha aby izy, mahay mapianasy, vo maharin-draha. ²⁵ Sy maisy ao amigny fahaleme-pagnahy gny apenarany reo ze manohisy anazy. Fa vasa i Zagnahary mety hagnome anereo fibebaha ho anigny fahalala gny mary. ²⁶ Mety holy ndraiky gny fisaignan'ereo dra hagnenga gny fandriky gny devoly, gny fa avy nisamboriny tamigny sitrapony.