¹ Paoly naho Timoty, mpiasa ndre Jesosy Kristy, ho ahy reo iaby voatoka ho ahy ndre Jesosy Kristy ze agne Filipy, miarake amy reo mpiandraikitse naho reo diakona. ² Ho aminareo vatagne ty fahasoava naho fiadagna bak'amy ty Andragnahare Raentika naho Jesosy Kristy Tompo. ³ Misaotse ty Andragnahareko raho amy ty fahatiarovako anareo. ⁴ Ao amy ty fivavahako ho anareo iaby, le amy ty fifalea hatragne ro anaovako ty fivavahako. ⁵ Magnome fisaora raho noho ty amy ty fiaroanareo amy ty filazantsara nanomboke tamy ty aandro voalohane le hatramy zao. ⁶ Matoke ahy zao iaby zao raho, te Reke ze nanomboke asa soa taminareo le hanohy hagnatanterake zay hatramy ty andro ndre Jesosy Kristy. ⁷ Te soa amiko ty mahay manahake zay ty amy ty mikasike anareo iaby satria ato agn'arofoko nareo. Nareo iaby le mpiara-miasa tamiko tamy ty fahasoava na tamy ty figadrako naho tamy ty fiarovako na kea tamy ty fagnamafisa ty filazantsara. ⁸ Te Andragnahare ro vavolombeloko, te mane anareo mafe raho amy ty famindram-po ndre Kristy Jesosy. ⁹ Vaho raho mivavake ahy zao: soa hitombo hatragne hatragne ty fitiavanareo amy ty fahalala naho amy ty fahazan-tsay iaby. ¹⁰ Mivavake ho ahy zay raho soa hagnina ze soa le soa nareo, soa ho tso-po naho tsy misy tsikone amy ty nadro ndre Kristy. ¹¹ Mivavake raho soa ho feno ty voaktse ty fahamarigna ze bak'amy ndre Jesosy Kristy nareo, ho voninahitse naho fiantsa ahy ty Andragnahare. ¹² Vaho teako ho hainareo, rahalahy, te reo raraha ze niseho tamiko le niasa ho amy ty fampandrosoa ty filazantsara vantane. ¹³ Vokatsy zay, ty fehiko ao amy ndre Kristy le niharihary mazav nanera reo mpiambe ty rova iaby naho reo ndaty hafa. ¹⁴ Ty ankamaroa reo rahalahy le mana toke bey loatse ao amy ty Tompo noho ty fatorakop, vaho mahasake magnambara tsy amy ty tahotse ty tsara iareo. ¹⁵ Ty ilane kea le mitore ahy ndre Kristy amy ty fialogna naho fifamalea vatane, vaho reo hafa kea amy ty tea soa. ¹⁶ Reto farane le manao zay amy ty fitiava, mahay te raho le nitoboke eto ho fiarova ty filazantsara. ¹⁷ Te rety ho voalohane le mitore ahy ndre Kristy amy ty fitiavan-tegna, te tsy tso-po. Reke regne le mihevitse te hagnakoronta ahike laha mboe ao amy ty firohizako raho. ¹⁸ Ino vaho? Amy ty fomba iaby, na amy ty fiatsaram-belatsihy na amy ty fahamarigna, Kristy to tory, vaho mifale ty amy zay raho. Eka, ho fale raho, ¹⁹ te haintso te zay le hiafara amy ty fagnafana ahike amy ty alala reo vavakareo naho ty fagnampea ty Fagnampea ty Fagnahy ndre Jesosy Kristy. ²⁰ Zay le arake ty fiandrasako mafe naho ty antoke te raho le tsy ho megnatse zao, vaho mboe amy ty fahasahia iaby avao, henane zao manahake ty nanomboke zayle hisondrotse ato amy ty vatako Kristy, na amy ty fiaigna na amy ty fahafatesa. ²¹ Ho ahike ty tihoe miay le Kristy vaho ty thoe mate le tombone. ²² Te laha miay amy ty nofotsiko raho, le midika asa mahavokatse ho ahike zay. Feie ino ro ho filiko? Tsy haintso. ²³ Te voatere mafe eo agnelagnela iareo raho. Ty fagniriako le ty haneha vaho hiarake amy ndre Kristy, ze soa lavitse, ²⁴ feie ty mitoetse ao amy ty nofotse le mpaiavy loatse noho nareo. ²⁵ Rese lahatse ty amy zay, le haintso te htoetse naho hanohy hiarake aminareo iaby raho, ho ahy ty fandrosoanareo naho fifalea ao amy ty finoa. ²⁶ Soa ho ao amiko le hana antone hirehareha ao amy ndre Kristy Jesosy nareo lafa mimpole agne aminareo ndraeke raho. ²⁷ Manday tegna amy ty fomba maeva ty filazantsara ahy ndre Kristy, le ave hagnete anareo raho na tsy eo, le afake ty haheno mikasike anareo, te mitsanga mafe amy ty fagnahy raeke nareo, amy ty ray raike miara-miezake ho ahy ty finoa ty filazantsara. ²⁸ Vaho ko mete ampitahore reo ze fahavolanareo. Marike ty fahapoteha iareo zay, te marike ty famonjenareo kea _ vaho zay le bak'amy ty Andragnahare. ²⁹ Te nomea anareo zay, ho ahy ndre Kristy, tsy tihoe soa hinoa Aze avao, te hijalea ho Aze kea, ³⁰ te nareo le mana ale mitove amy ze hisanareo tamiko, vaho mitove amy ze hisanareo tamiko, vaho ze janjinao amiko amy zao.