¹ Tadidio, gea Yaveh, ze nahazo anay, henteo vaho dineho ty fahafahambaragnay. ² Nafindra ho ahy vahiny reo ty lovagnay; ty tragnonat ho ahy reo firene hafa. ³ Nizare bode zahay, bode rae, vaho ty roenegnay le manahake ty mpinday bata. ⁴ Tsy maintsy mandoa volafoty ho ahy ty rano nome zahay, vaho tsy maintsy mandoa volafoty vaho mahazo ty hetaegnay. ⁵ Reo ze nagnejeke anay le marikitse afaragnay; rerake zahay vaho tsy mahisake fitofa. ⁶ fa nanolo bata ho ahy Egypta naho Asryana zahay mba hahazoa gnay hane sahala. ⁷ Nandiso razagnay bey reo, vaho tsy eo sasy iereo, vaho zahay ro mizaka ty hadisoa gniereo. ⁸ Ndevo reo ro manjaka aminay eo, vaho tsy misy hagnafake anay an-tagna gniereo eo. ⁹ manao soro ty aignay zahay vaho mahazo ty mofognay, naho ty mesobey agnefetse agne. ¹⁰ Niha nahamay manahake ty fatapera ty holignay naho ty siake milebeleba. ¹¹ Voarava ampela reo ta Ziona ao, naho ilane mboe tsy mahasaky lahy tamy reo tana i Jodao. ¹² Nahanto tamity tagnane avao roandria reo, vaho tsy namen-kasy roandria reo. ¹³ Sinere hikoseke vare tamity fikoseham-bare ajiahy reo, vaho aja lelahy reo le miviombio mibata hetae. ¹⁴ Niala tamity vavahady ty tana roandroa reo, vaho nagnenga ty zaka magneno gniereo ty ajiahy. ¹⁵ Nijano ty hafaleam-pognay vaho niova ho fandala ty dihignay. ¹⁶ Nipoke bak'andohagnay egne ty satron-kasy; loza ho anay, satria nandiso zahay! ¹⁷ Naho izay le narare ty fognay, vaho nizare tampe ty masognay, naho reo zaka reo le nanjare tampe ty masognay, ¹⁸ satria ty vohy Ziona nitoka, ze misy amboan-taolo miriorio amine egne. ¹⁹ Fa iriha, gea Yaveh, le manjaka zisikagne, vaho iriha le hitoboke amity seza fiankinagnao eo zisikamity zafe afe mifamdimbe. ²⁰ Nanao akore zahay ro halignonao zisikagne? Nanao akore riha ro mahafoe anay amity andro maro? ²¹ Ampolio aminao zahay, gea Yaveh, le hihere. Havaozo manahake ty taloha ty andrognay- ²² laha tsy hoe fa nilieregnao vatane zahay vaho tena meloke vatane aminay riha.