¹ I tana ze feno ndaty tamy zay le mipetra-drery te amizao. Manjare manahake ty mpidai-bata re, na le firene nahere aza. Ire ro roamdriambave tamy reo firene eo, feie sinere ho amity fagnadevoza te amizao. ² Mitagny naho mibababa re amity hale, vaho mandrakoke ty fifine raonomasone reo. Tsy nisy tamy reo tea aze mba nagnono aze. Nivalike amine ty ragnene iaby. Nizare rafene iereo. ³ Tafara ty tsy fanagna naho fijalea, le nalefa ho sensetane ty Joda. Miay amy reo firene eo re vaho tsy mahisake hasambara. Mpagnaraty aze iaby reo le nahatsatse aze tamity hakiviane. ⁴ Mandala lala gny Ziona reo satria tsy misy ndre raike aza niavy amy reo fampiavia voatingy. Maike ty vavahadine iaby. Miehake mpisorone reo. Malahelo mafe o tsy mahasaky lahy reo vaho ire vatane le agnate ty fijalea vatane. ⁵ Nizare tompone rafene reo; niroborobo rafene reo. Nampijale gn'Yaveh re naho hadisoane maro reo. Anagne kede reo le nizare ndevo amity rafene agne. ⁶ Niala tamity anak'ampela Ziona ty hasoan-tarehe. Nizare manahake ty serfa ze tsy mahisake ahetse anan-droandriagne reo, vaho mandeha tsy misy here agnoloa ty mpagnaraty aze eo iereo. ⁷ Amy reo androm-pijalea naho tsy hanagnane fialogna, le hahatiaro hanagna sarobily iaby ze nanagnane tamity andro taloha ty Jerosalema. Lahafa tonta an-tagna gnireo rafene ty ndatine, le tsy nisy nagnampe aze. Nahisake aze rafene reovaho nihehe tamity faharava. ⁸ nandiso bevata ty Jerosalema, naho izay, le nafahen-baraka manahake ty zaka maoloto re. Reo iaby nagnomey hasy aze le manao tsisy dikane aze te amizao zisikamity nahisaha gniereo ty fiboridane. Misento re vaho manday miodike. ⁹ Niavy naloto tambane zipone ao re. Tsy nandineke ty ho avine re. Nandagy ty fitontane. Tsy nisy ndre ia ndre ia nagnono aze. Nitoreo re tihoeke: "Henteo ty fijaleako, Yaveh, fa nanjare nihamaro ty mpalay. ¹⁰ Nametsake ty tagnane tamy reo hanagna saribily iaby ty mpalay. Fa nahisake reo firene nilitse tamity fitoboha masine re, na le fa nililie tsy hilitse amity toera ty fiangona ao aza iereo. ¹¹ Misento iaby reo ndaty iaby laha nila mofo iereo. Natakalo mofo hanagna sarobily reo mba hagnere ty ay gniereo. Henteo, Yaveh, ko haligno raho, satria nizare tsisy dikane raho. ¹² Tsy misy dikane aminareo vao, inareo iaby ze mandrio? Henteo kea ao ho hisanao laha misy alahelo gnondaty manahake ty alahelo ze mahazo ahy, zisike ze nampijalea gn'Yaveh ahy tamity andro ty hasia ty helone. ¹³ Bakagne amity abo ro nandefasane ty afo tamy reo taolako, vaho nahazo aze zay. Namelatse harato ho ahy ty tomboko re vaho nagnere ahy. Nanoene lao naho rerake avao raho. ¹⁴ Ty joga gnireo fandika-dily le nirae nafehene tamity tagnane. Nampifandraese reo vaho natoboke tan-tsoroko eo. Nandavo ty hereko re. Namea i Tompo ho an-tagna gniereo eo raho, ka tsy tafatsanga. ¹⁵ Nampisarotake lahilahy mafeko reo ze niaro ahy ty Tompo. Fa nikaike ty fiangona handietse ahy re mba hamoteke lahilahiko matanjake reo. Nandialia ty anak'ampela mboe tsy mahavany lahy ty Joda tamity famiaham-boaloboke ty Tompo. ¹⁶ Mitagny raho naho reo zaka reo. Ty masoko, mikororoke amity masoko ty rano satria lavitse ahy mpagnamafe ze tokone hampiandra ty fiagnako reo. Lao anako reo satria nandrese ty fahavalo. ¹⁷ Namelatse ty tagnane ty Ziona; tsy nisy ndre ia ndre ia nampiono aze. Nandily ty Yaveh fa reo ze magnodidy andre Jakoba le tokone ho rafene. Zaka maloto amy gniereo Jerosalema. ¹⁸ Mare ty Yaveh, fa iraho ro nivory handietse ty liline. Minjajigna, nareo ty ndatiko iaby, vaho henteo ty alaheloko. Nizare ndevo koloko reo vaho ndaty mefeko reo. ¹⁹ Mikaike ragneko reo raho, nefa namitake ahy iereo. Mate tan-tana ao mpisoroko reo naho roandriako reo, laha nila hane hampipoly ty ay gniereo. ²⁰ Ingo, Yaveh, fa agnate fijalea ao raho, vaho magnotseke ty vavoniko, potepoteke agnateko ao ty foko, satria tena nivory vatane raho. Laha entea etoy, le mampijale ty rene ty mesobey, tsy misy afa tsy fate ty antragno ao. ²¹ Naharey ty toreoko iereo, nefa tsy nisy nagnamafe ahy. Naharey ty fijaleako rafeko iaby reo vaho fale iereo fa vitagnao zay. Fa ninday ty andro nampagnatenagnao riha; vaho ao iereo hizare manahake ahy te henane. ²² Ao ty haratia gniereo iaby hizare agnoloanao eo. Anovo manahake ty nanovagnao ahy naho hadisoako iaby reo iereo. Maro ty toreoko kea rerake ty foko.