¹ hanomboke hidera vata ndraeke vao zahay? Zahay le tsy mipay reo taratasy fagnamarigna aminareo na bak'aminareo, manahake ty ndaty ilane, sa tsy zay? ² Ty vatanareo ro taratasy fagnamarignanay, ze voasoratse ao am-pontika, ze hay baka vaky ty ndaty iaby. ³ Nareo le maneho te taratasy fagnambara bak'amy ndre Kristy, ze nomeantika. Zay le tsy voasoratse tamy ty ranomainte te tamy ty Fagnahy iaze Andragnahare velo. Zay le tsy voasoratse teo amy ty takela-bato, te teo amy ty takelake ty arofo ty ondaty., ⁴ Vaho zay ro toke ze anagnantika eo agnatreha ty Andragnahare amy ty alala ndre Kristy. ⁵ Tika le tsy mahavita amy ty vatantika soa handrambe na ino na ino ze bak'amintika. Te kea, ty Fahefantika le bak'amy ty Andragnahare. ⁶ Andragnahare ro namboatse antika soa ho mpiasa ty fagneke vaovao. Zay le fagneke tsy bak'amy ty soratse te ahy ty Fagnahy. Te ty soratse mamono. vaho ty Fagnahy magnome fiae ⁷ Vaho ty asa ze niterake fahafatesa le voasoratse teo ambone ty vato - le avy tamy ty voninahitse bey le vahoagn'Israely le tsy afake nagnete ty vata ndre Mosesy. Zay le noho ty hasy ty vatane, ty asy ze nirava. ⁸ ho asy bey manahake ty manao akore ty asa ze atao ty Fagnahy? ⁹ Te laha nana asy ty asa ty fagnameloha, le hanahake ty manao akore ty fitomboa ty hsay ty asa ty fahamarigna! ¹⁰ Satria, ze nomea asy ndraeke mandeha le tsy hanan-kase sase amy zay fomba zay, noho ty asy ze mampitombo zay. ¹¹ Te laha ze nandalo avao ro nana asy, le tsy hana asy mihoatse noho zay vao ze maharitse! ¹² Satria mana toke manahake zay tika, le mahasake vatane. ¹³ Tika le tsy manahake ahy ndre Mosesy, ze nanaro ty vatane tamy ty voale, tsy hahafaha ty vahoagn'Israely magnete aze mivanta amy ty fiafara ty asy ze nandalo avao. ¹⁴ Te tysay iareo le fempe. Na zisike henanezao zay voale zay le mboe mijano eo amy ty famakia ty fagneke taloha. tsy misokatse zay satria ao amy ndre Kristy avao zay ro afaha. ¹⁵ Feie na henane zao na ombia na ombia ro vaky ty lalà ndre Mosesy, le le manaro ty arofo iareo ty voale. ¹⁶ Feie laha mitolike amy ty Tompo ty ndaty, le afaha ty voale. ¹⁷ Vaho ty Tompo le Fagnahy. Ze misy ty Fagnahy ty Tompo, le misy fahafaha. ¹⁸ Vaho tika iaby, tsy mifognom-boale, le mahisake ty hasy ty Tompo. Tika le fa vaovao ho ao amy ty voninahitse ho amy ty voninahitse, ze bak'amy ty Tompo, ze tsy ia te ty Tompo, ze tsy ia te ty fagnahy.