¹ Te nanapa-kevitse ty tsy amonje anareo ndraeke ty vatako amy ty fotoam-pangirifiria. ² Laha niterake alahelo anareo raho, ia ro afake mampifale ahike ankoatse iaze raeke ze niratsaiko avao? ³ Nanoratse raho manahake ty nataoko soa tsy ho voaratra reo ze tokone nampifale ahike lafa avy tagne aminareo. Raho le mana fahatokia ty aminareo iaby te ty fifaleako le fifalea mitove amy ty anareo iaby. ⁴ Te nanoratse ho anareo raho bak'amy ty fahoria bey, miarake amy ty fangirifiria ty fo, vaho miarake amy ty ranomaso bey. Tsy te ampalahelo anareo raho. Te kea, te hampahafantase anareo ty alaly ty fitiava ze anagnako ho anareo. ⁵ laha nisy ndaty niterake alahelo, tsy niterake zay tamiko avao reke, te amy ty tareha hafa__Tsy hagnitara loatse zay__aminareo iaby. ⁶ Ampe ty fagnasazia natao ty maro agn'isake io ndaty io. ⁷ Le henane zao laha tokone ho fagnasazia, nareo le tokone hamela heloke na hampionogne aze. Ataovo zay soa tsy handeteke aze amy ty alahelo be loatse. ⁸ Noho zay mankahere anareo raho soa hagnamafe ampahibe-maso ty fitiavanareo Aze. ⁹ Zay ro antone nanoratako, amy zay soa mete hitsapako anareo vaho ahaizako na magnina amy ty zaka-iaby nareo. ¹⁰ laha mamelo ndaty nareo, mamela zay ndaty zay kea raho. Ze napoko__laha napipoke ty zaka iaby raho__zay famela zay le fitiava anareo amy ty fagnatreha ndre Kristy. ¹¹ Zay le soa tsy hamitaha ty Satana anay. Satria zahay le mahay reo drafine. ¹² Kisokatse ho ahike ty varavara tamy ty tompo lafa avy tao amy ty tanàm-bey ahy ndre Troasy nitore ty filazantsara ahy ndre Kristy tagne. ¹³ na zay kea, tsy nana fiadagnan-tsay raho, satria tsy nahisake ty rahalahiko Titisy tagne. Arake zay, nagnenga iareo raho vaho nandeha nimpole tagne makedonia. ¹⁴ Te fisoara vatane ho ahy ty Andragnahare ze ao amy ndre Kristy mitarike anay san'andro ao amy ty fandresea. Amy ty alalantika le haele na aia na aia ty hagnitse mamy ty fahalala aze. ¹⁵ Te zahay le hagnitse mamy ndre Kristy ahy Andragnahare, na teo amy reo ze novonje naho teo amy reo ze ho mate. ¹⁶ Ho ahy ty ndaty ze ho mate, zay le hagnitse bak'amy ty fahafatesa ho amy ty fahafatesa. Ho ahy reo ilane ze nivonjea, le hagnitse bak'amy ty fiaigna ao amy ty fiaigna. Ia ro maeva amy reo raraha reo? ¹⁷ Te zahay le tsy mitove amy reo ndaty maro ze mivarotse ty tsara ty Andragnahare soa ahazoa vokane. Te kea, amy ty fahadiovam-po, ro hirehafanay amy ndre Kristy, satria naleda bak'amy ty Andragnahare zahay, tao amy ty fahisaha ty Andragnahare.