¹ Ao reo iaby ze ao ambane ty zoga hoe reo ndevo mba hanao ty tompone ho soa ty haja iaby. Iereo le tokone hanao zay mba tsy hirehafa raty ty agnaran'Agnahare vaho ty fampianara. ² Reo ndevo ze mana tompo mino le tsy tokone hanao tsinontsino iereo satria mpirahalahy amine. Fa kea, kea iereo tokone hanompo reo zisikagne agne. Fa reo tompo ze nampea tamity asa iereo le mpino vaho teave. Ampianaro naho ambarao reo zaka reo. ³ Dineho fa ty ndaty le mampianatre amity fomba hafa naho tsy magnenke ty fagnoroantika ara-pinoa, te, tsara Jesosy Kirisity Tompontika. Dineho fa iereo le tsy magnenke ty fampianara ze manday agne amity toera arake an'Agnahare. ⁴ Ze ndaty zay le mirehareha naho tsy mahay ndra ino ino. Fa kea, re le gege reo ale hevetre vaho reo fandresean-dahatre miomba reo tsara. Rey tsara rey le miterake fialogna, fametaveta, dineke raty, ⁵ naho ty fifandofora eo amireo ndaty maloto say. Miala amity mare iereo. Midineke re fa ty toera arake an'Agnahare ro fomba ahavia ho mpanan-karea.[Fagnamarea: Ty fandika taloha ilane le magnampe ty hoe:"Miala amity zaka hoe zay." Fa ty fandika taloha soa vatane le tsy magnampe zay.] ⁶ Naho ty toera arake an'Agnahare miarake amity fahafaham-po le tombone bey. ⁷ Satria tika le tsy nanday ndra ino ino amizao iaby zao. Tsy hahavita handay ndra ino ino tika. Fa kea, ao tika ho afa-po amity hane vaho ty siky. ⁹ Naho reo ze te ho lasa mpanan-karea le poke ao agnate ty fankam-pagnahy, ao agnate ty fandrike. Poke tao agnate ty hagegea vaho reo paia mampidi-doza maro iereo, naho kea reo hafa soa reo ndaty ao amity harava vaho ty famoteha. ¹⁰ Satria foto reo karazan-draty iaby ty hateam-bola. Ty ndaty ilane ze magniry zay le fa voavily niala tamity finoa naho nitomboke ty vata iereo tamity fijaleam-bey. ¹¹ Fa riha, ry lahilahin'Agnahare, milaisa reo zaka reo. Miezaha mipay ty hamarea, ty toera arake an'Agnahare, ty fatokisa, ty hatea, ty fahareta naho ty hasoam-pagnahy. ¹² Mialia ty aly soa ty finoa. Tano ty fiaigna zisikagne fa ho amizay ro nikaiha anao. Zay le miomba ty nitsangananao vavolombelo ty amize inoenao teo agnoloa reo vavolombelo maro tamize soa. ¹³ Zaho le magnomea anao ze lily zay eto agnoloan'Agnahare, ty nahavy ty zaka iaby ho velo, naho eo agnoloa Kirisity Jesosy, ty nitalily ty mare teo agnoloa Pontio Pilato: ¹⁴ Tano soa ty lily, tsy manan-tsiny, mandram-pisehoa ty Tompontika Jesosy Kirisity. ¹⁵ Zagnahare le manoro ty fisehoane amity andro tokone ho ie_Zagnahare, ty raike ze nitahie, ty here arere, ty Mpanjaka te manjaka, naho Ty Tompo ty mandily. ¹⁶ Re arere avao ro mana ty tsy fifateza naho mitoboke eo amity hazava tsy azo hatogne. Tsy misy ndaty mahita aze ndra afake magnente Aze. Ho Aze anie ty hasy vaho ty here zisikagne. Amena. ¹⁷ Rehafo ty mpanam-bola amizao iaby zao mba tsy hirehareha, vaho magnategna ty harea, te tsy azo antoke. Fa kea, tokone hagnategna an'Agnahare iereo. Magnomea antika ty harea mare iaby Re mba hifaleantika. ¹⁸ Rehafo iereo mba hanao ty soa, mba hanan-karea amity asa soa, mba hatarike, naho vogno hitalily. ¹⁹ Amize fomba zay, le hahaja iereo ty fotora soa hoahy ty vatane amize hoavy, ka hitanane ty vatane havelo. ²⁰ Ry Timoty, arovo ze natolotre anao. Ialao ty rehake gege vaho ty zaka mifandietre miomba ty fikaiha diso ty amize atao ty hoe fahaia. ²¹ Ty ndaty ilane le magnambara ze zaka zay ke le tsy nahatiaro ty finoane iereo. Ho aminareo anie ty hasoava.