¹ Paoly, apositoly Kirisity Jesosy arake ty lilin'Agnahare mpamonje antika vaho Kirisity Jesosy tokintika, 2hoahy Timoty, anadahy mare ao amity finoa: Hasoava, fandefera, naho fiadagna bakaminagnahare Rae vaho Kirisity Jesosy Tompontika. ³ Arake ty nangataheko mafe hataonao laha fa niala tao Makedona raho, mitoboha ao Efesosy mba hahafahanao mibaiko reo ndaty ilane tsy hampianatre foto-pianara hafa ⁴ tsy tokone hiambe reo tantara vaho tetiara tsy misy fiafarane iereo. Reo le niterake alihevetre fa tsy magnampe ty asan'Afgnahare, zay amity alala ty finoa. ⁵ Naho ty tanjo ty lili folo le hatea bakamity arofo malio, bakamity feo ty fandineha soa, naho bakamity finoa tsy mihatsaravelatsihy. ⁶ Ty ndaty ilane le tsy nahatratre ty dinene naho niala tamireo zaka reo hoagne amity laha-drehake gegegege. ⁷ Iereo le te ho mpampiana-dily, kanefa iereo tsy mahazo ze rehafene vaho zizo iereo. ⁸ Fa tika le mahay fa ty lily le soa laha misy raike mampiasa aze amity ara-dily. ⁹ Tika le mahay zay, fa ty lily le tsy natao hoahy ty ndaty mare, fa hoahy ty mpandika lily vaho ndaty mpanvande, hoahy reo raty fagnahy vaho mpanota, naho hoahy reo zagnaharen-diso vaho tsy masy. Zay le natao hoahy reo ze mamono ty raene vaho ty renene, hoahy reo mpamono ndaty, ¹⁰ hoahy reo raty etam-bata ara-nofo, hoahy reo sodomita, hoahy reo mpan-drava ndaty mba ho andevoze, hoahy reo mpavande, hoahy reo vavolombelo diso, naho ndra ino ino hafa mandietre ty fagnanara matoky. ¹¹ O fagnanara ao le mifagnarake amity zaka soa ty hasin'Agnahare voatahy ze nankine tamiko. ¹² Isaorako Kirisity Jesosy Tompontika. Nagnamafe ahy Re, fa nataone matoky raho, naho nanendre ahy ho amity fanompoa Re. ¹³ Raho le mpireha-draty, mpaneseke, naho lahilahy marehareha. Kanefa nahazo fandefera raho tamity tsy fahaia ro nanovako zay naho ty tsy finoa. ¹⁴ Fa ty hasoava Tompontika ro nanaro tamity finoa vaho hatea te ao amy Kirisity Jesosy. ¹⁵ Ze talily zao le azo antoke vaho soa ty fagnenkea iaby, fa Kirisity Jesosy le niavy teto antane hamonje reo mpanota. Zaho ro raty vatane tamireo. ¹⁶ Fa laha ze antone zao ro nandefera tamiko, mba amity alalako, ty bey vatane Kirisity Jesosy le mete hanoro ty fahareta iaby. Nanao zay Re ho ohatre hoahy reo ze magniry hatoky Aze hoahy ty havelo zisikefarane. ¹⁷ Naho hoahy ty mpanjaka ty tao, tsy mete mate, tsy hita maso, ty Zagnahare arere, anie ty Laza vaho ty hasy zisikagne doria. Amena. Ze lily zao ro ameako anao, Timoty, anako, arake reo famisavisa natao miomba anao tagne aloha, fa riha le mete hialy ty aly soa, ¹⁹ ty fitana ty finoa vaho ty fandineha soa. Tamity fandiera zay, misy ty nanao sambo vaky ty finoane. ²⁰ Manahake Hymeneo vaho Aleksandro, te nanolotre hoahy ty Satana mba hanoroa iereo tsy hireha-draty.