¹ Noho ijany, ry rahalahy masina, nijara ny antson'ny lagnitra anareo. Saino ny momban'i Jesôsy, ny apôstôly sy ny mpisorogna be ijay ekentsena. ² Ijy die natoky an'Andriamanitra ijay nanendry an'aje, hôtran'i Mosesy ijay natoky tao an-dragnon'Andriamanitra mandy koa. ³ Fa jesôsy die efa niresina mendrika ny voninahitra lehibe nohon'i Mosesy, satria ijay mambôtra ny tragno no manan-kaja bebe kokoa nohon'ilay tragno. ⁴ Fa ny tragno rehetra die nisy olo nambôtre, fa ny raike ijay nambôtre ny raha rehetra die Andriamanitra. ⁵ Amin'ny lafiny raike, Mosesy die natokisana hôtran'ny mpanompo tao an-dragnon'Andriamanitra iray manontolo. Ijy no vavolombelogna momba an'ireo raha ijay tokony efa nilajaina amin'ny ho avy. ⁶ Fa Kristy no Janaka mendrekitra ny tragnon-Andriamanitra. Atsena no tragnony laha ohatra ka mitagna mafy ny herim-po sy ny fahatokisan-tsena atsena. ⁷ Noho ijane, ijany die hôtran'ny lajain'ny Fagnahy masina hoe: " Niany, laha maharegny ny feony anareo ⁸ die aja magnamafy ny fonareo hôtran'ny amin'ny fikomena, amin'ny fotôgnan'ny fitsapana agny agn'efitra. ⁹ Toy ijany ny rajambenareo laha efa nikomy tamin'ny alalan'ny fitsapana an'Ahe, ary laha efa, nandritry ny efa-polo taogna, die hitan-dreo ny asako. ¹⁰ Noho ijany die tsy faly Aho amin'io taranaka io. ¹¹ Hoy aho hoe: 'Ija ireo die vôtarika mandrakariva agny amin'ny lalan-diso ao am-pone. Tsy nahafantatra ny lalako areo. Tahak'ijany no niaignako tamin'ny nivignirako hoe: "Tsy hiditra ao amin'ny fivilako velively areo."' ¹² Mitandrema, ry rahalahy, ba tsy hisy ndre raika aminareo aja no hanagna fo ratsin'ny tsy finôna, fo ijay miala amin'Andriamanitra velogna. ¹³ Fa koja, mifampahereja isan'andro, laha bola misy ny angihina hoe: " Niany", ba tsy hisy aminareo ho mahery fo amin'ny alalan'ny fitaky ny fahotana. ¹⁴ Fa atsena die lasa mpiara-miasa amin'i Kristy laha ohatra ka mitagna mafy ny fahatokisantsena an'Ajy hatramin'ny vôlohany ka hatramin'ny fiafarane. ¹⁵ Fa ny momba ijany die efa vôlaja hoe: " Niany, laha maharegne ny feony anareo, die aja magnamafy ny fonareo, hôtra ny amin'ny fikomena." ¹⁶ Ija ijy ijay efa naharegne an'Andriamanitra ka nikome? Fa tsy ireo abiaby ijay nivôka avy tagny Egypta tamin'ny alalan'i Mosesy ve ijane? ¹⁷ Ija no nahavignitra an'aje nandritray ny efa-polo taogna? Tsy ireo ijay nanota vé, ijay lavo tagny agn'efitra ny fatin-dreo? ¹⁸ Hôn'ija no nianiagnany fa tsy hiditra ao amin'ny fitsaharan-dreo, laha tsy ho an'ireo ijay tsy nankatò an'Ajy? ¹⁹ Hitantsena fa tsy afaka niditra tao amin'ny fitsaharany areo nohon'ny tsy finôna.