¹ Ijay hatramin'ny fiandohana- ijay efa regninay, ijay efa hitanay tamin'ireo masonay, ijay efa nojerenay, ary ijay efa nokasihan'ny tagnanay- ijany die momba ny Tenin'ny fiaignana. ² Hôtran'ijany mandy koa, ny fiaignana die nampahafantarina, ary efa hitanay ijany, ka mitsangagna vavolombelogna amin'ijany ahay . Ahay die magnambara aminareo ny fiaignana mandrakijay, ijay tao amin'ny Ray, ary ijay nampahafantarina anay ³ Ijay efa hitanay sy regninay die atoronay aminareo mandy koa, mba hanagnanareo fifandraisana aminay mandy koa. Ny fifandraisana misy eo aminay die amin'ny Ray sy amin'ny Janagny, Jesôsy Kristy. ⁴ Hôtran'ijany mandy koa, manoratre ireo raha ireo ho anareo ahay mba ho tanterake ny fifaliantsena. [Fagnamarihana: Ireo dikan-teny taloha saragne die mivaky hôtran'ijao:" Ary manoratre ireo raha ireo ahay mba ho tanterake ny fifalianareo.''] ⁵ tamin'Aje ka atoronay anareo: Andriamanitra die fahajavana, ary ao amin'Ajy die tsy misy menjigna mihintsy. ⁶ Laha milaja antsena fa managna fifandraisana amin'Aje ary mandeha ao anatin'ny menjigna, die mivandy antsena ary tsy magnano ny marina. ⁷ Kanefa laha mandeha ao amin'ny fahajavana antsena hôtran'Aje ao amin'ny fahajavana, die managna fifandraisana amin'ny kiraidraike aby antsena, ary ny ràn'ny Jesosy Janagne no manadio antsena amin'ny fahotana abiaby. ⁸ Laha milaja antsena fa tsy manam-pahotana, die mamitake ny tegnantsena antsena, ary ny fahamarinana die tsy ao amintsena. ⁹ Nefa laha magneke ireo fahotantsena antsena, Ijy die mahatoky sy marina amin'ny famelana ireo fahotantsena ary magnadio antsena amin'ny tsy fahamarinana abiaby. ¹⁰ Laha milaja antsena fa tsy mbola nagnota, die magnano an'Aje ho mpivandy, ary tsy ao amintsena ny jakany.