¹ E ry Galatiana Mola! Ia gne namosavy anareo? Tamasonareo mitsy gne nagnaboahagny an'i Jesosy Kristy voafantsiky. ² Iao avao gne raha tiako ianaragny aminareo: Nandray gne Fagnahy tamign'asan'e lalàgny sa tamin'e finoagny izay regninareo anareo? ³ Mola tokôtry me anareo? Niatomboky tamin'e Fagnahy anareo, da hiafaragny amin'e nofo amin'izao? ⁴ Fa raha tena zava-pôgny tokôtry ary izany, da efa niaritry raha maro tamin'e tsy misy dikany anareo? ⁵ izy gne magnome gne fagnà anareo sady magnano asa mahagaga aminareo me da magnano izany amign'asan'e lalàgny, sa amin'e fitenomagny amin'e finoagny? ⁶ Ako i Abrahama "nino an'Andriamanitry sady nisaigny ho fahamarinagny izany," ⁷ da akô izany, fantaro, fa indreo izay amin'e finoagny da zanak'i Abrahama. ⁸ Gne Soratry Masigny, nahita mialoha fa Andriamanitry hagnamarigny indreo Jentilisa amin'e finoagny, da nitory gne filazantsara mialoha tamin'i Abrahama, nizaka hoe: "Avy aminao gne hitahiagny gne firenegny rehetra." ⁹ Koa, indreo izay amin'e finoagny da voatahy miaraky amin'i Abrahama, izay olon'e finoagny. ¹⁰ Indreo izay miankigny amign'asan'e lalagny da ambanin'e ozogny; fa voasoratry hoe: "Voaozogny izay rehetry tsy magneky gne raha rehetra voasoratry agnatin'e bokin'e lalàgny, sady magnano anizany." ¹¹ Amin'izao fotoagny zao da mazava fa tsy misy olo izay hamarinigny agnatrehan'Andrimanitry amign'alalan'e lalàgny, satria gne marina da ho velogny amin'e finoagny. ¹² Fa gne lalàgny da tsy araky gne finoagny, f'izy, "Gne olo izay magnano gne asan'e lalàgny da tsy maintsy velogny amin'io." ¹³ Kristy nagnavotry antsika tamin'e ozon'e lalàgny tamin'e nahatongavany ho ozogny ho antsika___fa voasoratry hoe: "Voaozogny agnaby izay mihantogny amin'e hazo"_ ¹⁴ mba ho avy amin'e Jentilisa gne fitahian'Abrahama ao amin'i Kristy Jesosy, mba ho amin'e finoagny gne ahazoantsika izay fampagnantenan'e Fanahy. ¹⁵ E rahalà, avelay iao hizaka araky gne fanin'olo. Ao amin'e fifagnarahagny ataon'e olo, tsy misy afaky magnafoagny na magnampy izay ao, refa tafapetraky gne lalàgny izany. ¹⁶ Sady gne fampagnantenagny da nizakainy tamin'i Abrahama izy amin'e taranakiny. Tsy mizaka izany hoe: "ho an'e taranaky," manondro olo maro, f'izy olo raiky avao," "ho an'e taranakinao," da i Kristy. ¹⁷ Da izao gne tiako ho zakaigny: "Gne lalàgny, izay avy telo-polo sy efa-jato taogny tafara taty, da tsy hahafoagny gne fagnekegny izay efa napetrak'Andriamanitry mialoha. ¹⁸ Fa raha avy amin'e lalàgny gne lova, da tsy avy amin'e fampagnantenagny koa izany. Fa Andriamanitry nagnome izany an'i Abrahama tamign'alalan'e fampagnantenagny. ¹⁹ Ino, zany, gne tanjon'e lalàgny? Nasiagny izany noho gne fandikan-dalàgny, mandra-piavian'e taranak'i Abrahama eo amin'izay nanaovagny gne fampagnantenagny. Gne lalàgny da nanin'e mpagnalalagny raiky ho manan-kery tamign'alalany gnanjely. ²⁰ Gne mpagnalalagny da midika olo mihoatry gne raiky, kanefa Andriamanitra da raiky. ²¹ Gne lalàgny me gne manohitry gne fampagnantenan'Andriamanitry? Sagnatrian'izany! Fa raha nisy lalàgny nomegny izay afaky magnome fiainagny, da avy tamin'e lalàgny tokôtry gne fahamarinagny. ²² Fa gne Soratry Masigny nagnagadra gne raha agnaby ambanin'e fahotagny. Nagnano izany Andriamanitry mba hagnomezagny ho andreo mino gne fampagnantenagny gne hagnavotagny antsika amign'alalan'e finoagny an'i Jesosy Kristy. ²³ Talohan'ny gne nahatongavan'e finoagny, antsika da nitazomigny ho babo tambanin'e lalàgny, nigadraigny mandra-pisehoan'gne finoagny. ²⁴ Avy eo gne lalàgny da lasa mpiambigny antsika nandra-piavian'i Kristy, mba ho voamarigny amin'e finoagny antsika. ²⁵ Fa iao da avy izany finoagny izany, ka tsy eo ambanin'e mpiambigny mitsy antsika. ²⁶ Fa anareo agnaby da zanak'Andriamanitra ao amin'e finoagny an'i Kristy Jesosy. ²⁷ Fa maro aminareo izay nanigny batisa tao amin'i Kristy, gne nandray an'i Kristy. ²⁸ Sady tsy misy mitsy gne Jiosy na Grika, gne andevo na olon'afaky, gne lelà na gne viavy, fa raiky avao anareo ao amin'i Kristy. ²⁹ Ka raha an'i Kristy anareo, da taranak'i Abrahama, sady mpandova araky gne fampanantenagny anareo.