¹ Ry Yaveh Andranagnahariko,mialoky ao Aminao zaho!Alao amin'ireo zay magnejiky gnahy zaho,ka lombao. ² Lafa tsy zay,hopotepotehin-drozy manahaky gny liona zah,riadriatiny tsy misy olo afaky handay fiaro ho gnahy. ³ Ry Yaveh Andrianagnahiko, tsy mbo nagnano zay nosafagnin'ireo fahavaloko ho nasako mihintsy zaho;tsy misy tsy fahamarigna eo ami-gny tagnako. ⁴ tsy mbo nagnano raty tamin'ia na tamin'ia zay soa golongoa tamiko zaho,na nagnisy raty zay nognola gnahy ami-gny tsy misy fotony. ⁵ Laha tsy mivola gny to zaho la ao gny fahavaloko hagnejiky gny aiko ka la hanambotsy gnazy;aoky i hagnitsaky gny vatako mbo velo ami-gny tany ka hampandry gny vininahiko ami-gny lemboky.Sela ⁶ Mitsangan, ry Yaveh, ami-gny fihelofanao;mitsangana magnatriky gny fihelofan'ireo rafiko;mifohava hagnampy gnahy voho hagnatanteraky gny lily to zay fa nandidianao an-drozy. ⁷ Mivory mognodidy anao reo firena; alao ndraiky gny toeranao mariny amin-drozy. ⁸ Ry Yaveh, tsarao reo ferenena; tovy zaho,ry yaveh, fotony to voho tsy manan-tsiny zaho,ry Agnambo mare. ⁹ Aoky ho tampitsy gny asa ratin'ny trty fagnahy.Fa engaho reo olon-to,ry Andrianagnahary mariny,zay mametsivetsy gny fo voho gny eritseritsy. ¹⁰ Baka amin'Andrianagnahary gny ampingako, zay toka nandomba gny mahity am-po. ¹¹ Mpitsara mariny Andrianagnahary,la Andrianagnahary meloky isan'andro. ¹² Laha tsy mibebaky gnolo raiky, handragnitsy gny mesany Andrianagnahary sady hagnoma gny kititsiny ho ami'ny gny aly. ¹³ Magnoma gny fampiasa reo fitaovam-pialia hanohera azy Ie; atoany mirearea reo anakititsiny voasafosafo. ¹⁴ Vetsevetseo gny mikasik'izay bevoka'ny haratia,zay magnoma tetiky handrava,zay miteraky vandy hampitsy loza. ¹⁵ Mandavaky vovo ie sady magnabevata azy voho latsaky agnatin'ny lavaky zay nasany ie. ¹⁶ Mimpoly ao an-dohany reo fagniria manimba ,fotony gny herilohany la mivezivezy ao an-dohany ao avao. ¹⁷ Hisaotsy gnan'i Yaveh nohony gny fahamarignany zaho;Hiantsa fandrengea ho gnan'i Yaveh Agnambo mare zaho.