¹ Ry Yaveh,ka masiaky gnahy ami-gny fahasiahanao na mgnasazy gnahy ami-gny fihelifanao. ² Mamindra fo amiko, ry Yaveh,fa osa zaho;sitragno zaho,ry Yaveh,fa mangitikitiky reo taolako. ³ Vatany malahelo avao koa gny fagnahiko.Nefa Iha, ry yaveh la traky ombia gny hitohizany? ⁴ Mimpolia, Yaveh! Lombao zaho.Lombao nohon'ny famonjeanao mahatoky zaho! ⁵ Fa tsy misy fahatiarova Gnanao gny an-dolo any.Ia ro hisaotry Anao an-dolo agny. ⁶ Vozaky gny mifoay zaho.Kontsa-dranomaso gny fandreako isaky mantognaly;manasa gny fandreako amin'ny ranomasoko zaho. ⁷ Lanin'alahelo gny masoko;lasa tsy manan-kery rozy noho reo fahavaloko iaby. ⁸ Misitaha amiko,nareo mpanao raty iaby;fa Yaveh fa nija gny feon'ny fitagniako. ⁹ Fa nija gny kaikiko ho famindrampo i Yaveh;fa nandramby gny fivavahako i Yaveh. ¹⁰ Ho megnatsy voho hikorontaky tanteraky gny fahavaloko iaby. Hitoliky rozy ka ho ambany tampoky.