¹ Mamaloza fo agnamiko, Ndranagnahary o, mamaloza fo agnamiko, fa hialoky agnaminao ao zaho zisiky ahatampitsy gnany zao fijalea zao. ² Hikiaky mare gnan-Dranagnahary gnagnabo mare zaho, ho gnan-Dranagnahary, ze manao gny raha iaby ho gn'ahy. ³ Handefa fagnampia baka an-dagnitsy agny Ie ndraiky handomba gn'ahy, masiaky ami-gny ze mamango gn'ahy Ie. Sela Ndranagnahary handefa gny hasoam-pagnahiny ndraiky gny fahatokiany agnamiko. ⁴ Eo agnaminy reo liona gn'aiko; ami-gny reo ze vonona handrapaky gn'ahy zaho. Agnaminy reo olo mana hy manahaky gny lefo ndraiky gnana-tsipiky ndraiky ze mana lela manahaky gny meso be maragnitsy zaho. Misondrota, Ndranagnahary o, agnabony gny lagnitsy; Ao ho agnabony gny tany iaby gny voninahitsao. ⁶ Mamelatsy harato ho gnany gny tomboko rozy; mijaly zaho. Nagnaly lavaky tagnatrehako rozy. Gny vatan-drozy avao ro nitonta tagnivony zay! Fihatogna voho fandrengea. ⁷ Tafapetraky gny foko, Ndranagnahary o, tafapetraky gny foko, ihira zaho, eka ihira fandrengea zaho. ⁸ Mifohava, ry foko nameam-boninahitsy; mifohava, ry valiha ndraiky lokanga; hofohaziko mazava antignana. ⁹ Hamea fisaora ho gn'Anao zaho, Tompo o, ami-gn'olo maro; ihira fandrengea ho gn'Anao zaho agnaminy reo firenena. ¹⁰ Fa bavata gny hateanao tsy mety rava, manakatsy lagnitsy; ndraiky gny fahatokianao manakatsy gny rahona. ¹¹ Misondrota Ndranagnahary o, agnabony gny lagnitsy; gny hasoanao lonoky ho asondrotsy manera gny tany iabiaby.