¹ Mamaloza fo amiko. Ndranagnahary o, noho gny famalozamponao; noho gny amin-gny hamaroany gny fiantranao, la vono gny hadala nataoko. ² Sasao an-tsakany ndraiky an-davany zaho mba ho afaky heloky ndraiky liovo zaho ho afa-pahota. ³ Fa haiko gny heloko, ndraiky mandrakariva gny fahotako. ⁴ Tagnaminao, ndraiky tagnaminao raiky avao, ro fa nagnatako ndraiky nahavitako raha raty tamasonao; fa mahity iha laha misafa, ndraiky to laha mitsara. ⁵ Ingo, teraky tamin-gny heloky zaho; laha mbo nitinorotoronan-dreniko zaho, lafa tamin-gny fahota. ⁶ Ingo, magniry fagnevam-patokisa am-poko ato ro hampaizinao gn'ahy fahendrea. ⁷ Liovo amin-gny hysopa zaho, la halio; sasao zaho, la ho faty mandilatsy gny anam-panala. ⁸ Ampaharezo fisa ndraiky hafalia zaho mba ahafaky gny taoloko nitinapakao hifaly. ⁹ Aetaho amin-gny reo atako gny tarehinareo ka fafao gny havoako iaby. ¹⁰ Amorogno fo malio zaho. Ndranagnahary o, ndraiky havaozo ho fagnahy to gnagnatiko ato. ¹¹ Ka alavitsy amin-gny fagnatrehanao zaho, ndraiky ka ala agnamiko gny Fagnahinao masy. ¹² Ampalio agnamiko gny hafalia amin-gny fandombanao, ndraiky tohagno amin-gny fagnahy mazoto zaho. ¹³ La hampianatsy gny reo mpandika lalagna gny lilinao zaho, ka la hiova fo gny reo mpanota. ¹⁴ Magnenga gn'ahy noho gny fandatsaha lio, ry Ndranagnaharitsy la hikiaky gny hafaliany gny hatonao zaho. ¹⁵ Tompo o, safagno gny sogniko, la hanoro regny ho gnanao gny vavako. ¹⁶ Fa tsy mankato soro Iha, na zaho hagnomea gnany zay; tsy mana fahafinareta amin-gny fagnatitsy oroa Iha. ¹⁷ Reo soron-Dranagnahary la fagnahy torotoro Iha, Ndranagnahary o, la sty hanao tsinotsino gny fo torotoro ndraiky mivoraboraky. ¹⁸ Manova soa amin-gny fankatoavanao gnan'i Ziona; Amboaro ndraiky gny mandan'i Jerosalema. ¹⁹ La hankato gny reo sorom-kato, ami-gny fanday horoa ndraiky gny reo fanday horoa iabiaby Iha; ka la hagnomea aombilahy ami-gny alitarany gny vahoakanay eo.