¹ Ho an'ny mpipaiky hira. Salamo nataon'ireo anaky lahin'i Kora. Maskila. Renay tamin'ny sofinay, Ndranagnahary o, Nisafagnin-drozy razanay taminay gny asa nataonao tamin'ny andron-drozy, tamin'ny andro taloha. ² Noroahinao tamin'ny tagnanao reo firenena, fa nampipetrarinao gny vahoakanay; Nampijaly reo olo Iha, fa naelinao tany amin'ny tany gny vahoakanay. ³ Fa tsy azon-drozy mba ho fanagnany tamin'ny alalan'ny saban-drozy avao gny tany, na gny sandrin-drozy manoka sady tsy nahavonjy gnazy reo; nefa gny tagnan-kavananao, gny sandrinao, voho gny fahazavan'ny vatanao, fotony soa tamin-drozy Iha. ⁴ Ry Ndranagnahary, Iha ro mpanjakako; lilio gny fandresea ho gnan'i Jakoba. ⁵ Amin'ny alalanao ro hanindrianay reo mpialy agnaminay; amin'ny alalan'ny agnaranao rahay ro hanosihosy gnazy reo, reo zay mimitsanga hanohitsy gnanay. ⁶ Fa tsy hitoky amin'ny tsipikako zaho, na gny sabatro hagnavota gnahy. ⁷ Fa nagnavotsy gnanay tamin'ireo mpialy agnaminay Iha, sady nampahamegnatsy reo nalay gnanay. ⁸ Ao amin-Dranagnahaty ro nagnaovanay gny fireharehanay amin'ny andro lava iaby, sady hanolotsy fisaora ho an'ny Agnaranao zisiky farany rahay. Sela ⁹ Fa henanizao fa nagnary gnanay Iha ka nanday gnanay tamin'ny fahafam-baraka, sady tsy niboaky nisondry tamin'ny tafikay Iha. ¹⁰ Nampihemotsy gnanay tamin'ireo mpialy Iha; voho reo zay malay gnanay naday gny hanagna ho an-drozy. ¹¹ Nataonao manahaky gny ondry voalahatsy ho fisakafo rahay noho naelinao teo amin'ireo firenena. ¹² Mamarotsy gny vahoakanao amin'ny tsy antony Iha; tsy nampitombo gny hanagna Iha tamin'ny fanaova izay. Manao gnanay ho ho fivolagna mare ho an'ireo namanay Iha, naneso vo nisangisangy gnanay tamin'ireo magnodidy gnanay. ¹⁴ Manao gnanay ho faniratsira eo amin'ireo firenena Iha, ho loham-pangovita eo amin'ireo olo. ¹⁵ Magnoloa gnahy andro lava iaby gny fahafam-baraka, sady hegnatsy gny vatako ro mandrakotsy gnahy ¹⁶ noho gny feony zay misafa mare vo maniratsira gnahy, noho gny fahavalo vo gny mpamaly faty. ¹⁷ Avy agnaminay iaby zay iaby zay; nefa Iha tsy alignonay na tsy nankato gny fagnenkem-pilongoanao. ¹⁸ Tsy nimpoly lala gny fonay; tsy niala tamin'ny lalanao gny lianay. ¹⁹ Nefa nanapaky mare gnanay teo amin'ny toeran'ny amboadia Iha sady nandrakotsy gnanay tamin'ny aloky gny fahafatesa. ²⁰ Laha nagnaligno gny Agnaran-Dranagnahary rahay na mamalatsy gny tagnanay tamin-Dranagnahary hafa, ²¹ moa tsy hila zay va Ndranagnahary? Fa mahay gny tsiambaratelon'ny fo Ie. ²² Eka tokoa. noho gny Agnaminao ro hamonoa gnanay amin'ny gny ondry ho amin'ny famonoa rahay ²³ Mifohaza, nagnino ro marorororo iha, Tompo o? Mitsangana, ka magnary maharitsy gnanay. ²⁴ Nagnino ro la magnetaky gny vatanao Iha sady magnaligno gny fijaleanay vo gny fampijalea gnanay? ²⁵ Fa milentiky agnaty vovoky rahay reto vatanay mipitiky amin'ny tany. ²⁶ Mitsanagana ho famanjena sady magnavota gnanay noho gny amin'ny fagnekenao mahatoky.