¹ Sady laha nandeha tagny Jerosalema rozy , la nagnariniky gnan'i Betifaga voho Betania, agny an-tendrombohitsy Oliva, voho Jesosy nagniraky roe tamin'ireo mpianany ² sady nilaza tamin-drozy hoe:" Mandeha amin'ny roy vohitsy kely magnatriky gnantsika roy. Laha vao tafilitsy ao nareo , la hahita ana-boriky raiky mbo tsy nondranan'olo. VaVahao ie la andeso eto amiko. ³ Laha misy olo mivola aminareo hoe:" Nagnino nareo ro manao gnan'io? la atovy hoe:" Misy ilan'ny Tomp gnazy la hampoly malaky atoy ie." ⁴ Nandeha niboaky rozy la nahajery ana-boriky raiky nifehy teo ivelan'ny tragno agnilan'ny varavagna raiky eo amoron-dala, sady nivohan-drozy gny fatorany. ⁵ Nisy olo sasany nijoro teo sady niresaky tamin-drozy hoe:" Ino toy ataonareo , mamaha io ana-boriky io?" ⁶ La niresahiny gnan-drozy gny safan'i Jesosy tamin-drozy , sady nengan'ny olo handeha amin'ny lalany rozy. ⁷ Sady nandesin'ireo mpianatsa roe lahy teo amin'i Jesosy gny ana-boriky la nataony teo agnabon'io gny sikin-drozy ka afaky nondra gnazy Jesosy. ⁸ Maro gny olo namelatsy gny sikiny tegny an-dala , sady gny sasany koa namelatsy rantsan-kazo zay nitapahiny bakegny an-tsaha. ⁹ Reo zay nandeha teo alohany voho nagnaraky Gnazy nikaikaiky hoe:" Hosana! Rengea gny raiky bakamin'ny agnaran'ny Tompo. ¹⁰ Rengea gny fanjaka ho gnan'i Davida raintsika! Hosana agny amin'ny abo mare!" ¹¹ Bakeo Jesosy nilitsy tao Jerosalema ka nandeha tao an-kianjan'ny tempoly ka nijery gny raha iaby. Ka fa nihariva gny andro, la nizotso nagnagny Betania Ie voho reo foloroamby lahy. ¹² Gny andro magnaraky , laha nimpoly bakagny rozy , la mosare Ie. ¹³ 13 Voho nahajery hazon'aviavy raiky nandravy bakegny lavidavitsy , la namonjy Ie hanenty laha misy voa teo aminy, ka lafa namonjy gnan'io Ie, la tsy nahita ndra ino ino afa tsy raviny avao, fa mbo tsy taom-pamoazan'ny aviavy tamin'io. ¹⁴ Ka ie niresaky tamin'io hoe:" Tsy hisy hihina gny voa bakaminao sasy mandrakizay." Sady gny mpianany nahajanjy gnan'io. ¹⁵ Nagnagny Jerosalema rozy, voho nilitsy tao an-kianjan'ny tempoly Ie ka nanomboky nandroaky gny mpamarotsy voho gny mpivily manontolo tao. Natontany gny latabon'ireo mpanakalo drala voho gny sezan'ireo mpamarotsy voromahilala. ¹⁶ Tsy nagnenga gnan'ia nia handay raha zay azoavily hilitsy gny kianjan'ny tempoly Ie. ¹⁷ La nampianatsy gnan-drozy Ie ka niresaky hoe:" Tsy fa voasoratsy va hoe:" Gny tragnoko la hatao hoe tragno fivavaha ho gnan'ny firenen-drehetsa? Nefa nataonareo ho zohy fieren'ny mpangalatsy." ¹⁸ Ren'ireo mpanoradalagna zay niresahiny, la nila fomba hamonoa Gnazy rozy. Fa natahotsy Gnazy rozy fotony gny vahoaky la tandregna tamin'ny fampianarany. ¹⁹ Lafa avy gny hariva la niala gny tana rozy. ²⁰ Sady laha nandeha rozy gny maray, la nahajery gny hazon'aviavy nalazo hatramin'ny fakany. ²¹ Sady Petera nahatiaro ka niresaky hoe : " Raby o, Jereo! Nalazo gny aviavy nihozogninao." ²² Jesosy namaly gnan-drozy hoe:" Managna finoa gnan-Dranagnahary. ²³ Resahiko aminareo marina tokoa fa ndra ia ia miresaky amy toy tendrombohitsy toy hoe:" Mitsangana ka mianjera agny an-dranomasina; ka laha tsy misy fisalasala ao am-pony fa mino hitranga ainy zay niresahiny, la manahaky gnan'io ro hataon-Dranagnahary. ²⁴ Nohon'io Zaho miresaky aminareo hoe:" Zay iaby hivavahanareo voho angatahinareo , minoa fa fa nandramby gnan'io nareo, la ho azonareo io. ²⁵ Lafa mijoro voho mivavaky nareo , la tsy maintsy mamela zay alhelo iaby anagnanareo amin'ia nia nareo, mba ho avelan'ny Babanareo zay agny an-dagnitsy avao koa gny fahotanareo. ²⁶ [fanamarihana: Gny fandika soa mare la tsy magnisy gny hoe( Jereo ao amin'ny Mat.16:15) Mk.11:26" Fa laha tsy mamela heloky koa nareo, la tsy hamela gny fahotanareo mihintsy koa gny Babanareo zay agny an-dagnitsy."] ²⁷ La niakatsy ho agny Jerosalema ndraiky rozy. Sady nandehandeha tao an-kianjan'ny tempoly Jesosy, la avy namonjy Gnazy gny lohandohan'ny mpisoro, gny mpanoradalagna, voho reo lohona. ²⁸ Hoy rozy taminy hoe:" Fahefa bakaia ro hanaovanao gnan'iregny raha regny, voho ia ro nagnome Gnanao fahefa hanao gnan'iregny?" ²⁹ Jesosy niresaky tamin-drozy hoe:" Hametraky fagnontania raiky aminareo Aho. Resaho Amiko la ho resahiko nareo hoe fahefa bakaia ro anaovako regny raha regny. ³⁰ Gny batisan'i Jaona, bakagny an-dagnitsy va io sa bakagny amin'olo? Valio." ³¹ Nifampandiniky miaraky rozy sady nifamaly voho niresaky hoe:" Laha mamaly tsika hoe:" bakagny an-dagnitsy, la hiresaky Ie hoe:" Fa nagnino ary ro tsy nino gnazy nareo? ³² Fa laha mamaly koa tsika hoe:" Bakamin'ny olo,..." Nahatotsy gny olo rozy, fotony resy lahatsy gny olo manontolo fa Jaona la mpaminany tokoa. ³³ Bakeo namaly gnan'i Jesosy rozy ka nanao hoe:" Tsy hainay." La hoy Jesosy tamin-drozy hoe:" Zao avao koa tsy hiresaky aminareo hoe fahefa bakaia ro hanaovako gnan'iregny raha regny."