¹ Nagnenga io toera io Ie ka namonjy gny tanindrazany, sady nagnaraky Gnazy reo mpianany. ² sady lafa avy gny andro Sabata, la nampianatsy tao amin'ny synagoga Ie. maro gny olo nahare Gnazy ka tseriky rozy. Hoy rozy hoe:" bakaia ro nahazoany reo fampianara reo?" Ino zao fahendrea zay namea Gnazy zao? " Ino reo fahagaga zay nataony tamin'ny tanany reo?" ³ " tsy gny mpandrafitsy va io, gny anak'i Maria voho rahalahin'i Jakoba voho Josesy voho Jodasy voho Simona? tsy miaraky amintsika eto va reo anabaviny?" Tohina tamin'i Jesosy rozy. ⁴ Sady hoy Jesosy tamin-drozy hoe:" Tsy misy mpaminany tsy omen-kaja, afa-ts ao amin'ny tanindrazany voho ao amin'ny longony mariniky voho ao amin'ny avorohotany maoka avao." ⁵ tsy afaky nanao asa mahatseriky Ie, afa-tsy gny fametrahany tagna amin'ny marary tsy ampiampy sady magnasitsana gnan-drozy. ⁶ Tseriky nohon'ny tsy finoan-drozy Ie. Bakeo nandeha nagnodidy reo tana Ie hampianatsy . ⁷ Bakeo la nikaiky reo folo raomby gny Ie sady nanomboky nagniraky gnan-drozy kiroeroe, sady nameany fahefa teo amin'ny fagnahy maloto rozy, ⁸ sady nandidy gnan-drozy tsy handay na ino ino amin'ny liany, na mofo , na kitapo, na drala amin'ny fehin-kibon-drozy_ afa-tsy tehy avao_ ⁹ fa hanao kapa, sady tsy hanao akanjo roe. ¹⁰ Hoy Ie Tamin-drozy hoe:' Na mbia mbia nareo militsy aminy tragno raiky, la mipetraky ao mandram-pialanareo agny. ¹¹ Voho laha misy tana tsy mandramby gnanareo na mijanjy gnanareo , lafa miala ao amin'io toera io nareo, la ahintsagno gny vovoky amin'ny tombokareo mba ho fijoroa vavolombelo amin-drozy." ¹² La niainga rozy sady nitory fa gny olo tokony hibebaky amin'ny fahotany. ¹³ Nandroaky demonia maro rozy voho nagnosotsy marary maro tamin'ny diloilo ka nagnasitsana gnan'iregny. ¹⁴ Ren'i Heroda mpanjaka io, fotony lasa fanta-daza gny agnaran'i Jesosy. Gny sasany niresaky hoe:" Nitsanga tamin'ny maty jaona mpanao batisa voho nohon'io, la miasa ao agnatiny reo hery mahagaga reo." ¹⁵ Fa reo sasany koa niresaky hoe :" Elia Ie." Gny sasany mbo niresaky he:" Mpaminany Ie, manahaky gny raiky amin'ireo mpaminany tamin'ny andro taloha." ¹⁶ Fa lafa nahare gnan'io Heroda la hoy ie hoe:" Jaona, gny notapahiko loha, ro nitsanga tamin'ny maty." ¹⁷ Fa Heroda ro nampanambotsy gnan'i Jaona ka nandefa gnazy tagny an-tragnomaizina nohon'ny raharaha Herodiasy( valin'ny Filipo rahalahiny) Fotony nivadihany ravehivavy. ¹⁸ Fa Jaona niresaky gnan'i Heroda hoe:" tsy araky gny lalagna gny hanambalianao gny valin'ny rahalahinao." ¹⁹ Fa nasiaky Herodiasy ka nila zay hamonoa gnazy, fa zao tsy afaky, ²⁰ noho gny fatahoran'i Herodiasy gnan'i Jaona; hainy fa olo marina voho feno fahamasigna ie, voho niaro gnazy ie. Nanahiran-tsay gnazy gny fiharezany gnazy, kanefa mbo nijanjy gnazy tam-pazotoa ie. ²¹ Bakeo nisy iraky tamin'ny fitsingerenan'ny tao nahaterahan'i Heroda ka nanao fanasa ho gnan'ireo lehibeny, voho reo mpifehiny, voho reo mpitariky gny Galilia ie. ²² la nilitsy gny efitragno fanasa gny anaky ampelan'i Herodiasy ka nisinjaky ho gnan-drozy, ka nahafinaritsy gnan'i Heroda voho reo vahiny nasaina tamin'ny fisakafoana ie. Hoy gny mpanjaka tamin-drazazavavy hoe:" Angataho amiko zay iaby tianao la hameako gnanao io." ²³ Sady nianiana taminy ie nanao hoe:" Ndra ino ino angatahinao amiko, la hameako gnanao, hatramin'ny antsasaky gny fanjakako." ²⁴ La niboaky ie sady niresaky tamin'ny reniny hoe hoe:" Ino ro tokony angatahiko aminy?" La hoy gny reniny hoe:" Gny lohan'i Jaona mpanao Batisa." ²⁵ Eo no eo la nimpoly tagny amin'ny mpanjaka ie, ka nangataky , nanao hoe:" Tiako ameanao ahy, zao dieny zao, eo agnabony finga gny lohan'i Jaona mpanao batisa." ²⁶ Ndra la nampalahelo mareo gny mpanjaka aza io, la tsy afaky nanda gny fangatahany ie nohon'ny fianianana nataony voho noho reo vahininy nasaina tamin'ny fisakafoana. ²⁷ Nohon'io la nandidy miaramila raiky bakamin'ny mpiamby gny mpanjaka ka nandindidy gnazy handay gny lohan'i Jaona eo aminy. Lasa gny mpiamby sady nanapaky gny lohany tao an-tragnomaizina . ²⁸ Nandesiny teo agnabony finga gny lohany ka natolony an-drazazavavy, voho gny zazavavy nanolotsy gnan'io an-dreniny. ²⁹ Lafa nahajanjy gnan'io reo mpaminany , la avy rozy sady nangalaky gny nofony ka nametraky gnan'io tao am-pasana. ³⁰ Nimpoly tagny amin'i Jesosy reo apostoly voho nitantara taminy zay iaby vitan-drozy voho nampianarin-drozy. ³¹ Sady hoy Ie tamin-drozy:" Andeha tsika ho agny agn'aefitsy ka hiala sasatsy kely." Fa maro gny olo ro nivezivezy, sady tsy nanam-potoa hihinana sakafo akory aza rozy. ³² La nandeha an-tsambokely rozy mba ho agny amin'ny tany foana. ³³ Fa rozy nahita gnan'ireo nandeha sady maro ro nahay gnan-drozy, la niara-nilailay an-tomboky bakagny amin'ny tana iany rozy, sady avy talohan-drozy. ³⁴ Lafa avy tegny amin'ny morony rozy, la nahajilo vahokay maro Ie sady onena gnan-drozy Ie fotony manahaky gny aondry tsy mana mpiaraky rozy. ka nanomboky nampianatsy raha maro gnan-drozy Ie. ³⁵ Sady lafa hariva gny andro , la namonjy Gnazy reo mpianany ka nanao hoe:" Toera foana toy sady andro fa miha hariva sahady. ³⁶ Alefaso rozy mba handehanany agny amin'ireo vohitsy voho tana magnodidy hivily hany ho gnan'ny vatan-drozy." ³⁷ fa namaly Ie ka nanao tamin-drozy hoe:' Omeonareo raha hoaniny rozy." La hoy rozy taminy:" Afaky mandeha voho mivily mofo azon'ny denaria roanjato va rahay ka hamea gnan'io gnan-drozy ho hany?" ³⁸ La ho Ie tamin-drozy hoe:" Firy ro mofo gnanareo? Mandehana ka Jereo ."Lafa hitany , la hoy rozy hoe: Mofo limy voho hazan-drano roe." ³⁹ La nandidy gny olo iaby mba hipetraky mitsitokotoko teo amin'ny akata Ie. ⁴⁰ La nipetraky an-tokony rozy; an-tokony zato voho dimampolo. ⁴¹ Nangalaky reo mofo limy voho hazan-drano roe Ie, niandrandra gny lagnitsy ka la nisaotsa ka nizarazara gny mofo ka nanolotsy gnan'io tamin'ireo mpianatsy mba hamea eo agnatrehan'ny olo. Nizarany avao koa gny hazandrano roe ho gnan-drozy manontolo. ⁴² La nihina iaby rozy manontolo nandra-pahavintsy gnan-drozy. ⁴³ Nalan-drozy gny sombitsombiny mofo, zay nahafeno foloraomby soboky mitafotafo, sady koa gny amobin'ireo hazandrano . ⁴⁴ Nisy dily arivo reo johary nihina gny mofo. ⁴⁵ Eo no eo la nasainy niakatsy tao an-tsambokely reo mpianany mba hialoha Gnazy ho egny ampita, ho agny Betsaida, laha nandefa gny vahoaky Ie. ⁴⁶ Lafa lasa rozy, la niakatsy tagny an-tendrombohitsy Ie mba hivavaky . ⁴⁷ Avy gny hariva , sady fa teo agnivon'ny ranomasina gny sambokely, fa raiky tegny an-tanety ie. ⁴⁸ Sady hitany fa sahira mafy rozy nivoy gny sambokely, fotony nanohitsy mareo gnan-drozy gny tsioky. Eo ho eo amin'ny fotoa fiambena fahaefatsy gny haly la nandeha teo amin-drozy Ie, nandefa tegny agnabony ranomasina, sady te-handalo teo amin-drozy Ie. ⁴⁹ Fa lafa nahajery Gnazy nandeha tegny agnabony ranomasina rozy, la niheverin-drozy ho matoatoa Ie ka nikoraky rozy, ⁵⁰ fotony nahajery Gnazy rozy la raiki-tahotsy. Eo no eo la niresaky hoe:Matokia ! Zaho avao toy! ka mataotsy!" ⁵¹ Sady nilitsy tao an-tsambokey niaraky tamin-drozy Ie, la nitsahatsy tsy nitsoky gny rivotsy. La tandregna tanteraky rozy. ⁵² Sady tsy takatsy gny sain-drozy gny dikan'ny gny mofo. Fa koa, nihamafy gny fon-drozy. ⁵³ Lafa tafita rozy, la avy tao Genesareta reo ka niantsona tao. ⁵⁴ Sady lafa nizotso bakao amin'ny sambokely rozy, avy hatragny la hainny gn'olo tao Ie, ⁵⁵ ka nihazakazaky nanera gny faritsy rozy sady nanomboky nanday gny marary tamin'ny fandriany tagny amin'izay iaby ren-drozy misy Gnazy. ⁵⁶ Fa ndra taia nandehanany na an-tana, na an-tanan-dehibe, na tegny amin'ny vohitsy kely, la napetran-drozy teo amin'ny kianja gny marary. Niangavy Gnazy rozy mba hamela gnan-drozy hikasiky gny rambon'ankanjony, sady reo maro zay nikasiky Gnazy la janga.