¹ Nizotso tao an-tsambokely Jesosy , niampita , voho avy tao amin'ny tanany. ² Ingo, nisy johary mararin'ny paralysisa nandry teo am-pandria nandesin-drozy teo Aminy. Lafa nahita gny finoan-drozy , la hoy Jesosy tamin'ny gny johary mararin'ny paralysisa hoe:" Anaky , ao iha hazoto , fa voavela gny helokao." ³ Ingo, gny sasany tamin'ireo mpanora-dalagna nanao anakampo hoe:" Mivola raty io johary io." ⁴ Hain'i Jesosy gny eritrerin-drozy sady niresaky hoe:" Nagnino nareo ro mieritreri-dratyao am-ponareo? ⁵ Fa ia ro moramora tokoa ro miresaky azy hoe:" Voavela gny helokao; sa gny miresaky hoe:" Mitsangana ka mandehana? ⁶ Fa mba ho hainareo fa gny azak'olo la mana fahefa hamela heloky eto amobonin'ny tany...." hoy Ie tamin'ilay mararin'ny paralysisa hoe:" Mitsangana, batao gny fandrianao, voho mandehana agny an-tragnonao." ⁷ Bakeo nitsanga gny johary voho nagnagny an-tragnony. ⁸ Lafa nahita gnan'io gny fokonolo, la tseriky rozy voho nangrengy gnan-Dranagnahary, zay nagnome fahefa manahaky gnan'io ho gnany gn'olo. ⁹ Sady lafa niala bakeo Jesosy, la nahita johary natao hoe hoe Matio Ie, zay nipetraky teo amin'ny lain'ny famorian-ketra. Hoy Ie taminy hoe:" Magnaraha Ahy." Nitsanga ie sady nagnaraky Azy. ¹⁰ Sady lafa nipetraky hihina tao an-tragno Jesosy, ingo , mpamory hetra voho olo mpanota maro avy voho niaranihina tamin'i Jesosy voho reo mpianany. ¹¹ lafa nahita gnan'io reo fariseo, la niresay tamin'ireo mpianany rozy hoe:" Nagnino gny mpampianatrareo ro miara-mihina amin'ny mpamory hetra voho gny olo mpanota?" ¹² Lafa nahare gnan'io Jesosy , la hoy Ie :" Gn'olo matanjaky ara-batana la tsy mila mpitsabo, fa reo zay marary avao. ¹³ Tokony mandeha mianatsy nareo gny dikan'ny hoe:" Famindram-po ro iriko fa tsy soro. Fa avy Aho, tsy hikaiky reo marina hibebaky , fa reo mpanota." ¹⁴ Bakeo namonjy gnazy reo mpianatr'i Jesosy ka niresaky hoe:" Nagnino rahay voho reo fariseo ro mifaly hany matetiky, fa reo mpianatrao koa tsy mba mifaly?" ¹⁵ Hoy Jesosy tamin-drozy hoe:" Mety alahelo va reo longon'ny mpampakatsa , laha mbo miaraky eo amin-drozy gny mpampakaysa? fa ho avy gny andro hangala gny mpampakatsa eo amin-drozy la amin'izay reo vao hifaly hany. ¹⁶ Tsy misy olo manampy akanjo tonta amin'ny tapa-damba vaovao, fa gny tampy hanataky gny siky, voho hisy tritsa raty lavitsy. ¹⁷ Tsy misy olo magnisy divay vaovao ao agnaty siny holtsy tonta. Laha manao gnan'io rosy, la ho triatsy gny siny hiliitsy, ho raraky gny divay voho ho potiky gny siny hilitsy. fa koa , magnisy divay vaovao ao agnaty siny holtsy vaovao rozy , voho voatahiry rozy roe." ¹⁸ Laha mbo niresaky reo raha reo tamin-drozy Jesosy, la ingo, nisy manam-pahefa raiky avy ka niankohoky teo aminy. Niresaky hoe:" maty henanizao gnanaky ampelako, fa miavia voho apetraho eo aminy gny tagnanao la ho velo ie." ¹⁹ Bakeo nitsanga Jesosy voho nagnaraky gnazy, la nanao manahaky gnan'io koa reo mpianany. ²⁰ Ingo, nisy ampela zay fa nandeha ra nandritsa gny folo roamby tao, nandeha tao afaran'i Jesosy voho nikasiky gny moron'akanjony. ²¹ Fa hoy ie tamin'ny vatany hoe:" Laha mahavoakasiky gny ankajony avao aho, la ho janga." ²² Fa nitoliky Jesosy ka nahajery gnazy, la niresaky hoe:" Ry anaky ampelako, mahereza , gny finoanao ro nahajanga gnanao." Voho janga gny ampela nanonboky tamin'io ora io. ²³ Lafa avy tagny amin'ny tragnon'ny gny manam-pahefa Jesosy, la nahita reo mpitsoky sodina voho reo fokonolo nitabataba mareo Ie. ²⁴ La hoy Ie hoe:" Mandehana, fa tsy maty gny aja ampela, fa miroro ie." fa nihehy Gnzy tamin'ny fanesoa rozy. ²⁵ Lafa naboaky ivelany tao gny vahoaky, la nilitsy tao agn'efitsy Ie voho nandramby gnazy tamin'ny tagnany, voho nitsanga gny aja ampela. ²⁶ Niely nanera gny faritsy iaby gny vaovao momba gnan'io. ²⁷ Voho lafa niala teo jesosy, la nisy jamba roe lahy nagnaraky Gnzy. Tsy nijano nikaiky rozy sady niresaky hoe:" mamindra fo aminay, ry azak'i Davida!" ²⁸ Lafa avy tao an-tragno Jesosy, la namonjy Gnazy reo johary jiky. Hoy Jesosy tamin-drozy hoe:' Mino va nareo fa mahay manao gnan'io Aho?" La hoy rozy taminy hoe:" Eny, Tompo." ²⁹ Bakeo nokasihin'i Jesosy gny mason-drozy voho niresaky hoe:' Ho tanteraky aminareo araky gny finoanareo anie io," ³⁰ sady nahita gny mason-drozy. bakeo Jesosy nandidy mareo gnazy sady niresaky hoe:' Ao mba tsy hisy olo hahay momba gnan'izao." ³¹ Fa nandeha reo roe lahy ka nampily gny vaovao mahakasiky gnan'io nanera gny io faritsy io. ³² Sady lafa nandeha reo roe lahy, la ingo, nisy johary moa nipetrahan'ny demonia nandesy teo amin'i Jesosy. ³³ sady lafa naboaky gny demonia , la niresaky gny johary moa. Tseriky gny vahoaky ka niresaky hoe:" tsy mbo fahita hatrizay tamin'Israely zao!" ³⁴ Fa hoy reo fariseo hoe:" Tamin'ny fanapahan'ireo demonia, no namoahany reo demonia." ³⁵ Nandeha nitety reo tanan-dehibe voho reo vohitsy iaby Jesosy. Nanohy nampianatsy tagny amin'ireo Synagogan-drozy , nitory gny filazantsaran'ny fanjaka, sady nagnasiteana reo karazan'arety iaby voho reo karaza faharina iaby. ³⁶ Lafa nahajery reo fokonolo Ie, la nana fangoraham-po tamin'ireo, fotony niahiahy voho kivy rozy. Manahaky gny aondry tsy misy mpiaraky rozy. ³⁷ La hoy ie tamin'ireo mpianany hoe:" Maro gny vahoaky, fa reo mpiasa ro tsy ampy. ³⁸ Nohon'io mivavaha malakay amin'ny Tompon'ny vokatsy, mba andefasany mpiasa egny amin'ny vokatsy."