¹ Nivola tamin'i Mosesy i Yaveh, nanao hoe: ² " Baiko gny olon'Israely mba handay soliko tsy mifangaro vita tamin'ny oliva ho gnanao mba ampiasa amin'ny fanilo, mba hirehitsy mandrakizay gny jiro. ³ Arona la tsy maintsy magnenga gny jiro hirehitsy foana ao ivelan'ny lamba fa nakona eo agnatrehan'ny lilim-pagnekea ao amin'ny tragno-lay fihaogna, manomboky gny hariva zisiky faran'ny gn'andro. Ho lalagna maharitsy hatramin'ny avorohotan'ireo vahoakanareo izay. ⁴ Gny mpisorobe la tsy maintsy mitandry gny jiro hirehitsy foana eo agnatrehan'i Yaveh, reo jiro eo amin'ny fipetrahan-jiro volamena tsy misy fangarony. ⁵ Ao iha hangalaky koba manify sady hanendy mofo roe ambin'ny folo amin'izay. Tsy maintsy misy roe ampahafolon'ny efaha isaky gny mofo. ⁶ Bakeo la hizara izay ho andala roe, eny amin'ny andaa raiky, eo agnabon'ny latabatsy vita tamin'ny volamena tsy mifangaro. ⁷ Ao iha hametraky ditin-kazo magnitsy malio isak'ireo andala mofo ho fagnati-pahatiarova. Io ditin-kazo magnitsy io la ho oroa ho gnan'i Yaveh. ⁸ Isaky gny Sabat gny mpisoro abo la tsy maintsy mametraky mandrakariva gny mofo eo agnatrehan'i Yaveh ho an'ny olon'Israely, mba hofamantara gny fagnekena tsy manam-pahatapera. ⁹ Io fagnatitsy io la ho gnan'i Arona voho reo anany lahy, sady hohan-drozy eo amin'ny toera zay masy izay, fotony ampahany bakamin'ireo fagnatitsy natao tamin'ny bolo hognan'i Yaveh izay." ¹⁰ Sady nisy anak'ampelany Israelita raiky, zay Egyptiana ro babany, nandeha teo amin'ny vahoakan'Israely. Io anakilahin'ny ampela Israelita raiky tao amin'ny toby. ¹¹ Nivola raty gny agnaran'i Yaveh voho nanozo an-Dranagnahary io anaky lahin'ny ampela Israelita io, ka nandesin'ny vahoaky teo amin'i Mosesy ie. Sebomita ro agnaran'ny reniny, anak'ampelan'i Dibry, bakamin'ny fokon'i Dana. ¹² Notanjahin-drozy tao ami-ponja ie zisiky agnambaran'i Yaveh Ie vatany gny sitrapony amin-drozy. ¹³ La nivola tamin'i Mosesy Yaveh, nanao hoe: ¹⁴ Alao gny johary zay nanozo an-Dranagnahary tao ivelan'ny toby. Zay iaby mahare gnazy la tsy maintsy mametraky gny tagnan-drozy eo amin'ny lohany, sady ao gny fiangona raiky manontolo hitora-bato gnazy. ¹⁵ Ao iha hagnazava amin'ny olon' Israely sady hivola hoe: " Zay iaby manozo gny Ndranagnahariny la tsy maintsy magnenty gny helony. ¹⁶ Ie zay mivola raty gny agnaran'i Yaveh la tsy maintsy ho vinonony vatany. Tsy maintsy hitora-bato gnazy vatany gny fiangona iaby, na vahiny ie na tera-tany Israelita. Laha misy olo mivola raty gny agnaran'i Yaveh, la tsy maintsy vinonona ie. ¹⁷ Laha misy olo mamono olo hafa, la azo antoky fa tsy maintsy ho vinonony ie. ¹⁸ Laha misy olo mamono gny bibin'ny olo raiky hafa, la tsy maintsy manohitsy izay ie, ay solon'ny ay. ¹⁹ nLaha misy olo mandratsy gny mpiray tana aminy, la tsy maintsy atao aminy zay nataony tamin'ny mpiray tana aminy: ²⁰ Fahatapaha solon'ny fahatapaha, maso solon'ny maso, nify solon'ny nify. Fotony nandratra olo ie la tsy maintsy atao aminy koa izay. ²¹ Zay iaby mamono biby raiky la tsy maintsy manonitsy izay, sady iaby mamono olo la tsy maintsy vonoe. ²² Ao iha hana lalagna mitovy ho an'ny vahiny voho gny tera-tany Israelita, fa Zaho ro Yaveh Ndranagnaharinao."' ²³ Ka nivola tamin'ny olon'Israely i Mosesy, sady nandesin'ny olo niboaky tao ivelan'ny toby gny johary, gny nanozo gnan'i Yaveh. Notorahin-drozy tamin'ny vato rozy. Reo vahoakan'Israely la nanao arak'izay nandidian'i Yaveh gnan'i Mosesy.