¹ La Josoa anaky lahin'i Nona nagniraky roe lahy mangingina bakagny Sitima manahaky gny mpitsikilo. Hoy ie hoe;' Mandehana, zahao gny tany, imdrindra fa Jeriko.' La sa rozy sady avy tao an-tragnon'ny mpivaro-tena raiky kaihy hoe Rahaba, la nipetraky tao rozy. ² Nolazainy tamin'ny mpanjakan'i Jeriko hoe:' Ingo, avy ato gny johjarin'israely mba hitsikilo gny tany." ³ La nandefa hafatsy tamin'i Rahaba lay mpanjakan'i Jeriko sady nanao hoe:' Andeso miboaky reo johary zay avy taminao voho nilitsy tao an-tragnonao reo, fotony avy mba hitsikilo gny tany manontolo rozy." ⁴ Fa nalan-dravehivavy reo roa lahy ka naetany. Namaly ie hoe;' Eka, avy tao amiko reo johary , fa ingo tsy nahay ze niavian-drozy aho. ⁵ Lasa rozy lafa hariva igny, tamin'ny fotoa nihilian'ny vavahadin'ny tana. Tsy haiko ze nadehan-drozy. Mety ho tratrinao rozy laha magnaraky malaky an-drozy iha.' ⁶ Kanefa nampiakariny tao agnabo-tragno rozy sady najariny tao amin'ireo tahon-kasim-bazaha zay fa novelariny teo amy gny tafon-tragno. ⁷ Ka la nagnenjiky an-drozy an-dala nagnagny amin'ny lakan-dranon'ny Jordana reo johary. Vao tafavoaky reo mpagnenjiky la nihily gny vavahady. ⁸ Mbo tsy niroro reo johary gny haly, lafa avy niakatsy tao amin-drozy tao angnabo tragno lay ampela. ⁹ Hoy ie hoe:' Haiko fa namean'i Yaveh gnanareo gny tany sady avy teto aminay gny tahotsy gnanareo. hamely eo agnatrhanareo reo iaby mipetraky eto amin'ny tany. ¹⁰ Renay gny fomba nagnamaihan'i yaveh gnan'ilya Riaky Mena ho gnanareo lafa niboaky bakao Egypta nareo.Renay avao koa gny nataonareo tamin'ireo mpanjakan'ny Amorita roe tegny ampitan'i Jordana_la Sihona voho Oga_ zay naringanareo tanteraky. ¹¹ vantany vao renayio , la namely gny fonay sady tsy nisy herim-po tavela tao amin'ia ia_ fa Yaveh Ndranagnaharinareo, la Ndranagnahary agny an-dagnitsy agnabo agny voho etoy ambany tany. ¹² Amizao ary, mba mifanta amiko amin'ny alalan'i Yaveh re, halemy fagnahy amin'ny hasoam-pagnahiko taminareo avao. Omeo famantara azo antoky aho ¹³ Fa hamindra fo amin'ny ain'ny raiko, gny reniko, reo anadahiko, anabaviko, voho gny longony iaby nareo, sady hagnavotsy gnanay amin'ny fahafatesa." ¹⁴ La hoy reo johary taminy hoe:' Ho takalo amin'ny ainareo gny ainy, ndra la ho amin'ny fahafatesa aza! Laha tsy miresaky momban'ny raharahanay iha, la ho feno famindram-po voho hahatoky gnanareo rahay lafa amean'i Yaveh gnanay toy tany toy." ¹⁵ La namela an-drozy hilitsy hiboaky teo amin'ny lafonety tamin'ny fampiasa taly ie. Niory teo amin'ny mandalin'ilay tana lay tragno zay nipetrarany. ¹⁶ Hoy ie tamin-drozy hoe:' Mandehana egny amin'ny vohotsy mietaky laha tsy io ho hitan'ireo mpagnenjiky nareo. Mietaha agny mandritsa gny telo andro mandra-pimpolian'ireo." ¹⁷ Hoy reo johary taminy hoe;' Tsy ho voafehy amin'ny fampanantenan'ilay fiaigna ze nasaina nifantanay rahay, laha toa ka tsy manao zao iha. ¹⁸ Lafa avy eto amin'ny tany rahay, la tsy maintsy fehe eo am-dafonety toy taly mena ze hampiliranao gnanay toy, sady havorio ato an-tragno gny rainao voho gny reninao, reo anadahinao voho gny avorohotan'ny rainao manontolo. ¹⁹ Na ia ia miboaky gny varavagnan'ny tragnonao ho egny an-dala, la ho eo an-dohan-drozy manoka gny rany sady tsy ho meloky rahay. Fa laha misy tana mino eo amini iaby ze miaraky aminao ato an-tragno, la ho eo an-dohany gny rany. ²⁰ Fa laha miresaky momba gny raharaha iha, la ho afaky amin'ilay fiaigna ze nampifatagninao gnanay rahay.' ²¹ La namaly Rahaba hoe:" Hatao anie ze voalazanareo." Nalefan-drozy ka lasa. Bakeo namehy lay taly mena teo am-dafonety ie. ²² Lasa rozy sady nandeha niakatsy tagny amin'ireo vohitsy ka nijano tegny nandritsa gny telo andro mandra-pimpolian'ireo mpagnenjiky rozy. nila nanera gny lala amontolo reo mpagnenjiky sady tsy nahita ndra ino ino. ²³ La nimpoly reo johary roe sady niampita ka tafampoly tagny amin'i Josoa anak'i Nona, la nolaizan-drozy taminy gny raha iaby ze nitranga tamin-drozy. ²⁴ Hoy rozy tamin'i Josoa hoe:' Fa natolots'i Yaveh antsika tokoa io tany io. Malemy iaby reo olo iaby ao amin'ilay tany noho gny amintsika."