¹ La niara-nivory tao Silo gny fiangonan'ny fokonolon'Israely manontolo. Tao ro nagnoregnan-drozy gny lay fihaogna voho nandresen-drozy gny tany nagnatriky an-drozy. ² Mbo nisy fito reo foko teo amin'ny fokonolon'Israely zay tsy notendre gny lovany. ³ La hoy Josoa tamin'ny fokonolon'Israely hoe:' Mandra-pahovia ro mba hihemoranareo tsy handeha ao amin'ny tany ze namean'i Yaveh, Ndranagnaharin'ireo razanareo, nareo? ⁴ Manendre telo lahy ho gnanareo isaky gny foko kirakiraiky, sady zaho koa hagniraky an-drozy. La hiainga voho hitety gny tany agnabo voho ambany rozy. la hanoratsy gny famarita gnan'io rozy rozy araky zay tiany ho lovany sady himpoly atoy amiko rozy bakeo. ⁶ Faritsy fito ro hamaritanareo gny tany sady ampolio eto amiko gny famarita. La hanao an-tsapaky ho gnanareo aho eto agnatrehan'i Yaveh Ndranagnaharintsika. ⁷ Reo Levita la tsy mana anjara eo aminareo, fa gny fisorogna ho gan'i Yaveh ro lovan-drozy . Gada, Robena, sady gny antsasa-pokon'i Manase la nahazo gny lovan'ireo, tany an-dafin'i Jordana. Io eo lova zay namean'i Mosesy mpanompon'i Yaveh an-drozy." ⁸ La nifoha reo johary ka nandeha. La nodidian'i Josoa reo ze nandeha namaritsy gny tany, nanao hoe:' Mandehana mitety gny tany ka farito io sady mimpolia ato amiko. La hanao antsapaky ho gnanareo eto agnatrehan'i Yaveh aty Silo aho," ⁹ La nandeha reo johary ka nitety gny tany agnabony voho ambany sady namaritsy io tany horonn-taratasy araky reo tanany agnaty faritsy fito, handahara reo tana isaky gny faritsy kirakiraiky. La nimpoly tagny amin'i Josoa tao an-toby tao Silo rozy bakeo. ¹⁰ La nanao antsapaky ho gnan-drozy tao Silo teo agnatrehan'i Yaveh i Josoa. Tao ro nanendren'i Josoa gny tany ho gnan'ny fokonolon'Israely, sady gny kiraiky la samby namea gny anjara taniny iaby. ¹¹ Gny fanendrea gny tany ho gnan'ny fokon'i Benjamina la namea gny isam-pkon-drozy kirakiraiky. Gny faritanin'ny tany zay voatendry ho gnan-drozy la voafaritsy teo agnelagnelan'ireo avorohotan'i Joda voho reo avorohotan'i Josefa. ¹² Tagny amin'ilay ilany avaratsy , tagny Jordana ro nanombohan'ny faritanin-drozy. Gny faritany la niakatsy hatragny amin'ny ilany avarats'i Jeriko, sady bakeo niakatsy nagnavatsavatsa gny tany havoa andrefa. hatreo io la anjohy gny efits'i Betavena. ¹³ Hatreo la nandalo nagnantimo nizotra nagnagny Lozy( Betela io) gny faritaniny. Bakeo nizotso hatragny amin'i Atarot-adara gny faritany, ao amin'ny tendrombohitsy ze magnitsaky gny antimon'i Beti-horona. ¹⁴ Nizotra nagnaraky lalan-kafa gny sisin-tany nohon'io: agny amin'ny ilany andrefa io ro miholiky magnantimo, la mitodi-doha amin'ny tendrombohitsy am-pitan'i Beti-horona. Io sisin-tany io la miafara agny Kiriata-bala( Kiriata-Jearima io), tana raiky ze gnan'ny fokon'i Joda. Io ro lasa faritany tagny amin'ny faritsy andrefa. ¹⁵ Nanomboky teo ivelan'i Kiriata-jearima gny lafiny antimo . Niainga teo gny faritany la nanjohy gnan'i Efrona, hatragny amin'ireo loharanon'i Neftoa. ¹⁶ Gny sisin-tany nohon'io la nizotso nanjohy gny magnolily gny tendrombohitsy zay tandrify lohasahan'i Ben-hinoma, ze tagny amin 'ny morony avaratsy gny lohasan'i Refaima. La nizotso hatragny amin'ny lohasahan'i Hinoma io, antimon'ny kintsin'ireo Jebosita, sady nitohy nizotso hatragny En-Rogela. ¹⁷ La nitoliky nagnavatsy io , nizotra nagnagny amin'i En-semesy, sady bakeo la niboaky nagnagny Geliota io, zay tandrifin'ny fiakaran'i Adomina. Sady nizotso hatragny amin'ny Vaton'i Bohana anaky lahin'i Robera io. ¹⁸ Nandroso hatramin'ny ilany avarats'i Beti-araba io sady nizotso nagnagnamin'i Araba. ¹⁹ La nandroso nandalo gny ilany avarats'i Beti-Hogla gny faritany. niafara tagny amin'ny helo-drano avaratsy gny ranomasin-tsira io, agny amin'ny morony antimon'i Jordana. Io ro sisin-tany an-timo. ²⁰ La avy faritanin'i Jordana gny ilany antignana. Io ro lovan'ny fokon'i Benjamina, sady natolotsy gny isam-pokon-drozy kirakiraiky io, faritany isa-paritany, gny magnodidy manontolo. ²¹ Sady reo tanan'ny fokon'i Benjamina araky gny isam-pokon-drozy la Jeriko, ²² Beti-Hogla, Emeka, Bet-araba, Zemaraima, Betela, ²³ Avima, Para, Ofra, ²⁴ Kefara-hamony, Ofny, voho Geba. Folo roamby reo tana reo, agnisan'io reo ana-bohiny. ²⁵ Ao avao koa reo tanan'i gibeona, Rama, Berota, ²⁶ Mizpa, Kefira, Moza, ²⁷ Rekema, Irpela, Tarala, ²⁸ Zela, haelefa, Jebosita( Jerosalema io), Gibea, voho Kiriata. Folo efatsamby reo tana reo, agnisan'io reo ana-bihiny, Io ro lovan'i Benjamina ho gnan'ny fokon-drozy.