¹ Bakeo la nivavaky tam'i Yaveh Ndranagnahariny baka an-tsarotsiny gny hazandrano tao i Jona. ² Hoy ie hoe: "nikaiky gnan'i Yaveh nagnatriky gny fahoriako iaho ka namaly gn'ahy Ie; baka an-tsarotsini-gny Fiagna-tsy hita ao ro nikaihako lomba! La njanjinao gny feoko. ³ Fa natorakinao tami-gny laliky tagny iaho, tami-gny faratampony lalikini-gny riaky tagny, voho nagnodidy gn'ahy gny herin-driaky; nanafotsy gn'ahy gny onja ndraiky alon-dranonao. ⁴ Hoy iaho hoe: 'Voaroaky tsy ho agnatrehany gny masonao eo iaho; kanefa la mbo hitoliky hagnatriky gny tempolinao masy.' ⁵ Nihily nagnodidy gn'ahy ka zisiky ami-gny vozoko egny gny rano; voho nagnodidy gn'ahy vatany gny laliky; naningotsy nagnodidy gny lohako gny lomotsy. ⁶ Nidrotso tam-potom-bohitsy iaho; la nikatoky tagnamiko zisiky amparany gny tany ndraiky gny hiliny. Kanefa mbo nampiakatsy gn'aiko baka an-davaky tao Iha, ry Yaveh, Ndranagnahariko! ⁷ laha mokotsy tagnaiko tato gny fagnahiko, la nahatiaro gnan'i Yaveh iaho; la niavy tagn'Aminao teo gny fivavako, tami-gny tempolinao masy. ⁸ Gny mijanjy ndranagnahary tsy misy dikany la magnary gny fatokianao magnatriky gnan-drozy. ⁹ Fa laha gny agnamiko koa,la hanao soro ho gn'Anao ami-gny feo fagnomezam-pisaora iaho; ho tanterahiko ze fa nivoaliako. ¹⁰ Baka am'i Yaveh gny fandomba!" La nisafa tami-gny hazandrano i Yaveh, voho naloany tami-gny tany maiky tegny i Jona.