¹ Tagny ampiandoha gny Safa, voho gny Safa tamin-Dranagnahary tao, voho Safa la Ndranagnahary. ² Io la tamin-Dranagnahary tao tagny amboalohany . ³ Gny raha iaby la Bakagnaminy, sady laha tsy Ie ndra ino ino la tsy nisy. ⁴ Tagnaminy ro nampisy gny fiaigna,voho io fiaigna io ro nampaza gnolo iaby. ⁵ Gny hazava la mamiratsy agnaty fahiky ao, voho gny fahiky tsy nandresy gnan'io. ⁶ Nisy johary raiky nirahin-Dranagnahary, Jaona ro agnarany. ⁷ Avy ie mba ho vavolombelo hagnambara gny mahakasiky gny fahazava, ka amy gny alany ro hinoany gnolo iaby. ⁸ Tsy Jaona ro fahazava, fa koa avy mba hagnambara gny mahakasiky gny fahazava ie. ⁹ Gny fahazava to , zay magnome hazava gnolo manontolo, la avy eto amin'izao tontolo zao. ¹⁰ Teto amin'izao tontolo zao Ie, voho Ie ro namorogna gnan'izao tontolo izao, voho zao tontolo zao tsy nahay Gnazy. ¹¹ Baka aminy gnolo Ie, , voho gny gnolony tsy nandramby Gnazy. ¹² Fa gny lako nandramby Gnazy, zay nino gny agnarany, la nameany fahefa ho lasa anakin-Dranagnahary. ¹³ Rozy la tsy nateraky gny lio , na gny sitrapon'ny nofo, na gny sitrapony gnolo, fa gnan-Dranagnahary. ¹⁴ Voho gny Safa lasa nofo ka nipetraky tamintsika. Jerinay gny voninahiny, voninahitsy manahaky gny raiky voho toka ze bakamy Ray, feno fahasoava voho hato. ¹⁵ Jaona nagnambara gny mahakasiky Gnazy ka nikoraky mare, hoe: "Ie gny raiky ze fa niresahako hoe: 'Ie ze avy afarako la bevata mandilatsy gnahy, fotony Ie ro talohako ."' ¹⁶ Fa bakamy gny fahafenoany ro nandrambesantsika iaby gny fahasoava hagnampy fahasoava. ¹⁷ Fa gny lily la namea tamy gny alalan'i Mosesy. Gny fahasoava voho gny hato la bakamy gny alalan'i Jesosy Kristy. ¹⁸ Na mbia mbia tsy nisy nahajery gnan-Dranagnahary. Fa gny Ndranagnahary raiky voho toka, zaho teo an-tratrany gny Ray, ro nampahay Gnazy. ¹⁹ Voho la zao ro fagnambaran'i jaona lafa nagniraky gnan,ireo mpisoro voho Levita bakagny Jerosalema ho eo amy gny Jiosy ka hagnontany gnazy hoe: "Ia moa iha?" ²⁰ Niresaky tsotsa ie, sady tsy nanda, ka nanao hoe: "Tsy zaho gny Kristy ." ²¹ Ka nagnontany gnazy rozy hoe: "ka ino voho ia moa iha? Elia va iha?" Niresaky ie hoe: "Tsy ie aho" Hoy gnatao-ndrozy : "Iha va gny mpagnambara hafatdy?" Namaly ie hoe: "Tsy zaho". ²² Bakeo rozy niresaky taminy hoe: "Ia iha, mba ahafahanay magnome valin-dresaky gnan'ireo nagniraky gnanay? Ino ro hambaranao mahakasiky gny vatanao?" ²³ Hoy gnataony hoe:" Zao gny feo, mikaiky mare agny agn'efitsy hoe: "ataovo mahity gny lalany gny Tompo," araky gny voaresak,Isaia mpagnambara hafatsy." ²⁴ Voho nisy iraky sasany bakamin'ireo fariseo nalefa, ²⁵ voho nagnontany gnazy rozy ka niresaky hoe: "Nagnino voho ia iha ro manao batisa laha tsy iha ro Kristy no sady tsy Elia no tsy gny mpagnambara hafatsy?" ²⁶ Ka Jaona namaly gnan-drozy, hoe: " Zaho manao Batisa amy gny rano . Fa agnivonareo eo la misy olo raiky mijoro ze tsy hainareo. ²⁷ Ie ze raiky bakafarako, ze tsy mendriky gnahy gny hagnaha gny fehi-kapany." ²⁸ Reo raha reo la natao tagny Betania tagny andafin'i Jordana, ze nagnovan'i Jaona batisa. ²⁹ Gny hamarain'igny Jaona nahajery gnan'i Jesosy namonjy gnazy ro sady njresaky hoe: "Henteo gny anakaondrin-Dranagnahary ze nangalaky gny fahalotoan'izao tontolo zao! ³⁰ Toy gny raiky ze niresahako hoe: "Gny raiky ze bakfaarako la bevata mandilatsy gnahy, fotony Ie ro talohako ." ³¹ Voho zaho tsy nahay Gnazy, fa mba ho voaresaky amin'Israely ie ro niaviako hanao batisa amy gny rano." ³² Jaona nagnambara , manao hoe: " Nahajery gny fagnahy nizotso bakagny an-dagnitsy manahaky gny voromahilala aho, ka nipetraky tagnabony eo io. ³³ Tsy nahay Gnazy aho, fa Ie ze nagniraky gnahy hanao batisa amy gny rano niresaky tagnamiko hoe: 'Eo agnabony ze jerinao hizotsoany gny Fagnahy voho agnaminy eo ro hipetrahany, ie gny raiky ze manao batisa amy gny Fagnahy Masy." ³⁴ Voho nahajery aho ro nagnambara fa ie gny Anakin-Dranagnahary." ³⁵ Gny hamarain'igny, ndraiky, laha nijoro nisondry tamy roe amin'ireo mpianany Jaona, ³⁶ la nahajery gnan'i Jesosy nandeha rozy, ka hoy jaona hoe: "Henteo, gny Anakin-Dranagnahary!" ³⁷ Nahaja gnazy niresaky gnan'ireo mpianany roe ka nagnaraky gnan'i Jesosy rozy. ³⁸ Bakeo Jesosy nitoliky ka nahajery gnan-drozy nagnaraky Gnazy ka niresaky gnan-drozy hoe: "Ino gny ilanareo?" Namaly rozy hoe: "Raby( ze midika hoe mpampianatsy), aia gny ipetrahanao ?" ³⁹ Namaly gnan-drozy Ie hoe:" mamonjea ka henteo." Voho namonjy rozy ka nahajery gny toera ze nipetrahany; nipetraky niaraky Taminy tao rozy tamin'io andro io, fa sabony fa ho ora fahafolo tamin'io. ⁴⁰ Gny raiky tamy reo mpianatsy roe nahaja gnan'i Jaona niresaky ka nagnaraky gnan'i Jesosy bakeo Andrea, rahalahin'i Simona Petera. ⁴¹ Nila gnan'i Simona rahalahiny tseky ie sady niresaky taminy hoe:" Jerinay gny Mesia" ( ze adika hoe Kristy) ⁴² Nanday gnazy tamin'i jesosy tagny ie , ka nanenty gnazy Jesosy ro sady niresaky hoe:' Iha gny Simona anak'i Jaona, iha ro hatao hoe Kefasy" ( ze midika hoe:" Petera). ⁴³ Gny hamarain'igny , laha ta-handeha ho agny Galilia jesosy , la nahita gnan'i Filipo Ie ro sady niresaky agnaminy hoe :" Magnaraha Gnahy." ⁴⁴ Filipo la bakagny Betsahida, tananan'i Andrea voho Petera. ⁴⁵ Nahita gnan'i Natanaela Filipo ka niresaky tagnaminy hoe:" Ie ze nisoratin'i Mosesy tamy gny lalagna tao, voho reo mpagnambara hafatsy, hitanay Ie , la Jesosy anak'i Josefa, bakagny Nazareta." ⁴⁶ Natanaela nivola taminy hoe:" Moa hisy raha soa bakao Nazareta?" Filipo niresaky tagnaminy hoe:" mamonjea ka henteo." ⁴⁷ Jesosy nahita gnan'i Natanaela namonjy gnazy sady niresaky mahakasikasiky gnazy hoe:" Henteo, io ro tena Isiraelita, ze tsy misy fitaky agnaminy ao!" ⁴⁸ Natanaela nivola Tagnaminy hoe:" Ino ro hahaizanao gnahy?" Jesosy namaly ka niresaky tagnaminy hoe:" Talohany gny nikahian'i Filipo gnanao, laha tambaniny gny hazon'aviavy teo iha, ro jiloko." ⁴⁹ Natanaela namaly hoe:" Raby, Iha gny Anakin-Dranagnahary! Iha ro mpanjakan'Israely!" ⁵⁰ Jesosy namaly ka nivola tagnaminy hoe:" Fotony Zaho va niresaky tagnaminao hoe:" nahita gnanao tambanin'ny hazon'aviavy teo Aho; ro hinoanao? Hahita raha soa mandilatsy gnan'io iha." ⁵¹ Bakeo Ie niresaky hoe:" Resahako aminareo, to, la to tokoa , fa hahita gny lagnitsy hisokatsy nareo, sady reo anjelin-Dranagnahary hiakatsy voho hizotso agnabony Gnanak'Olo."