¹ Ry rahalahy,laha misy olo azon'ny gn'ota,nareo ze aaraky gny fagnahy ro tokony hagnampoly gnazy ndraiky amin'ny halemeam-pagnahy.Mandiniha gny vatanao,mba tsy ho tsapa-fagnahy koa iha. ² Mifagnandesa ze mavesatsy ,sady amin'izay la tanteraho gny lalan'i Kristy . ³ Fa laha misy olo mieritseritsy gny vatany ho mahavita raha ,kanefa ie tsy mahavita ndra ino ndra ino ,la mamitaky gny vatany ie. ⁴ Tokony hametsivetsy gn'asany iaby gn'olo iaby,mba ho agnamin'ny vatany avao ro hibohabohany fa tsy amin'olo hafa. ⁵ Fa samby handay gny entany iaby gn'olo kiraikiraiky. ⁶ Gn'olo ze nampianary gny safa la tsy maintsy mizara gny raha soa iaby amin'ny ze mampianatsy. ⁷ Ka magneky ho fitahy,Ndranagnahary tsy azo vazivazy,fa ze raha iaby ambolen'olo la mbo hojijainy avao.Ho gnan'izay ze mamboly tabiry amin'ny toetriny feno fahota,la bakamin'izay ro hinjijany faharava. ⁸ Ze mamboly tabiry amin'ny Fanahy,amin'ny Fanahy avao koa ro hinjijany gny fiaina mandrakizay. ⁹ Ao tsika tsy ho reraky amin'ny fagnanova soa,fa hinjija gny vokany tsika amin'ny fotoa maha mety azy,laha tsy milavo lefo tsika. ¹⁰ Ka noho zay,fotony mana fahafaha tsika,la ao hanao soa amin'ny gn'olo iaby,indrindra fa amin'ny hasaveregnan'ny finoa. ¹¹ Jereo gny habevatan'ny gny soratsy ze nisoratan'ny tagnako ho gnanareo. ¹² Reo ze ta hiseho ho soa amin'ny gny nofo ro miezaky manery gnanareo mba hosavary.Manao gnan'izay rozy mba hiala amin'ny fagnenjeha nohon'ny amin'ny hazofijalian'i Kritsy. ¹³ Ndra reo ze tsy voasavatsy aza la tsy magnaraky gny lalagna,fe tean-drozy hosavary nareo mba hibohabohan-drozy amin'ny gny nofonareo. ¹⁴ fe tsy hibohaboha ndra ombibia afa-tsy agnamin'ny hazofijalian'i Kristy Tompontsika zaho,ze nanomboha gnan'izao tontolo izao tagnamiko eto,voho zaho koa tagnamin'izao tontolo zao. ¹⁵ Fa ndra gny fisavara dra gny tsy fisavara la samby tsy misy dikany,fa gny fiainam-baovao ro misy fotony. ¹⁶ Ho gnan'ireo iaby ze miay magnaraky gnan'izay fomba zay,la ho agnamin-drozy lahy gny fiadana voho gny famindram-po,ndra amin'ny Israelin'i Ndranagnahary aza. ¹⁷ Mamototsy amin'izao la ao tsy hisy hagnadala gnahy,fa manday gny marikin'i Jesosy amin'ny gny vatako zaho. ¹⁸ Ho amin'ny gny fagnahinareo lahy gny hasoavan'i Jesosy Kristy Tompontsika,ry rahalahy,Amena.